PHILIPI 3:20 - Mara Bible RV (BSI)

²⁰ Keimo khihsana deikua cha vârâh liata y ta, vârâh tawhta Pachhatuh Abeipa Zisu Krista a zu awpa cha ngiatiah leipa ta eima hâ.

PHILIPI 3:20 ပူးပေါင်းရင်းမြစ်များ

HLAZY 16:11

Hrona lâpi na pahmôsa chi ta, Na yna liata lyna kipa y ta, Na ku chachâh lâta tlyzaw thaphana a y.

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

BIESOZY 15:24

Asopa châta cha hrona lâpi he â sâh lâta kiah lymâ ta, Chatanachata â hnai lâta Athihkhih lâpi a tleisai thei ha aw.

MATHAI 19:21

Zisu ta a hnohta, “Phapaki na khoh khiahta la, sie la, na hneipa zydua zuah la, dyhchhiepazy hnohta pie teh, chatanachata vârâh liata ryu na hnei aw. Cha khai tawhta a vy la, na zi mah y,” tah ta.

LUKA 12:21

Ano châta sôh pachô ta, Khazohpa lâta hneirôh tlôh leipa cha, cha chyhsa hawhta a châ aw,” tah ta.

LUKA 14:14

Âmo cha châ thô thei awpa ama châ leipa vâta, byhnâ to aw chi ta, chyhsa dopazy thyuheihna liata thôpa na châ aw,” tah ta.

HMOTAOPAZY 1:11

Cha chyhsazy chata, “Kâlili mo saih u, khazia vârâh lâ mopa ta namâ duah thlâh haw? Zisu, nâmo tawhta vârâh lâ a chhipa ta a ypa kha, vârâh lâ a kiapa nama hmôpa hawhna heta â vy heih aw,” tah ei ta.

1 KAWRINI 1:7

Chavâta eima Beipa Zisu Krista aluahna nama hâna liata, thlahpa hmopiepa khâpa hmah a phahla veih ei chi.

1 KAWRINI 15:48

Dohlei ta taopa chyhsapa hawhna khata, lei chyhsazy cha châ ei ta; vârâh tawhta chyhsapa hawhna khata, vârâh chyhsazy cha ama châ.

2 KAWRINI 4:18

Hmô theipazy sai leipa ta, hmô thei leipazy tlao eima sai. Hmô theipazy cha buakha châta châ ta, hmo hmô thei leipazy deikua cha chhâzaw châta a châ.

2 KAWRINI 5:8

Thlalôhpa ta eima y. Pôhpa o liata y leipa ta, eima y nawpa o liata Abeipa hnohta y awpa eima khoh via.

KALATIA 4:26

Chô lâ Zerusale deikua cha, khotalaipa châ ta, ano cha keimo nô a châ,

EPHESI 2:19

Chavâta tahmâ la khichhaipa nata khitlyhpa dei châ khao veih ei chi. Mopathaihpazy nata hmaohkha ta khinarâh sawzy châ ha ei chi ta, Khazohpa chhôhkhazy tlao nama châ haw.

EPHESI 2:6

Krista Zisu hnohta miah pathyu ta, avâ suzy liata ano hnohta miah a patyusa haw.

PHILIPI 1:10

Chatanachata hmo pha chaipa pahnopa ta, Krista noh châta pathaihpa nata seina hnei leipa ta y aw ei chi ta,

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.