PHILIPI 4:17 - Mara Bible RV (BSI)

¹⁷ Hmopiepa a tluapa châ leipa na ta, nama lymâ a papôh awpa theilâpa a tluapa tlao ei châ.

PHILIPI 4:17 ပူးပေါင်းရင်းမြစ်များ

BIESOZY 19:17

Dyhchhiepa chô liata a ria a phapa cha, A sôh Abeipa dyu a pacheisapa châ ta; Abeipa ta a dyuchei cha a thô aw.

MIKÂ 7:1

Ei hupo rimâ cha! Nopi daihti theilâpa pakhy nota, Kre theizy kâmo thoh nota, A sao nie awpa a y leipa hawhta châ na ta; Ei hro ta a tlaichhai kawpa Theiku hmoh tuapa y leipa hawhta dia ei châ haw!

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 15:8

Thei hluhpi pathei ei chi ta, ei pachupazy nama châpa nama palâsapa liana heta, ei Paw cha parônahsapa ta a y.

RAWMA 15:28

Cha hmozy cha tao khaipa ta, thyunazy cha ama ku liata ei hlâ khai tawhta, nâmo cha vaw chapiapa ta Spânia lâ cha ei sie aw.

2 KAWRINI 11:16

Ei rei heih aw, ahy hmahta ahrupa ta na rao khah ei sy. Eina rao hapa chhao ei chi ta, ahrupa hawhta na pachâ u la, a chyhta ei vaw palai pâ tua aw.

2 KAWRINI 9:5

Chavâta pie awpa namâ taihpazy kha pasia awpa ta, unawhzy he nâmo lâ pavysa chhielie a byuhpa ta ei pahno. Chatanachata tararuahna ta châ leipa ta, pasai ngaitapa ta piepa châ aw ta, a mâ chiehpa ta a y thei aw.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

PHILIPI 4:11

Ei phahlana kyh a reihpa châ va na. Kei la kheihawhpa duahmo lia rai y aw sah la, palôhtlâh ei pao lymâ.

1 THYSALAWNIKA 2:5

Nama pahnopa hawhta, reithai pakheina biezy reih beih leipa pi ta, karâyna khu nawpa biezy reih beih hra ma pi. Khazohpa cha miah pahnokheituhpa a châ.

1 TIMAWTHY 3:3

kresawhti pari hmâh leipa, thachahra hmâh leipa chyhsa nônaipa, ahryuchhiana a tao leipa nata tâkâ sôh liata karâ y leipa a châ awpa a châ.

1 TIMAWTHY 6:10

Tâkâ sôh kyh liata karâyna cha moleina to thabypa a châ. Thokha sôh tlaichhaina vâta ngiapâna paviasai ei ta, pachârôhna hluhpi taopa ta, âmosasyh amâ pasasa tyh.

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.

TITU 3:14

Eima chyhsazy cha pathei leipa ta ama y lei nawpa ta, bao ngiahpazy bao ei sala, hmo pha taona liata a hmâ lymâ awpa ta a chu mawh ei sy.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.