PHILIPI 4:11 - Mara Bible RV (BSI)

¹¹ Ei phahlana kyh a reihpa châ va na. Kei la kheihawhpa duahmo lia rai y aw sah la, palôhtlâh ei pao lymâ.

PHILIPI 4:11 ပူးပေါင်းရင်းမြစ်များ

ÂTHAONA 28:20

Zakaw ta, “Khazohpa cha ei hnohta y sala, ei siena lâpi liana heta na vaih sala, viahchhâ nie awpa nata chysia a tao awpa na piepa ta,

PUASAINA 2:21

Cha chyhsa hnohta y awpa cha Mawsi ta paryhsa ta. Rue ta a sawchanô Zipôrâ cha Mawsi pie ta.

LUKA 3:14

Pheisaihzy chhao ta a hnohta, “Keimo chhao he khâpa eima tao aw?” tah ei ta. Ano ta ama hnohta, “Pachhiparypa nata â doleipa ta leihpa ta ahy sôh hmah nama la awpa châ vei. Nama hlao liata palôhtlâh namâ paoh awpa a châ,” tah ta.

2 KAWRINI 11:27

Riethei rairunazy thata a tyh na ta, a mô leipa ta zâ hluhpi y na ta, nodi dâhphipa ta ei hluhpi y na ta, kâhvileipa ta y tyh na ta, chasipa nata thluahruapa ta ei hluhpi ei y.

2 KAWRINI 6:10

Pachârôh awpa ta pachâpa châ pi ta, châhrasala khâ eimâ ly. Dyhchhiepa hawhta pachâpa châ pi ta, châhrasala chyhsa hluhpi a pahneirôhsapa eima châ. Khâpa hmah a hnei leipa hawhta pachâpa châ pi ta, châhrasala ato eima hnei.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

2 KAWRINI 9:8

Khazohpa ta ngiachhiena hluhpi nama chô liata vaohei thei ta, chatanachata khati no rai ta hmo to namâ ngiahpa hawhta hnei aw ei chi ta, raihria phapa hluhpi nama hria thei aw,

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.