PHILIPI 2:25 - Mara Bible RV (BSI)

²⁵ Ei ngiahnazy liata na chakao awpa ta kei lâta nama vaw tuapa, ei unawhpa nata ei hrialâhpa nata pheisaih ei châlâhpa Epâpharôditâ he, nâmo lâ vaw pasiesa bâ awpa a byuhpa ta ei pahno.

PHILIPI 2:25 ပူးပေါင်းရင်းမြစ်များ

BIESOZY 25:13

A tuahtuhpa châta lyuhchâpa ngâchhihpa cha, Sâh hria daihti liata dâhaw chakuapa hawhta châ ta, A zibeipazy hro a palysa tyh.

ZAWHÂNA 13:16

Hmeiseihta ta, hmeiseihta ta ei cha chho ei, chakaotuhpa cha a zibeipa hlâta lai via vei, lyuhchâpa chhao a tuahtuhpa hlâta lai via vei.

ZAWHÂNA 17:18

Nâ ta kei khizaw lâ eina tuapa hawhna chi heta, kei chhao ta âmo cha khizaw lâ ei tuah hra ei.

RAWMA 16:3

Priskilâ nata Akuilâ, Krista Zisu liata ei hrialâhpazy kha nâ naohpa muh vy.

RAWMA 16:9

Krista liata ei hrialâhpa Ubânâ nata ei kho ngaitapa Stâki kha nâ naohpa muh vy.

1 KAWRINI 3:9

Keimo he Khazohpa hrialâhpazy châ pi ta, nâmo Khazohpa lyu châ ei chi ta, Khazohpa o sapa nama châ.

2 KAWRINI 2:13

Châhrasala ei unawhpa Titu ei hmô leipa vâta, ei thlahpa a chhôhmoh thei leipa ta, âmo cha reikah phapa ta a chhaih na ta, Mâsidônia râh lâ ei palâh haw.

PHILIPI 2:26

Nama zydua ta cha vâ ngaita ei ta, a pasapa kyh nama vaw theipa vâta a palôh pha thai khao vei.

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

PHILIPI 4:3

A châ na, raopaky ei kylâhpa chhao chi kha ei châ haw hra. Kha chanôzy kha vaw bao mah y. Âmo kha Klemena nata ei hrialâhpa hropa zydua chhaota thâtihpha vâta ei hriapasana liata nâ hrialâhpazy châ ei ta, hrona châbu liata ama moh a ypazy ama châ.

KAOLAOSÂ 1:7

Eima chakaolâhpa kho ngaitapa Epâpharâ tawhta thâtihpha thei ei chi ta, ano cha keimo vyuhpa ta Krista chakaotuhpa ngâchhihpa a châ.

KAOLAOSÂ 4:11

Zisu, Zustâ ama tahpa chhao ta a châ naoh ei. Âmo deita he chopawtaipazy hry liata Khazohpa khinarâh châta ei hrialâhpazy châ ei ta, thlah nâ palôhtuhpazy ama châ.

1 THYSALAWNIKA 3:2

Chatanachata Krista thâtihpha liata eima unawhpa nata Khazohpa eima chakaolâhpa Timawthy cha, namâ ngiapâna pa-i awpa nata tha cha patlô awpa ei ta eima vaw tuah.

PHILEMAW 1:24

Ei hrialâhpa Mâka, Aristaku, Demâ nata Luka zy chhao ta ama châ naoh hra.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.