PHILIPI 4:5 - Mara Bible RV (BSI)

⁵ Nama nôphana cha chyhsa zydua pahnopa châ mawh sy. Abeipa cha â hnia haw.

PHILIPI 4:5 ပူးပေါင်းရင်းမြစ်များ

MATHAI 6:25

“Chavâta ei cha chho ei, nama hrona kyh liata nôpopa ta y leipa u la, nama nie awpa nata nama doh awpa kyh liata nôpopa ta y hra khah u. Nama pôhpa kyh liata nôpopa ta y leipa u la, namâ bu sai awpa kyh liata nôpopa ta y hra khah u. Niepa hlâta hrona sôh via ta, chysia hlâta pôhpa sôh via vei ma?

MATHAI 6:34

“Chavâta mylâ châta nôpopa ta y khuh vy. Mylâ cha anosasyh ta â pachâ chhyh aw. Noh kha châta noh kha nôpo â daih.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

1 KAWRINI 16:22

Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

1 KAWRINI 6:7

Unawh nata unawh likah liata biepeipa nama hnei tyhpa heta, pahnie chhieliepa nama châpa a palâsa. Khazia â do leipa ta ama cha teipa chhao ta, maoh nama oh thlâh vei? Khazia ama cha dôveipa chhao ta, namâ padôveisa thlâh ha vei?

1 KAWRINI 8:13

Chavâta niepa vâta ei unawhpa ei pahluasa khiahta cha, ei unawhpa ei pahluasa pathlei lei nawpa ta, atheihna sa cha nie khao aw va na.

1 KAWRINI 9:25

Ataopasuana liata a hlaopazy cha, kyh toti liata amâ sohsi tyh. Âmo cha lakho rao theipa hmô awpa ta tei ei ta, keimo deikua cha, lakho rao thei leipa hmô awpa ta eima tei.

2 KAWRINI 10:1

Kei, Pawla ta Krista nôphana nata nônaina ta ei châ haw ei. Nama hnohta ei y nota a reisi kaw tyh na ta, ei sie tawhta deikua cha, nama chô liata ei riah a pha kaw tyh.

2 THYSALAWNIKA 2:2

Abeipa Noh cha a vaw tlô ha na, tahpa ta thlahpa ta reipa tlyma, bie ta reipa tlyma, keimo tawhta châpaphaopa hawhta reipa tlyma a y khiahta cha, nama palôh thlai a chalyu leipa sala, nama thlazoh hra khah sy.

TITU 3:2

Ngiapâtuhpazy cha ahy hmah ama reipachhie awpa châ leipa ta, ahryusina amâ hneisai awpa a châ. Nônai kawpa ta y ei sala, chyhsa zydua chô liata areisina dopa ama palâsa awpa a châ.

HEBRAI 10:25

Thokha taozie hawhta, apakhynazy bâhsai leipa ta, tlao a pasyu raihrie ei suh u. Noh â hnia via rilipa nama hmôpa hawhta, thata a pasyu ei suh u.

HEBRAI 10:37

“Bohpi leipa liata, A vy awpa cha â vy aw, Hawh aw vei.

1 PITY 1:11

âmo liata a ypa Krista Thlahpa ta Krista pasa tao awpa nata cha khai tawhta palyupalihna a vaw pazi awpazy kyh ama rei chhielie nona khata, khati ta ma vaw tlô aw ta, kheihawh ta a vaw tlô awpa ma a châ tahpa zy amâ laichadai tyh.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

BIEPHUAH 22:20

He biezy a reihtuhpa ta, “Ei vy patoh tlai aw,” a tah. Amen. A vy mah y, Beipa Zisu!

BIEPHUAH 22:7

Abeipa Zisu ta,“Nathlie teh, ei vy patoh aw. He châbu chhôh liata hrohsona biezy a pyhpa cha a nohlao na,” tah ta.