PHILIPI 2:14 - Mara Bible RV (BSI)

¹⁴ Paphôna nata aeichhiana y leipa ta ato tao teh u.

PHILIPI 2:14 ပူးပေါင်းရင်းမြစ်များ

HLAZY 106:25

Ama poh ozy liata paphôh ei ta, Abeipa ao nathlie khoh veih ei.

BIESOZY 13:10

Apatahsana cha ahryuna dei papua ta, Pachâna a latuhpazy deikua cha sona ama hmô tyh.

MALUHREINA 14:27

“He zawpi moleipa, ei chô liata a paphôh ngâ thlâh hapazy he, khachâ ma ei chhyh thai aw ei? Izarei sawzy paphôhna, ei chô liata ama paphôhnazy he ei thei haw.

MATHAI 20:11

Ama hria hlao ama dao nahta, lyu hneituhpa cha paphôh thlu ei ta,

MÂKA 14:5

He sathaw he dinâri za thôh hlâta hluh via ta zuah theipa châ ta, cha cha dyhchhiepazy piepa châ sala, a pha via awpa tlai,” tah ei ta. Chavâta chanô cha thata reipachhie ei ta.

MÂKA 9:14

A pachupa hropazy yna ama za tlô nahta, ama kiapâh liata zawpi hluhpi hmô ei ta. Ryhpa pachutuhpazy nata pachupazy cha bie a ei ngâ kaw ei ta.

LUKA 5:30

Phârisaihzy nata ama ryhpa pachutuhpazy ta a pachupazy hnohta paphôh ei ta, “Kheihtazie ta chhiekheituhpazy nata moleipazy hnohta nie ta a doh thlâh ha tly?” tah ei ta.

HMOTAOPAZY 15:2

Pawla nata Bânabâ cha âmo nata a hryupâpa ta thata a ei ei ta. Pawla nata Bânabâ cha unawh thokhazy chhaota, cha bie kyh vâna chata Zerusale liata lyuhchâpazy nata machâzy lâta khy awpa ta rao ei ta.

HMOTAOPAZY 15:39

Thata a ei ei ta, amâ chhaih pâ haw. Bânabâ ta Mâka a chhipa ta Kuparâ liahpahlô lâ balyh ta sie ta.

HMOTAOPAZY 15:7

Thata amâ ei tawhta, Pity a duah ta ama hnohta, “Unawh saih u, Zenitaizy ta keima pakah tawhta thâtihpha bie theipa ta a ngiapâ awpa ta, daihti hmiatuapa liana khata Khazohpa ta nâmo hry liata kei he eina raozie kha nama pahno.

HMOTAOPAZY 6:1

Cha nohzy liata, pachupazy ama pôh via lymâ nahta, noh chareih ama hmo raipa liata ama nôhmeizy ama pachâ tyh leipa vâta, Krikâh Zuzy cha Hebraizy chô liata paphôh ei ta.

RAWMA 12:18

Tao theipa a châ khiahta la, nâmo lâ tawh chhâ ta chyhsa zydua nata a ryhpa ta y teh u.

RAWMA 14:1

Ngiapâna liata chiehleipa chyhsa cha a pyh thai u la, â lôhleina kyh liata sei khuh vy.

RAWMA 16:17

Unawh saih u, biezyhpa eima cha pachupa chakhiapa ta, achhaihna taopa ta, paona châ sokhâhtuhpazy tawhta a vaih awpa ta ei châ haw ei. Âmo cha a kâsai teh u.

1 KAWRINI 10:10

Ama hry liata thokha ta paphôh ei ta, pahleipadiatuhpa ta a pahleipadia hapa hawhna ei khata, keimo la paphôh khah ei suh u.

2 KAWRINI 12:20

Ei vy tita, ei pachâpa hawhta ei cha hmô lei awpa ei chi na ta, nâmo chhao ta nama pachâpa hawhta eina hmô lei awpa ei chi ei ngiaroh kaw. Ahryuna, hiatliana, hiehâhna, akhakhaina, areipachhiena, kyh reina, apasâhsana nata tymâna zy a y pathlei aw tahpa ei chi kaw.

KALATIA 5:15

Nâmo nata nâmo a siepa ta, namâ nie khiahta deikua cha, a vaih teh u. Chataleipatala nâmo nata nâmo ta namâ pahleipadia pathlei aw.

KALATIA 5:26

Keimo nata keimo a pahao leipa ta, keimo nata keimo a uahva hra leipa ta, a pasâhsapa ta y khah suh u.

PHILIPI 2:3

Hlaotlohna hmô ta, moh a lâ awpa khona vâta tlyma, apalaina vâta tlyma, khâpa hmah tao khuh vy. Tlao a panawh u la, nâmo hlâta mohropazy pha viapa ta rao teh u.

1 THYSALAWNIKA 5:13

Ama raihria vâta kyhpachâ ta pasô ngaita awpa ta eima châ haw hra. Adyryhpa ta y teh u.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

ZÂMIE 1:20

Chyhsapa hiehâhna ta Khazohpa siana palâsa vei.

ZÂMIE 3:14

Nama palôh liata hiatlia pasa kawpa nata khohlei khona a hneipa nama châ khiahta deikua cha, nama sona cha a palaikhei leipa u la, biedopa a dyuhpa ta haipa bie reih khuh vy.

ZÂMIE 5:9

Unawh saih u, seipa ta nama y lei nawpa ta, nâmo nata nâmo a paphôh thlu khuh vy. Moh tua u, Ryureituhpa cha ochhi thaby liata â duah thlâh haw.

1 PITY 3:11

Moleina a heihsai sala, Hmo pha tao mawh sy; Thlalôhna tlua sala, A chadai lymâ mawh sy.

1 PITY 4:9

A pasô raihrie u la, paphôh khuh vy.

ZUDÂH 1:16

Cha hawhpa chyhsazy cha, ama moleina hmo khopazy chadaipa ta, paphôhpalyuh thaipa nata reipasipasua a hmâhpazy châ ei ta, athôhna hmô khoh vâta khokhei viapa hneipa ta, pakah kawhpa ta a palaipazy ama châ.