PHILIPI 3:19 - Mara Bible RV (BSI)

¹⁹ Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.

PHILIPI 3:19 ပူးပေါင်းရင်းမြစ်များ

HLAZY 17:14

Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

HLAZY 52:1

Hy chyhsa thatlôpa, khazia hmo pha leipa nâ palaikhei tly? Khazohpa phana cha noh y ta y tlôh ta.

ZEREMIAH 44:17

Keimo nata miah pathlatuhpazy nata eima beizy nata eima beimachâzy heta, Zudâh khihpizy nata Zerusale khiliahzy liata eima tao tyhpa hawhna khata, avâ beinô lâ ropahâhpazy raopa ta, dopa hlânazy ano lâ patlai aw pi ta, bie eimâ taihpa zydua eima tao aw. Kha daihti liana kha niedo hluhpi hneipa ta, thlaochhipa ta y pi ta, chhiena a tyh ma pi.

EZEKIA 13:19

Haipa bie a nathliepa ei phopi hnohta haipa bie reih ei chi ta, bâli sâh pazah kha nata viahchhâ tlâ chyhta hmô nawpa ta, ei phopi hry liata na reipachhie ei chi ta, a thi tlâh a châ leipa chyhsazy thiepa ta, a hroh tlâh a châ leipazy tlao nama pahro.’

EZEKIA 34:3

A thawhpazy tlao nie ei chi ta, mietaku hmi ta namâ tobi. Mietaku thawhpazy thie ei chi ta, châhrasala mietakuzy pasa veih ei chi.

HÔSIA 4:7

Ama pôh via nahta, Ei chô liata tlao molei via ei ta, Ama rônahna cha nozana ta ei tao aw.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MIKÂ 3:5

Ei phopi a chhi chheipa hrohsopazy kyh liata, Abeipa ta hetana heta a tah: Nie awpa ama hnei nota, Adyhna phuah ei ta; Ama pakah pabie awpa a hnei leipazy hnohta, Adyuhna ama phuah tyh.

MALAKHAI 1:12

“Châhrasala nâmo ta, ‘Abeipa tlâhkhai cha papuapaleipa châ ta, cha liata theilâpa nata niepazy chhao khâpasaw ta rei lei theipa a châ,’ nama tahpa liata ei moh cha nama papuapalei tyh.

MATHAI 16:23

Zisu cha Pity lâ a heih ta, a hnohta, “Sâtâ, ei hnôh lâ y teh! Ei châta ahluana na châ he. Khazohpa hmozy pachâ leipa chi ta, chyhsapa hmozy tlao na pachâ via he,” tah ta.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

LUKA 12:19

Chatawhcha ei thlahpa hnohta, “Thlahpa y, kô hluhpi chhôh châta hmo hluhpi nâ pachô haw. A pahâ la, nie la, doh la, thaphapa ta y mah y,” ei tah aw,’ tah ta.

LUKA 16:19

“Chyhsa hneirôhpa pakha y ta. Chysia saihlawpa nata rih dipa ta a tobipa ta, noh chareih phasa ngaitapa ta y tyh ta.

LUKA 18:4

Ryureituhpa ta khachâ tlyma cha taopa khoh leipa ta. Châhrasala hnôhlâ ta pachâ heih ta, ‘Khazohpa chi leipa na ta, chyhsa chhao a papeisa vei hraw sah la,

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

RAWMA 6:21

Tahmâ ta nama zakhei kawpa hmo nama vaw tao tyhpazy tawhna khata, khâpa theilâpa ma nama hmô? Kha hmozy chhâna cha thina a châ.

1 KAWRINI 3:3

sapa chyhsa nama châ chypa vâta. Nama hry liata hiatliana nata aeichhiana zy a y thlâh ha chy khiahta cha, sapa chyhsa châ chy ei chi ta, sapa hro ta a hrohpa châ thlâh ha chy veih ei chi ma?

1 KAWRINI 5:2

Nâmo deikua cha a patahtheisana ta nama hmâh cha! Mâchhiesapa ta tlao y u la, cha hawhpa hmo a taopa cha nama hry tawhta nama papua ha awpa châ vei ma?

1 KAWRINI 5:6

Namâ palaina he pha vei. Thinô chyhta ta viahdie zydua a rô khai thei tahpa pahno veih ei chi ma?

2 KAWRINI 11:12

Eima hriapa hawhta a hria hrapa ta a reih ei ta, ama chakaona a palaikhei kawpazy bie ei pachhai thei nawpa ta, ei tao tyhpa hawhta ei tao lymâ aw.

2 KAWRINI 11:15

Chavâta Sâtâ chakaotuhpazy ta siana chakaotuhpazy hawhta âmosasyh amâ tao hrapa cha, noâhchhihpa châ vei. Ama chhâna cha ama hmotaopa hawhta a châ aw.

KALATIA 6:13

Chopawtaipazy chhao tlai ta ryhpa bie zyh tlôh leipa ei ta, nama pôhpa liata a palaikhei awpa ama hnei thei nawpa ta, chopaw cha pataisa awpa ama khohpa a châ.

PHILIPI 2:21

Mohropa zydua cha, Zisu Krista châta châ leipa ta, âmo pha nawpa a tluapa sai ama châ.

KAOLAOSÂ 3:2

Chô lâ hmozy liata nama palôh pachhô u la, alei hmozy liata pachhô khuh vy.

2 THYSALAWNIKA 1:9

Chhâzaw leidiana ta hriepa châ aw ei ta, Abeipa mohmô tawhta nata a thatlôna rônahpa tawhta papuapa ama châ aw.

2 THYSALAWNIKA 2:12

Chatanachata biehmeiseihpa zo leipa ta, sialeina liata a lypa zydua cha, thailei pachâsapa ama châ khai aw.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

2 TIMAWTHY 3:4

piehpiepazy, hmiahnoh rao leipazy, apasâhsapazy nata Khazohpa hlâta khizaw haosai a tlaichhai viapazy ama châ aw.

ZÂMIE 4:16

Châhrasala a pasâhsapa ta, a palai ei chi ta, cha hawhpa apalaina zydua cha moleina a châ.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

2 PITY 2:13

Chyhsa ama pasasapa ty hmôpa ta âmo chhao pasasapa ama châ aw. Nohchhô sawhvaw pi ta haosai daihti a hmâh tyhpazy châ ei ta, nama kyhchhi ama châ hlao nota chhao, haosai sai pachâ ei ta, apuapa a kiapa nata seina a hneipazy ama châ.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

ZUDÂH 1:10

Cha chyhsazy deikua chata ama pahno leipa maih reipachhie ei ta, pachâna a hnei leipa sazy ta ama pikheipa pahnona ama zi thlâhpa hawhta, âmo chhao ama pikheipa pahnona zi hra ei ta, cha chata a pahleipadia ha ei.

ZUDÂH 1:16

Cha hawhpa chyhsazy cha, ama moleina hmo khopazy chadaipa ta, paphôhpalyuh thaipa nata reipasipasua a hmâhpazy châ ei ta, athôhna hmô khoh vâta khokhei viapa hneipa ta, pakah kawhpa ta a palaipazy ama châ.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.

BIEPHUAH 18:7

Anosasyh ta a parônahsa ta, Phasapa ta a y tyhpa kha, Â phuhpa ta pasa pataosa u la, Mâchhie pasasa teh u; A palôh ta, ‘Beinô ta ei tyuh, Nôhmei châ va na, Mâchhiesa beih aw va na,’ Tahpa ta reih tlôh ta.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

1 SAMUELA 2:29

Cha hawhta a châ nota, khazia ma ei pahrâna su châta bie ei piepa atheihna nata hmohlâpazy mohnao ei chi ta, kei hlâta na sawchapawzy palyupalih viapa ta, ei phopi Izarei sawzy hmohlâpa to tawhta a pahâh chaipazy cha nâmo a pathawhna châta nama hmâh?