PHILIPI 3:10 - Mara Bible RV (BSI)

¹⁰ Chatanachata Krista nata a thyuheihna hmotaotheina cha pahno aw na ta, a rietheitaona liata a hlao hrapa ta, a thina liata ano hawhta thi hrapa ta,

PHILIPI 3:10 ပူးပေါင်းရင်းမြစ်များ

ZEREMIAH 9:23

Abeipa ta hetana heta a tah: “Chyhsa sopa ta a sona a palaikhei khah sy; Chyhsa thatlôpa chhao a thatlôna a palaikhei leipa sala, Chyhsa hneirôhpa ta a hneirôna a palaikhei khah sy.

MATHAI 20:23

Zisu ta ama hnohta, “Ei nyu cha nama doh thei ngyu aw, châhrasala ei chachâh lâ nata ei chavei lâta a tyuh awpa cha, kei ta ei pie awpa châ leipa ta, ei Paw ta â chhuahdypazy châta a châ,” tah ta.

ZAWHÂNA 10:18

Ahy hmahta na lapa leipa ei ta, keima rei tlai ta ei piepa a châ. Pie thei awpa ta biehneina hnei na ta, la pakhua heih thei awpa biehneina chhao ei hnei. Cha biepiepa cha ei Paw tawhta ei hmôpa a châ,” tah ta.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

RAWMA 8:17

Sawzy eima châ khiahta cha, ryutotuhpazy eima châ. Khazohpa ryu totuhpazy châ pi ta, Krista ryutolâhpazy eima châ. A hnohta riethei eima tao khiahta cha, a hnohta palyupalihpa ta eima y hra aw.

RAWMA 8:29

A pahno chhieliepazy cha, a Sawchapawpa hawhta y awpa ta a rao chhielie ei. Chatanachata a Sawchapawpa cha unawh hluhpi hry liata sawchapaw uhtheipa a châ aw.

RAWMA 8:36

“Nâma vâta noh y ta thiepa ta y pi ta, Mietaku thie awpazy hawhta pachâpa eima châ,” tahpa ta ropa a châ.

2 KAWRINI 1:10

Khazohpa ta thina chichhihpa tawhta miah pachha ha ta, miah pachha heih aw ta, miah a pachha lymâ aw tahpa eima hnabeiseihna ano liata eima pahnieh.

2 KAWRINI 1:5

Krista pasa taona hawhta eima tao hluh via nahta, Krista liata eima thlalôhna a pôh rili.

2 KAWRINI 13:4

Chiehleipa ta khaipâpa châ ta, châhrasala Khazohpa hmotaotheina ta a hroh. Keimo chhao ano liata chiehleipa châ pi ta, châhrasala nâmo eima cha chakaopa vâna heta, Khazohpa hmotaotheina topa ta a hnohta eima hroh hra aw.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

KALATIA 6:17

Tahmâ tawhta la ahy hmahta na patypamâ khao khah sy, ei pôhpa liata Zisu eih ei châna ngianazy phaoh tlôh na ta.

EPHESI 4:13

Eima zydua ta ngiapâna nata Khazohpa Sawchapawpa pahnona liata pôhkha châpa ta, pitlohna hro hneipa ta, Krista pakina tlu ta pakipa ta eima y thei nawpa ta piepa a châ.

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

KAOLAOSÂ 2:13

Nâmo, nama paraonazy nata nama sapa liata chopawtaileina vâta athipazy ei chi kha, Khazohpa ta Krista hnohta a cha pahro ei. Krista cha eima moleina zydua miah a ngiahthaituhpa a châ.

KAOLAOSÂ 3:1

Krista hnohta pathyupa nama châ ha tawhta cha, Khazohpa chachâh lâta a tyuhpa Krista yna liata chô lâ hmozy tlua teh u.

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

2 PITY 1:13

Sapa pôhpa ta ei y chhôh zydua cha, cha pahnosa chanei tyh ta, nama tha cha pathyu awpa cha, hmo phapa a châpa ta ei pahno.

1 ZAWHÂNA 2:3

A biepiepazy eima zyh khiahta cha, ano pahnotuhpazy eima châ tahpa eima pahno.

1 ZAWHÂNA 2:5

A bie a zyhpa deikua cha, Khazohpa kyhpachâna cha ano liata a paki hmeiseihpa a châ. He liana heta ano liata eima y tahpa eima pahno:

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.