PHILIPI 3:9 - Mara Bible RV (BSI)

⁹ Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

PHILIPI 3:9 ပူးပေါင်းရင်းမြစ်များ

ÂTHAONA 7:23

Alei chô liata hrona a hneipa zydua pamua khaipa châ ei ta, chyhsazy, sazy, âlyhpasazy nata avâ liata pavawzy alei chô tawhta pamua khaipa ama châ. Nôah nata a hnohta balyh liata a ypazy deita amâ boh.

1 ABEIZY 8:46

“Chyhsa ahy hmah a molei beih leipa y veih ei. Na phopi chhao ta na chô liata ama molei tita, ama chô liata na pathi ia ta, chavâta ama chariahpa ku liata âmo cha pie chi ta, chariahpa râh lâhlapi lâta tlyma, lâhnia liata tlyma, sei ta a chhipa ta y ei sala,

2 THÂTIHZYRONA 32:25

Châhrasala Hezekia cha palôh laipa ta y ta, ano châta hmo phapa taopa cha phana ta pie palie leipa ta. Chavâta ano nata Zudâh nata Zerusale chô liata pathiiana vaw tlô ta.

2 THÂTIHZYRONA 32:31

Babylaw beimachâzy ta lyuhchâpazy za tuah ei ta, râh liata ngiana hmo ama taopazy ama za patluahna kyh liata, Khazohpa ta Hezekia cha pasia ta, a palôh liata a ypa zydua pahno awpa ta ano y ta a paysa hapa kha a châ.

HLAZY 14:3

Pavia khai ha ei ta, Avyuhna liata amâ ngia khai haw; Hmo pha a taopa rai y veih ei, Pakha hmah y veih ei.

HLAZY 143:2

Na hmiakô liata la, Ahrohpazy hry liata mosiapa ama y leipa vâta, Châ chakaotuhpa he pachiana liata a ngiakhei khah y.

HLAZY 19:12

Ahy ma ano taochheipazy a pahno thei tly? Ei pahno leipa paraonazy nâ ngiahthai mah y.

BIECHHOTUHPA 7:20

Alei chô liana heta chyhsa siapa, A molei beih leipa pakha hmah y veih ei.

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ISAI 6:5

Chatawhcha kei ta, “Ei hu a po kaw dia! Ei leidia haw. Hmao pathaih leipa chyhsa châ na ta, hmao pathaih leipa phopi hry liata ei pahrâ. Ei mo ta Abeipa, Pheisaihzy Abeipa a hmô ha khaw!” tah na ta.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

MATHAI 9:13

Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

RAWMA 10:10

Palôh ta a ngiapâpa cha thai pachâsapa ta y ta, pakah ta a châhkheipa cha pachhapa ta a y.

RAWMA 16:7

Ei chiheih Andrônikâ nata Zunia, patâhna o liata ei tâlâhpazy kha nâ naohpa muh vy. Âmo cha lyuhchâpazy ta ama pahno kawpazy châ ei ta, kei Krista liata ei y hlâta a y hapazy ama châ.

RAWMA 5:21

Moleina chata thina ta ryureih ta, ngiachhiena deikua cha, eima Beipa Zisu Krista zawhzi ta chhâzaw hrona a tlôkheipa siana ryureina a châ.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 2:16

Chatahrasala ryhpa hmotaopazy vâta chyhsa cha thaichâpa ta y leipa ta, Zisu Krista ngiapâna vâ deita ta thaichâpa ta a y, tahpa eima pahno. Chavâta keimo chhao, ryhpa hmotaopazy vâta châ leipa ta, Krista Zisu ngiapâna vâta thaichâpa ta eima y thei nawpa ta, Krista cha eimâ ngiapâ. Ryhpa hmotaopazy vâta ahy hmah thaichâpa ta y thei veih ei.

RYHPACHANEINA 27:26

“He ryhpa biezy a pyh leipa nata a tao leipa cha chhiesapa ta y mawh sy,” tah aw ei ta, zawpi ta, “Amen” ama tah aw.

PHILIPI 3:6

phahnai ngiahna kyh liata Awnanopa a taolatuhpa ei châ. Ryhpa biezy zyhpa vâta siana kyh liata chhao seina hnei leipa ei châ.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

TITU 3:5

siana ta eima hmotaopa vâta châ leipa ta, a zawngiahna vâta miah a pachha. Cha pachhana cha pipathina ta miah pathaisa ta, Thlahpa Pathaihpa taopathina zawhzi ta eima hmôpa a châ.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

ZÂMIE 3:2

Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

1 ZAWHÂNA 3:4

Moleina hmo a taopa maih ryhpa a paraopa ama châ. Moleina cha ryhpa paraona châ tlôh ta.