PHILIPI 2:9 - Mara Bible RV (BSI)

⁹ Chavâta Khazohpa ta ano cha thata palyupalih ta, moh zydua hry liata moh chônôchaipa a pie.

PHILIPI 2:9 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

HLAZY 110:1

Abeipa ta ei Beipa hnohta, “Na chariahpazy ei phei tlyna ta ei tao hlâlei cha, Ei chachâh lâta a tyuh mah y,” tah ta.

HLAZY 110:5

Ei Beipa cha na chachâh lâta y ta, A hiehâhna noh liata beizy a chhawh pathlah aw.

HLAZY 89:27

Ei sawchapaw uhtheipa ta tao aw na ta, Lei beizy hry liata chônôchaipa ta ei tao aw.

HLAZY 91:14

Abeipa ta hetana heta a tah: “Kyh khâchâ nâ pachâpa cha pachha aw na ta, Ei moh a pahnopa cha ei pabohsa aw.

ISAI 52:13

Pachâ teh u, nâ chakaotuhpa cha, So kawpa ta hmo a tao aw; Palyupalihpa nata pasâhsapa ta y aw ta, Cheihchalopa ta a y aw.

ISAI 53:12

Thina taihta a hrona leihtha ta, Moleipazy hry liata rei pâpa ta a ypa chhao ta, Chyhsa hluhpi moleina phaoh ta, Hmoparaopazy châta thlah a chhâpa vâta, Ano cha chyhsa rônahpazy hry liata tovyuh rai aw na ta, Thatlôpazy hry liata hraona sôh a hmô hra aw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

LUKA 10:22

Ei Paw ta ato zydua eina hlâ haw. Paw dei leipa ta cha, Sawchapawpa he ahy ma a châ tahpa ahy hmahta pahno veih ei. Paw he ahy ma a châ tahpa chhao, Sawchapawpa nata Sawchapawpa ta ama hnohta phuah awpa ta â tlyhpazy dei leipa ta cha, ahy hmahta pahno veih ei,” tah ta.

ZAWHÂNA 13:3

Zisu cha Paw ta a ku liata hmo to a pavaosapa kyh nata Khazohpa tawhta a vaw puapa a châpa nata Khazohpa lâta a sie heih awpa a châpazy pahno thlâh ha ta.

ZAWHÂNA 17:11

Kei la khizaw liata y khao aw va na, he sahlao deikua cha khizaw liata y chy aw ei ta, kei cha nâ lâ ei vaw di ha aw. Ei Paw Pathaihpa y, nâ nata kei pôhkha eima châpa hawhna heta, âmo chhao pôhkha ama châ thei hra nawpa ta, nâ ta eina piepazy chi he na moh ta hrôbieh mah y.

ZAWHÂNA 17:12

Nâ ta eina piepazy chi he, ama hnohta ei y chhôh ta na moh ta ei hrôbieh ei. Âmo cha vaih na ta, Biehrai bie pakisa nawpa ta leidia sawchapawpa dei leipa khata cha, ama hry liata pakha hmah leidia veih ei.

ZAWHÂNA 17:5

Hy ei Paw, khizaw y hlâta nâma liata rônahna ei hneipa khata tahmâ he na mohmô liata na parônahsa mah y.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

EPHESI 1:10

Chatanachata daihti â ki tita, hmo to, avâ liata a ypa nata alei liata a ypa zydua, Krista liata syhpahmaoh khaipa a châ aw.

KAOLAOSÂ 1:18

Awnanopa cha a pôhpa châ ta, ano cha Awnanopa luh a châ. Ano cha âthaona châ ta, athihpazy hry tawhta a thyu tuachaipa sawchapaw uhtheipa châ ta, ato liata a y tua chaipa a châ.

2 THYSALAWNIKA 1:12

Chatanachata eima Khazohpa nata Abeipa Zisu Krista ngiachhiena lymâ hawhta, eima Beipa Zisu moh cha nâmo liata palyupalihpa ta y aw ta, nâmo chhao ano liata palyupalihpa ta nama y aw.

HEBRAI 1:4

Vâlyuhchâpazy moh hlâta Sawchapawpa ryuto moh â sâh viapa hawhta, Sawchapawpa cha vâlyuhchâpazy hlâta a sâh via syulyupa a châ.

HEBRAI 1:9

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

2 PITY 1:17

Rônahna Beichaipa tawhta, “He he ei Sawchapawpa kho ngaitapa, a chô liata ei ly ngaitapa a châ,” tahpa ta ao vaw pua ta, Krista cha Paw Khazohpa tawhta palyupalihna nata rônahna a to nona kha,

3 ZAWHÂNA 1:7

Ano moh vâta a sie tyhpa châ ei ta, Zenitaizy tawhta khâpa hmah la veih ei.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 19:16

A poh liata nata a byhpi liata, “Beizy Beipa nata hyutuhpazy Hyutuhpa,” tahpa moh ropa a hnei.

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.

BIEPHUAH 5:12

Chazy chata ao paro ngaitapa ta, “Mietakutaw thie chiehpa cha, Hmotaotheina nata hneirôna zy, Sona nata thatlôna zy, Palyupalihna nata rônahna zy, A to tlâh châ ta, Reithaina a to tlâh chhao a châ!” tahpa ta reithai ei ta.