PHILIPI 2:11 - Mara Bible RV (BSI)

¹¹ Paw Khazohpa rônah nawpa ta, paleih to ta Zisu Krista cha Abeipa a châ tahpa ama phuah aw.

PHILIPI 2:11 ပူးပေါင်းရင်းမြစ်များ

HLAZY 110:1

Abeipa ta ei Beipa hnohta, “Na chariahpazy ei phei tlyna ta ei tao hlâlei cha, Ei chachâh lâta a tyuh mah y,” tah ta.

HLAZY 18:49

Cha vâna chata Hy Abeipa, Phopizy hry liata cha reithai aw na ta, Na moh reithaina hla ei sa aw.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

MATHAI 10:32

“Ahy rai chyhsa hmiakô liata nâ châhkheipa cha, ei Paw vârâh liata a ypa hmiakô liata a châhkhei aw na ta,

LUKA 2:11

Tanoh he Dâvi khihpi liata nama châta Pachhatuhpa a pih haw, Beipa Krista cha!

ZAWHÂNA 12:42

Chatanachôta ryureituhpa hluhpi ta Zisu cha a ngiapâ ei ta, châhrasala Phârisaihzy ama chipa vâta, pakhyna o tawhta papuapa ama châ lei nawpa ta, amâ ngiapâna cha palâhâh veih ei.

ZAWHÂNA 13:13

Nâmo ta Pachutuhpa nata Abeipa na tah ei chi ta, nama reipa â do na, ei châna tlai a châ.

ZAWHÂNA 13:14

Kei, nama Beipa nata Pachutuhpa ta nama phei ei pasi khiahta cha, nâmo chhao nama phei namâ pasipa raihrie awpa a châ.

ZAWHÂNA 14:13

Paw cha Sawchapawpa liata parônahsapa ta a y thei nawpa ta, ei moh ta nama hiapa maih ei tao lymâ aw.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 17:1

Cha biezy cha Zisu ta a rei khai nahta, avâ lâ ua ta, “Ei Paw, a daihti a tlô haw, na Sawchapawpa he parônahsa mah y. Chatanachata na Sawchapawpa chhao ta a cha parônahsa aw.

ZAWHÂNA 20:28

Thawma ta a chhy ta, a hnohta, “Ei Beipa nata ei Khazohpa!” tah ta.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

ZAWHÂNA 9:22

Zuzy ta ahy rai Zisu cha Mesia a châ tahpa ta a palâhâhpa maih cha, pakhyna o tawhta papuapa a châ aw tahpa ta ama pathlu hapa vâta, a nôpawzy ta Zuzy cha chi ei ta, cha hawhta ama reipa a châ.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

HMOTAOPAZY 2:36

Chavâta Zisu nama khaipâpa tlai kha, Khazohpa ta Abeipa nata Mesia ta a taopa a châ tahpa cha, Izarei phopi zydua ta pahno tlai mawh ei sy,” tah ta.

RAWMA 14:11

“Ei hrona reipa ta ei reih, Abeipa ta a tah; Pakhu to ei hmiakô liata paneih aw ei ta, Paleih to ta Khazohpa ama reithai aw,” tahpa ropa hawhta.

RAWMA 14:9

Krista cha athihpa nata ahrohpa Beipa châ awpa ta, thi ta a hroh heihpa a châ.

RAWMA 15:9

Chatanachata Zenitaizy chhao ta Khazohpa cha a ngiachhiena vâta ama reithai thei hra aw, Biehrai liata, “Zenitaizy hry liata cha reithai aw na ta, Na moh reithaipa ta ei sa aw,” tahpa ropa hawhna khata.

1 KAWRINI 12:3

Chavâta he he nama pahno awpa ei khoh: Khazohpa Thlahpa chhihthapa ta bie a reihtuhpa ta, “Zisu cha chhiesapa a châ!” tah beih vei. Ahy hmahta Thlahpa Pathaihpa chhihthana dei leipa ta cha, “Zisu cha Abeipa a châ,” tah thei veih ei.

1 KAWRINI 15:47

Âdâh hmiatuapa cha alei tawhtapa châ ta, dohlei ta taopa a châ. Âdâh panona deikua cha vârâh tawhtapa a châ.

1 KAWRINI 8:6

keimo châta deikua cha, Paw Khazohpa pakha deita a y. Ano tawhta ato pua ta, keimo chhao ano châta a ypa eima châ. Abeipa pakha deita hnei pi ta, ano cha Zisu Krista a châ. Ano vâta ato y ta, keimo chhao ano vâta a ypa eima châ hra.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

1 ZAWHÂNA 4:15

Ahy rai Zisu cha Khazohpa Sawchapawpa a châ tahpa a châkheipa maih cha, ano liata Khazohpa y thlâh ha ta, ano chhao Khazohpa liata a y thlâh ha hra.

1 ZAWHÂNA 4:2

He liana heta Khazohpa Thlahpa cha nama pahno aw: Zisu Krista cha sapa ta â vy tahpa a châkheipa thlahpa maih cha, Khazohpa tawhta châ ta,

2 ZAWHÂNA 1:7

Dôveituhpa hluhpi khizaw liata ama vaw pua haw. Âmo cha Zisu Krista sapa ta â vypa a pyh leipazy ama châ. Cha hawhpa chyhsazy cha dôveituhpa nata Krista dyuhtuhpazy ama châ.

BIEPHUAH 3:5

Pahnietuhpa cha, cha hawhta poh diehpa pabusapa châ aw ta, hrona châbu tawhta a moh phie beih leipa aw na ta, ei Paw hmiakô liata nata a vâlyuhchâpazy hmiakô liata a moh ei châhkhei aw.