PHILIPI 1:27 - Mara Bible RV (BSI)

²⁷ Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

PHILIPI 1:27 ပူးပေါင်းရင်းမြစ်များ

1 THÂTIHZYRONA 19:12

Zôabâ ta, “Ei châta Aramia mo ama tha a tlô tu khiahta cha, na vaw bao aw chi ta, Amawna mo na châta ama tha a tlô tu khiahta cha, ei cha vaw bao aw.

HLAZY 122:3

Chyhsa hluhpi pahrâna khihpi a ipa châ awpa ta, Zerusale cha paduapa châ ta;

HLAZY 133:1

Moh tua u, unawhzy a dyh ngaitapa ta ypa cha, Pha ta â ngia kaw dia!

BIESOZY 22:23

Abeipa ta ama bie a duakhei tlôh aw ta, Âmo a hraotuhpazy hro a hrao hra aw.

ZEREMIAH 32:39

Âmo pha nawpa nata âmo hnôhlâ ta ama pathlazy pha nawpa ta chhâzaw ta eina chi thei nawpa ei ta, palôh miakha paphaosa aw ei na ta hrozie miakha ei pahneisa aw ei.

MATHAI 12:25

Ama pachâpazy a pahno nahta, Zisu ta ama hnohta, “Khinarâh a chhaihzaoh ta âmo nata âmo a dyuhpa maih cha rao tyh ei ta, khihpi tlyma, chhôhkha tlyma, a chhaihzaoh ta âmo nata âmo a dyuhpa maih a duah aw veih ei.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

HMOTAOPAZY 24:24

Noh khazie tlyma a khô tawhta, Felika cha a lapinô Drusilâ, Zu zuah a vaw chhipa ta vaw tlô ta, Pawla cha paawsa ta, Krista Zisu ngiapâna kyh pareisa ta.

HMOTAOPAZY 4:32

Ngiapâtuhpa manôh zydua cha palôh miakha nata pachâna su kha ta y ei ta. Ahy hmahta a sôh hneipazy cha ano eih sai ta rao leipa ta, hmo zydua a hly khai ei ta.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 1:5

Ano vâta nata ano moh ta phopi to pangiapâsa ta, a bie pazyhsa awpa ta, ngiachhiena nata lyuhchâpa châna eima hmô.

RAWMA 1:9

Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 10:8

Cha bie chata khâpa ma a reih? “Bie ta a châ hnia, na pakah nata na palôh liata a y,” tah ta, cha bie cha ngiapâna bie eima chhopa he a châ.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

RAWMA 15:29

Nâmo lâ ei vy tita, Krista byhnâ kipa chhaota ei vy aw tahpa ei pahno.

1 KAWRINI 1:10

Unawh saih u, nama hry liata achhaihna rai a y lei nawpa ta, nama zydua reiraohpa ta, palôh miakha nata pachâna miakha phaopa ta a pôhkha awpa ta, eima Beipa Zisu Krista moh ta ei châ haw ei.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

2 KAWRINI 13:11

Achhâna ta, unawh saih u, a lypa ta y teh u. Phapaki a chhuah u la, thlah a palôh raihrie u la, palôh miakha phaohpa ta, adyryh kawpa ta y teh u. Kyhpachâna nata thlalôhna Khazohpa cha nama hnohta y mawh sy.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

2 KAWRINI 9:13

Cha chakaona cha, Krista thâtihpha namâ pyhpa vâta, Zerusale liata mopathaihpazy châta nata mohropazy châta riapha ngaitapa ta nama thyupa a châzie ama pahno tita, Khazohpa ama palyupalih aw.

KALATIA 1:7

Thâtihpha hropa y vei. Krista thâtihpha panano ta, cha patypamâ a chhuahpazy ama châ.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 1:15

Cha vâna chata, Abeipa Zisu liata namâ ngiapâna nata mopathaihpa zydua chô liata nama kyhpachâna zy ei vaw thei nahta,

EPHESI 4:1

Chavâta a cha awna ei nata â phuhpa ta y awpa ta, kei Abeipa châta atâhpa heta ei châ haw ei.

PHILIPI 1:5

Thâtihpha raihria liata, noh khana noh tawhta tahmâ taihta eina hrialâh lymâ ei chi.

PHILIPI 2:12

Chavâta kho ngaitapazy saih u, bie nama zyh tyhpa hawhna khata, ei y nota dei hria leipa u la, tahmâ ei y vei chhôh ta tlao hria viapa ta, chipa nata chalyupa ta nama pachhana cha hria papua teh u.

PHILIPI 2:24

Kei chhao thlai a vy awpa ta Abeipa liata ei hnabei a seih.

PHILIPI 3:18

Chyhsa hluhpi cha Krista kraws khakhaipazy ama châ tahpa ei cha chho tyhpa ei kha, tahmâ chhao mothlih chhaota ei cha chho heih ei.

PHILIPI 3:20

Keimo khihsana deikua cha vârâh liata y ta, vârâh tawhta Pachhatuh Abeipa Zisu Krista a zu awpa cha ngiatiah leipa ta eima hâ.

PHILIPI 4:1

Chavâta ei kho ngaitapa nata ei vâ ngaitapa ei unawhzy nata ei lyna nata ei lakhozy saih u, Abeipa liata â ipa ta a duah teh u.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

KAOLAOSÂ 1:4

Krista Zisu namâ ngiapâzie nata mopathaihpa zydua chôta kyhpachâna nama hneizie eima vaw theipa vâta nata,

1 THYSALAWNIKA 3:6

Chatanachata tahmâ Timawthy cha vaw tlô ta, namâ ngiapâna nata kyhpachâna thâtih lychhihpa miah a vaw tlôkhei. Khâ miah a thei ei chi ta, cha hmô awpa eima byuh kawpa hawhta, nâmo chhao miah hmô awpa nama byuh kawna thâtihzy miah a chho.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

1 TIMAWTHY 1:11

Cha ryhpa cha reithai tlâh Khazohpa thâtihpha rônahpa, kei liata pavaosapa nata â hmiepa ta taopa a châ.

1 TIMAWTHY 1:19

Ngiapâna nata chhie nata pha pahnona pathaihpa khâchâ patu mah y. Chyhsa thokha ta chazy cha dytha ei ta, balyh raopa hawhta, amâ ngiapâna ama parao haw.

2 TIMAWTHY 4:7

Adyuhna phapa a dyuh khai ha na ta, ei râpasuana patlô ha na ta, ngiapâna cha ei vao thlâh haw.

TITU 2:10

Kusisuah hnei leipa ta, ngâ tlâhpa ama châna ama palâsa awpa a châ. Chatanachata miah pachhatuhpa Khazohpa biezyhpa cha kho â chhihzie kyh to liata ama palâsa thei aw.

PHILEMAW 1:5

Abeipa Zisu nâ ngiapâna nata mopathaihpa zydua kyh na pachâzie zy vaw thei na ta,

ZÂMIE 3:18

Siana thei cha adyryhna taotuhpazy ta adyryhna liata chi ama tupa patheipa a châ.

2 PITY 3:11

Cha hawhta hmo to zydua pahleipadia khai awpa a châpa vâta, pathaihna nata Khazohpa pachâna hro ta a hrohpa chyhsazy nama châ awpa a byuh.

2 PITY 3:14

Chavâta kho ngaitapa saih u, cha hmozy a hâtuhpa nama châpa vâta, apuapa a bai leipa nata seina hnei leipa ta, thlalôhpa ta nama ypa a cha hmô thei nawpa ei ta, tiama papua teh u.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.