PHILIPI 4:6 - Mara Bible RV (BSI)

⁶ Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

PHILIPI 4:6 ပူးပေါင်းရင်းမြစ်များ

1 ABEIZY 8:28

Chatahrasala Hy Abeipa ei Khazohpa y, châ chakaotuhpa ta a cha padona nata a thlahchhâna he nathlie la, tanoh ta na hmiakô liata châ chakaotuhpa thlahchhâna nata hiana he rie pachâ mah y.

2 THÂTIHZYRONA 32:20

Cha hawhpa bie ama reipa vâna chata, Bei Hezekia nata Amôza sawchapawpa hrohsopa Isai cha thlahchhâpa ta avâ lâ awh ei ta.

HLAZY 51:15

Hy Abeipa, ei hmaozy pahy la, Ei pakah ta na reithaina a phuah aw.

HLAZY 55:17

Zâlâ ta zy, my ta zy, nohchhô ta zy, Ei nôpona bie reipa ta a rôh na ta, Abeipa ta ei ao eina thei.

HLAZY 55:22

Na phaohri Abeipa liata pachhô la, Ano ta tha a cha patlô aw; Mosiapa cha pao pasaih beih aw vei.

HLAZY 62:8

Hy chyhsazy saih u, ano cha khâ ngâ u la, A hmiakô liata nama palôh pakeichheih muh vy; Khazohpa cha eimâ chhaina a châ. Selah

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

BIESOZY 16:3

Na raizy Abeipa pavao sa la, Nâ chhuahpazy a hlaotloh aw.

HLAZY HLA 2:14

Hy ei vachhuh, lôpanô keipazy liata a nyu chi ta, Lôkâhpa khuazy liata a y tyhpa y, Na hmia na pahmô la, Na ao na patheisa mah y; Na ao thlôh ta, Na hmia kho â chhih kaw dia!

ZEREMIAH 32:16

“Neriah sawchapawpa Bâruka hnohta chaleina ryuchâ ei pie khai tawhta, hetana heta Abeipa lâta thlah ei chhâ:

ZEREMIAH 33:3

Na aw la, châ chhy aw na ta, hmo rônahpa nata hmo nyupa na pahno beih leipazy ei cha chho aw.

DÂNIAH 3:16

Sâdarâka, Mesâka nata Abenekô zy ta abei cha a chhy ei ta, a hnohta, “Hy Nebukaneza, he kyh liata eima châ chhy awpa chhao byuh vei.

DÂNIAH 6:10

Pakhâna biepiepa cha moh ro thlupa a châ haw tahpa a pahnopa nahta, Dâniah cha a o lâ thlai a di ta. A o chô chhâh opyzy cha Zerusale lâ paheipa ta pahypa châ ta. A vaw tao tyhpa hawhta, noh kha ta ei thôh a pakhu paneihpa ta, a Khazohpa hmiakô liata thlahchhâpa ta alyna bie reih ta.

MATHAI 10:19

Ama cha patu tita, ‘Kheihta ma bie eima reih aw, khâpa bie ma eima reih aw,’ tahpa ta nama nôpo khah sy. Nama rei awpa cha a daihtita liata piepa nama châ aw.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MATHAI 6:34

“Chavâta mylâ châta nôpopa ta y khuh vy. Mylâ cha anosasyh ta â pachâ chhyh aw. Noh kha châta noh kha nôpo â daih.

MATHAI 6:8

Âmo hawhta tao khuh vy. Namâ ngiahpazy cha nama hia hlâ chhao ta nama Paw ta a pahno.

LUKA 10:41

Abeipa ta a chhy ta, “Marthâ, Marthâ, hmo hluhpi pachâ chi ta, nâ tymâ kaw.

LUKA 12:22

Chatawhcha Zisu ta a pachupazy hnohta, “Ei cha chho ei, khâpa ma eima nie aw, tahpa ta nama hrona châta pachâ chhie leipa u la, khâpa ma eimâ bu eimâ sai aw, tahpa ta nama pôhpa châta pachâ chhie hra khah u.

LUKA 12:29

Chavâta nama nie awpa nata nama do awpa tlua leipa u la, nôpopa ta y khuh vy.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

LUKA 18:7

Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

1 KAWRINI 7:21

Sei na châ nota awpa na châ ma? Cha cha pei tah khah y. Khotalaina rypaohpa na hmô khiahta deikua cha, hmâh phahnai mah y.

1 KAWRINI 7:32

Pachâchhiena hnei leipa ta nama y awpa ei cha khokhei ei. Lapinô a hnei leipa cha, Abeipa palysa a chhuahpa ta, Abeipa lâ hmo a pachâ tyh.

2 KAWRINI 1:11

Chyhsa hluhpi thlahchhâna vâta byhnâ to pi ta, chyhsa hluhpi ta keimo vyuhpa ta alyna bie ama rei thei nawpa ta, thlahchhâ miah bao muh vy.

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

EPHESI 6:18

Thlahchhâna nata hiana to ta khatino rai ta Thlahpa ta thlahchhâ teh u. Cha châna chata a hrohrua u la, mopathaihpa zydua châta bâh leipa ta thlahchhâ teh u.

KAOLAOSÂ 3:15

Krista thlalôhna ta nama palôh liata ryureih mawh sy. Cha hawhta châ awpa ta pôhpa miakha liata awpa nama châ. Chavâta a ly teh u.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

KAOLAOSÂ 4:2

Thlahchhâ lylia u la, nama thlahchhâna liana chata alyna bie reih u la, a hrohrua teh u.

1 TIMAWTHY 2:1

A hmiatua ta, hmo hiapa thlahchhânazy, thlahchhâna sôpipazy, chyhsa châta thlahchhâna nata alyna bie reina thlahchhânazy chyhsa zydua châta tao awpa ta ei châ haw ei.

1 TIMAWTHY 5:5

Nôhmei hmeiseihpa, ano dei ta a ypa cha, Khazohpa chô liata hnabeiseihna a sohpa châ ta, chhô nah zâ ta hiapa nata thlahchhâpa ta a y tyh.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

1 PITY 5:7

Khazohpa ta cha pachâ ngaita ei ta, chavâta nama nôpona zydua a chô liata pahnieh teh u.

1 SAMUELA 1:15

Hânâ ta, “Ei zibeipa y, pari va na, a thlahpa nô a popa chanô na ei châ. Kresawhti tlyma, sahma tlyma doh va na, Abeipa hmiakô liata ei hro ei palâhâhpa tlao a châ.

1 SAMUELA 30:6

Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.

1 SAMUELA 7:12

Chatawhcha Samuela ta alô la ta, Mizpâ nata Seni likawh liata bô ta, “Abeipa ta he taih he miah a vaw bao haw,” tah ta, a moh ta Ebeneza a bi.