PHILIPI 4:18 - Mara Bible RV (BSI)

¹⁸ Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

PHILIPI 4:18 ပူးပေါင်းရင်းမြစ်များ

PUASAINA 29:18

Mietaku tôhpa cha a zydua ta maisâh liata rao aw chi ta, cha cha Abeipa châta raopa hlâna châ ta, Abeipa lâta mei ta hmohlâpa ropahâhpa a châ.

MALUHREINA 15:3

Abeipa châta ropahâhpa tao nawpa ta, Abeipa lâta mei ta hmohlâpa raopa hlâna tlyma, bietai patlô nawpa ta atheihna tlyma, lôhthai hmohlâpa tlyma, nama châta kyhchhi raopazy liata hmohlâpa tlyma nama hlâ tita, viahchao hri tawhta tlyma, mietaku zaw tawhta tlyma nama hlâ awpa a châ.

MALUHREINA 7:62

ropahâhpa ta pabiepa ngôh phiahthla sekel miahrawh a hripa miakha;

HMOTAOPAZY 10:4

Kawnilia ta ano cha kei moh ta, chi ngaita ta, a hnohta, “Abeipa, khâpa maw?” tah ta. Vâlyuhchâpa ta a hnohta, “Na thlahchhânazy nata na hmopiepazy avâ lâ kiah ta, Khazohpa ta a pahno thlâh haw.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

2 KAWRINI 11:8

Nâmo chakao awpa ta, Awnanopa hropazy pahryuh na ta, âmo tawhta baona ei dao tyh.

2 KAWRINI 9:12

Cha deichhy chakaona raihria cha, mopathaihpazy phahlana pazaona dei châ leipa ta, Khazohpa lâta alyna biereina hluhpi a paysatuhpa a châ hra.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

PHILIPI 4:12

Phahlapa ta yzie thai na ta, hneirôhpa ta yzie chhao ei thai. Kheihawhpa duahmo rai châ sala, lôhrâtlôpa nata nodipa ta y thaina bieru pahno na ta, hneirôhpa nata phahlapa ta y thaina bieru chhao ei pahno.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.