PHILIPI 1:8 - Mara Bible RV (BSI)

⁸ Zisu Krista liata atlaichhaina ta nama zydua ei cha vânazie ei cha, Khazohpa ta eina pahnokhei.

PHILIPI 1:8 ပူးပေါင်းရင်းမြစ်များ

ZAWBÂ 16:19

Tahmâ chhao he moh teh u, Nâ pahnokheituhpa cha avâ liata y ta, Ei châta a duahpa cha su sâhpa liata a y.

ISAI 16:11

Chavâta ei chhôh nata rih zydua cha, Môabâ vâta totâ hawhta paro ta; Kiharese vâta ei chhôhso â rôh.

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

LUKA 1:78

Eima Khazohpa zawngiahna vâta, Chô lâ tawhta noh chhipa ta miah a za tly aw;

RAWMA 1:9

Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 9:1

Krista liata biehmeiseihpa ei reih, haih va na. Ei chhie nata pha pahnona ta Thlahpa Pathaihpa liata eina pahnokhei.

2 KAWRINI 13:9

Keimo eima chieh vei no chhao ta, nâmo thatlôpa ta nama ypa cha eimâ ly chaina a châ. Phapakipa ta nama y thei nawpa ta thlah eima chhâ lymâ.

2 KAWRINI 6:12

Keimo la nâmo liata khâpa hmah phih ma pi, nâmo deikua cha keimo châta a pahy veih ei chi.

2 KAWRINI 7:15

Nama zydua ta reingiah ngaitapa châ ei chi ta, china nata chalyuna chôta namâ vaw lyzie â thei thlâh hapa vâta, a cha tlaichhaina ei a pôh via lymâ.

KALATIA 1:20

Châ ei cha vaw paphaopa ei he haipa bie châ vei tahpa Khazohpa hmiakô liata bie ei taih.

KALATIA 3:26

Ngiapâna vâta, nama zydua ta Krista Zisu liata Khazohpa sawzy nama châ.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

PHILIPI 2:1

Krista liata thapatlôna, a kyhpachâna vâta thlalôhna, Thlahpa akaona, thapasana nata ngiachhiena zy nâmo liata a chyhta chhâ a y khiahta cha,

PHILIPI 2:26

Nama zydua ta cha vâ ngaita ei ta, a pasapa kyh nama vaw theipa vâta a palôh pha thai khao vei.

PHILIPI 4:1

Chavâta ei kho ngaitapa nata ei vâ ngaitapa ei unawhzy nata ei lyna nata ei lakhozy saih u, Abeipa liata â ipa ta a duah teh u.

KAOLAOSÂ 2:1

Nâmo nata Laodisi khih liata a ypazy nata ei hmia nâ hmô leipazy châta kha tlu ta ma ei tei lylia tahpa nama pahno awpa ei khoh.

KAOLAOSÂ 3:12

Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.

1 THYSALAWNIKA 2:5

Nama pahnopa hawhta, reithai pakheina biezy reih beih leipa pi ta, karâyna khu nawpa biezy reih beih hra ma pi. Khazohpa cha miah pahnokheituhpa a châ.

1 THYSALAWNIKA 2:8

Eima pasôpa nata kho ngaitapa nama vaw châ hapa vâta, Khazohpa thâtihpha dei châ leipa ta, eima hrona chhao taih cha pie awpa ta eimâ mâ thlâh hapa kha.

2 TIMAWTHY 1:4

Na mothlihzy kha a thei thlâh ha na ta, alyna ta biepa ta ei y thei nawpa ta, cha hmô awpa ei khoh ngaita.

PHILEMAW 1:12

Cha chyhsa, ei palôh nâ hria chaipa cha, nâ lâ vaw kua awpa ta ei vaw pasiesa.

PHILEMAW 1:20

Chatatlyh, unawh y, Abeipa liata eina phahnaikhei hra awpa chi ei khoh kaw. Krista liata ei palôh na pathieh heih mah y.

1 ZAWHÂNA 3:17

Chyhsa ta khizaw sôh hnei thlâh ha tlôh ta, a unawhpa a phahlapa hmô sala, thapasana a hnei leipa khiahta cha, Khazohpa kyhpachâna cha ano liata kheihta a y thai aw?