PHILIPI 4:1 - Mara Bible RV (BSI)

¹ Chavâta ei kho ngaitapa nata ei vâ ngaitapa ei unawhzy nata ei lyna nata ei lakhozy saih u, Abeipa liata â ipa ta a duah teh u.

PHILIPI 4:1 ပူးပေါင်းရင်းမြစ်များ

ZAWBÂ 31:36

Ei ngiatlâh ta a pu aw na ta, Lakho hawhta ei kho awpa tlai.

HLAZY 125:1

Abeipa a ngâtuhpazy cha Zaio Tlâh pasie thei rimâ leipa, Chhâzaw ta a y thlâh hapa hawhta ama châ.

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

MATHAI 10:22

Ei moh vâta chyhsa to a haopa ta y aw ei chi ta, achhâna taihta â ipa ta a duahpa cha pachhapa ta a y aw.

ZAWHÂNA 8:31

Chatawhcha Zisu ta ngiapâtuhpa Zuzy hnohta, “Ei bie liata nama y thlâh ha khiahta cha, ei pachupa dopazy nama châ aw.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

HMOTAOPAZY 2:42

Ngiapâtuhpazy cha lyuhchâpazy pachuna dao awpa ta zy, akaona hnei awpa ta zy, viahchhâ pachhaih awpa ta zy, thlahchhâ awpa ta zy ta phahnai khoh ngaitapa ta y tyh ei ta.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

2 KAWRINI 1:14

A rakhapa ta miah nama pahnopa kha, miah nama pahno pasia ha bâ. Chavâta eima Beipa Zisu noh liata miah a palaikhei aw ei chi ta, keimo chhao eima châ palaikhei hra aw.

KALATIA 5:1

Khotalaipa ta y awpa ta Krista ta miah papua ha ta, chavâta â ipa ta a duah u la, sei raopaky a ky heih awpa ta a pasaih khao khuh vy.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

PHILIPI 1:8

Zisu Krista liata atlaichhaina ta nama zydua ei cha vânazie ei cha, Khazohpa ta eina pahnokhei.

PHILIPI 2:16

Hrona bie khâchâ patu teh u. Chatanachata hraoleipa ta a râpasuapa nata hraoleipa ta a hriapasapa châ va na tahpa Krista noh liata ei palaikhei thei aw.

PHILIPI 2:26

Nama zydua ta cha vâ ngaita ei ta, a pasapa kyh nama vaw theipa vâta a palôh pha thai khao vei.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

2 THYSALAWNIKA 2:15

Chavâta unawh saih u, â ipa ta a duah u la, biereipa ta tlyma, châpaphaopa ta tlyma, hrozie awpa eima cha pachupa zydua kha khâchâ patu ha muh vy.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

HEBRAI 10:23

Eima hnabeiseihna palâhâhna cha, a zawvaw leipa ta khâchâ patu ei suh u, bie â taihtuhpa cha ngâchhihpa châ tlôh ta.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

HEBRAI 4:14

Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.

2 PITY 3:17

Chavâta kho ngaitapa saih u, nâmo la, cha bie cha nama pahno hapa vâta a vaih teh u. Chataleipatala ryhpa papeisaleituhpazy paraona liata a chhipa châ aw ei chi ta, nama duahmo a ipa nama paosai pathlei aw.