PHILIPI 3:8 - Mara Bible RV (BSI)

⁸ Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

PHILIPI 3:8 ပူးပေါင်းရင်းမြစ်များ

1 ABEIZY 14:10

Chavâta nathlie teh, Zerôbaw pathlazy chô liata hmo pha leipa ei vaw patlôsa aw. Chapaw maih cha, sei chhao, khotalaipa chhao, Zerôbaw tawhta ei chhawh pathlah khai ha aw ei. Zerôhaw o cha, chyhsa ta viahchao ie a raopa hawhta, a kâ patlô hana taihta mei ta ei rao khai ha aw.

2 ABEIZY 9:37

he he Zezebel a châ tahpa chyhsa ta ama pahno khao lei nawpa ta, a ri cha Zezari râh liata lyu liata ie hawhta a y aw,’ tahpa a reipa kha a châ hih,” tah ta.

ZAWBÂ 20:7

Ano ie hawhta chhâzaw ta leidia aw ta, A vaw hmô hapazy ta, ‘Khataih lia a y haw?’ ama tah aw.

HLAZY 126:6

Chana chôta sâh chi a puakheipa cha, A sapiahzy cheipa ta thaphapa ta â di heih aw.

HLAZY 73:25

Avâ liana khi ta, Nâ leipa ta ahy hropa ma ei hnei tly? Alei liana chhao heta, Nâ leipa ta khopa hro hnei va na.

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

MALAKHAI 2:3

“Moh teh u, nama pathlazy chhorei aw ei na ta, nama hmia liata ie ei hnia aw. Nama kyhchhina iezy tlai cha nama hmia liata hnia aw na ta, cha iezy chhao chata siekheipa nama châ aw.

MALUHREINA 14:30

Bâh pazawhpa tlai ta nama pahrâ nawpa tao awpa ta bie ei châ taihpa ei râh cha, Zephune sawchapawpa Kâlebâ nata Nunâ sawchapawpa Zawsua tah leipa ta cha ahy hmah a ngia aw veih ei chi.

LUKA 1:43

He nohlaona he kheihtazieta a topa ma ei châ tly, ei Beipa nô ta eina vaw tly thlâh hapa chi he?

LUKA 11:20

Khazohpa kudy hmâpa ta ahripazy a papuapa ei châ khiahta deikua cha, Khazohpa khinarâh cha nama chô liata a vaw tlô hapa a châ.

ZAWHÂNA 14:20

Cha noh liata, kei ei Paw liata y na ta, nâmo keima liata y ei chi ta, kei nâmo liata ei y tahpa nama pahno aw.

ZAWHÂNA 14:7

Kei he nâ pahnopa châ u la, ei Paw chhao nama pahno aw. Tahmâ tawhta deikua cha, Paw cha pahno ei chi ta, nama hmô haw,” tah ta.

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 17:8

Bie eina piepazy chi kha ama hnohta pie na ta, a pyh ei ta, nâ tawhta a puapa ei châ tahpa â dopa ta pahno ei ta, nâ ta eina tuah chi tahpa amâ ngiapâ haw.

ZAWHÂNA 20:13

Âmo ta a hnohta, “Chanô, khazia na cha?” tah ei ta. Ano ta ama hnohta, “Ei Beipa siekhei ha ei ta, ama paziana pahno khao va na,” tah ta.

ZAWHÂNA 20:28

Thawma ta a chhy ta, a hnohta, “Ei Beipa nata ei Khazohpa!” tah ta.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

RAWMA 8:18

Tahmâ nota pasa taonazy he, noh hro ta eima chô liata rônahna palâsa awpa nata pakho khi ta rao va na.

RAWMA 8:39

asâhna nata athuna tlyma, hmotaopa zydua liata hmo hropa khâpa ta hmah eima Beipa Krista Zisu liata a ypa Khazohpa kyhpachâna tawhta miah pachhaih thei aw vei tahpa a sia ngaitapa ta ei pahno.

1 KAWRINI 2:2

Zisu Krista nata khaipâpa ta a ypa kyh dei leipa cha, nama hry liata khâpa hmah pahno a chhuah va na.

1 KAWRINI 9:10

Keimo châta a reipa tlao châ vei ma? Keimo châta ropa a châ. Leipalietuhpa ta hnabeiseihna hneipa ta a palie awpa châ ta, sâh tlytuhpa chhao ta, tovyuh hnabeiseihpa ta a tly awpa a châ.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

KALATIA 1:16

Zenitaizy hry liata a thâtihpha ei chho thei nawpa ta, Khazohpa ta a Sawchapawpa cha palôhtlâh ngaitapa ta kei liata a vaw paluahsa. Kha nona kha ahy hmah a saohiah veih ei na.

EPHESI 4:13

Eima zydua ta ngiapâna nata Khazohpa Sawchapawpa pahnona liata pôhkha châpa ta, pitlohna hro hneipa ta, Krista pakina tlu ta pakipa ta eima y thei nawpa ta piepa a châ.

PHILIPI 1:1

Pawla nata Timawthy, Krista Zisu chakaotuhpazy ta Philipi khih liata a ypa Krista Zisu liata mopathaihpazy, Awnanopa chhituhpazy nata chakaotuhpazy eima châ naoh.

PHILIPI 3:10

Chatanachata Krista nata a thyuheihna hmotaotheina cha pahno aw na ta, a rietheitaona liata a hlao hrapa ta, a thina liata ano hawhta thi hrapa ta,

PHILIPI 3:12

Chazy cha a hmô hapa hawhta a reih leipa na ta, paki hapa hawhta a rao va na. Krista Zisu ta eina patuna chhâpa patu hra awpa ta ei tei lymâ.

PHILIPI 3:7

Châhrasala kei châta athôhna a châ awpa maih Krista vâta kyna ta ei rao khai.

2 TIMAWTHY 4:6

Kei la tahmâ chhao he dopa hlâna hawhta hlâ haipa châ na ta, ei sie nawpa daihti a vaw tlô haw.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

1 PITY 2:7

Chavâta Krista cha nâmo, ngiapâtuhpazy châta hmo sôh ngaitapa châ ta, ngiapâleipazy châta deikua cha, “O satuhpazy kho leipa alô cha, A ki liata alô phahnai chaipa a vaw châ haw;

2 PITY 1:2

Khazohpa nata eima Beipa Zisu pahnona liata ngiachhiena nata thlalôhna nama chô liata pôh rili mawh sy.

2 PITY 1:3

Ano eima pahnona zawhzi ta, ano rônahna nata phana vâta miah awtuhpa Khazohpa hmotaotheina chata hrona nata Khazohpa pachâna hmo zydua miah a patosa.

2 PITY 1:8

Cha chânazy cha hnei u la, a pôh lymâ khiahta cha, eima Beipa Zisu Krista pahnona kyh liata hmotaotheina hnei leipa nata pathei leipa ta y aw veih ei chi.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

1 ZAWHÂNA 1:3

Nâmo chhao ta miah namâ kao thei hra nawpa ta, eima hmôpa nata eima theipa cha nama hnohta eima phuah. Eimâ kaona cha Paw nata a Sawchapawpa Zisu Krista liata a châ.

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.