PHILIPI 3:5 - Mara Bible RV (BSI)

⁵ Noh chariena noh ta chopawtaipa, Izarei phopi pathla, Benzami chi, Hebraizy hry liata Hebrai pachaipa ei châ. Ryhpa kyh liata Phârisaih châ na ta,

PHILIPI 3:5 ပူးပေါင်းရင်းမြစ်များ

ÂTHAONA 14:13

Chyhsa â râpa pakha a vy ta, Mamre thothih liata a pahrâpa Hebrai chyhsa Abarâ hnohta cha thâtih cha chho ta. Mamre cha Amawri chyhsa châ ta, Eskaw nata Ane unawhpa a châ. Âmo cha Abarâ nata a pazaopa ama châ.

ÂTHAONA 17:12

Chhâ vaw y lymâ awpa zydua liata, nama hry liata chapaw maih, na o liata a pihpa nata na pathla a châ hlei leipa chihropa tawhta sôh ta na chaleipazy chhao, noh charie uhtheipa ama châ nahta chopaw tai khai awpa a châ.

ÂTHAONA 40:15

Hebrai mo râh tawhta parupa ta a chhipa châ na ta, he râh liana chhao he patâhna o chhôh lia taihta khô awpa ta khâpa hmah parao va na,” tah ta.

ÂTHAONA 41:12

Hebrai satlia pakha eima hnohta cha liata a tâh hra ta. Ano cha vaituhpazy hyutuhpa sei a châ. Eima mâzy cha ano chho pi ta, eima mâ yzie chyu hawhta miah chhopasia ta.

ZAWNA 1:9

Zawna ta âmo cha a chhy ta, “Hebrai chyhsa châ na ta, Abeipa, avâ Khazohpa, tilaipi nata alei hipa a taotuhpa a chipa ei châ,” tah ta.

LUKA 1:59

A noh chariena noh ta hawsaih chopawtai awpa ta a vy ei ta, a paw moh zipa ta a moh Zekaria bi a chhuah ei ta.

LUKA 2:21

Noh charie vaw tloh ta, hawsaih cha chopawtaipa a châ khai nahta, a moh Zisu bi ei ta. Cha moh cha chhi liata nawh â choh hlâta, vâlyuhchâpa ta moh a vaw bi chhielie hapa kha a châ.

LUKA 5:38

Kresawhti thiehpa cha savo titheih thiehpa liata ama ryh tyh.

HMOTAOPAZY 22:3

“Kei he Zu chyhsa châ na ta, Silisia râh Tarsâ khih liata a pihpa ei châ. Châhrasala Kâmalia phei thaby lia a chu na ta, he khihpi liata a laiseihpa ei châ. Miah pathlatuhpazy ryhpa â i ngaitapa ta pachupa châ na ta, tanoh nâmo zydua hawhna heta Khazohpa châta phahnai a ngiah ngaitapa ei châ tyh.

HMOTAOPAZY 23:6

Pawla ta thokha Saduasizy châ ei ta, thokha Phârisaihzy ama châpa a pahno nahta, ryureituhpazy hnohta, “Unawh saih u, kei he Phârisaih châ na ta, Phârisaih sawchapawpa ei châ. Athihpa thyuheihna hnabeiseihna kyh vâta ryureina hmiakô liata a duahpa ei châ hih?” tah ta.

HMOTAOPAZY 6:1

Cha nohzy liata, pachupazy ama pôh via lymâ nahta, noh chareih ama hmo raipa liata ama nôhmeizy ama pachâ tyh leipa vâta, Krikâh Zuzy cha Hebraizy chô liata paphôh ei ta.

RAWMA 11:1

Cha khiahta la, hiahrina ei tao. Khazohpa ta ano phopi cha a thy aw ma? Thy bao va! Kei chhao he Izarei chyhsa, Abarahâ pathla, Benzami chi ei châ.

2 KAWRINI 11:22

Hebrai chyhsa ama châ ma? Kei chhao ei châ. Izarei chyhsa ama châ ma? Kei chhao ei châ. Abarahâ pathla ama châ ma? Kei chhao ei châ.

1 SAMUELA 4:6

Philistinâ mo ta ama awpa pyu cha ama thei nahta, “Hebrai mo riehmo liata awpa pyu a paro ngâpa cha khâpa ma a yzie tly?” tah ei ta. Abeipa Byh riehmo liata a vaw tlôpa a châzie ama pahno nahta,