PHILIPI 2:21 - Mara Bible RV (BSI)

²¹ Mohropa zydua cha, Zisu Krista châta châ leipa ta, âmo pha nawpa a tluapa sai ama châ.

PHILIPI 2:21 ပူးပေါင်းရင်းမြစ်များ

2 ABEIZY 12:6

Châhrasala Bei Zehôasâ kô kih nata kô thôh â beina taih chhao ta, theihthaipazy ta Achhyna o cha taopathi leipa ei ta.

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MATHAI 16:24

Zisu ta a pachupazy hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

LUKA 14:26

“Ahy rai ei hnohta a vy khohpa cha, a paw, a nô, a lapinô, a sawzy, a unawhzy, a sietanôzy nata ano hrona tlai chhao â hao vei khiahta cha, ei pachupa châ thei aw vei.

HMOTAOPAZY 13:13

Pawla nata a sielâhpazy cha Pafawsâ tawhta balyh ta sie ei ta, Pamphulia râh liata Perkâ khih tlô ei ta. Zawhâna cha âmo siesaipa ta Zerusale lâ kua ha ta.

HMOTAOPAZY 15:38

Pawla deikua ta Zawhâna Mâka cha Pamphulia râh tawhta âmo kuasai ta, ama hnohta raihriana lâ a sie khao leipa vâna khata, ano a chhi heih awpa cha pha tah khao leipa ta.

1 KAWRINI 10:24

Chyhsa ta ano pha nawpa tlua leipa sala, mohropa pha nawpa tlao tlua mawh sy.

1 KAWRINI 10:33

Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.

1 KAWRINI 13:5

a nôchhie vei. Kyhpachâna cha ano phana dei pachâ leipa ta, a hiehâh khoh hra leipa ta, paraopazy a thei thlâh ha vei.

2 KAWRINI 1:5

Krista pasa taona hawhta eima tao hluh via nahta, Krista liata eima thlalôhna a pôh rili.

PHILIPI 2:4

Nâmo khopa dei moh leipa u la, mohropazy khopa chhao moh tyh hra muh vy.

2 TIMAWTHY 1:15

Asia râh liata a ypa zydua ta einâ heihsai ha ei tahpa pahno chi ta, ama hry liata Phukelâ nata Hamôkene zy amâ hlao hra.

2 TIMAWTHY 3:2

Chyhsazy ta âmo kyh dei a pachâ aw ei ta, tâkâ sôh tlaichhaipazy, apalaipazy, apatahsapazy, chyhsa a taochhiepazy, nôpaw reingiah leipazy, alyna châh pahno leipazy, pathaih leipazy,

2 TIMAWTHY 4:10

Demâ cha tahmâhlâ khizaw he a tlaichhaipa vâta na siesai ta, Thysalawnika lâ sie ha ta, Krekisâ chhao Kalatia lâ sie ha ta, Titu chhao Dalmatia lâ a sie haw.

2 TIMAWTHY 4:16

Ei thaichâna bie ei rei tua nota ahy hmahta nâ duakhei leipa ei ta, tlao eina pathlua khai ha ei. Maochhiepa ta y khah ei sy!