PHILIPI 1:20 - Mara Bible RV (BSI)

²⁰ Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

PHILIPI 1:20 ပူးပေါင်းရင်းမြစ်များ

HLAZY 119:116

Ei hro thei nawpa ta, Na bietai hawhta na hrôbieh la, Ei hnabeiseihna liata maophyuhpa ta na paysa khah y!

HLAZY 119:80

Maophyuhpa ta ei y lei nawpa ta, Ei palôh he na bieraopazy liata phapakipa ta y mawh sy!

HLAZY 25:2

Hy ei Khazohpa, nâ ei cha ngâ. Maophyuhpa ta na paysa leipa la, Ei chariahpazy ta eina pahnie awpa ei pasaih khah y.

HLAZY 62:5

Ei hro ta Khazohpa deita hâ ta, Ano tawhta ei hnabeiseihna a vaw tlô.

BIESOZY 10:28

Mosiapa hnabeiseihna ta alyna tlôkhei ta, Moleipa saduthliena deikua cha a leidia aw.

BIESOZY 23:18

Hmialâ daihti hnei aw chi ta, Na hnabeiseihna cha pahleipa châ aw vei.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 50:7

Châhrasala Abeipa Zehôvâh ta na bao ta, Chavâta nohzaopa ta y va na. Chavâta pachielô hawhta ei hmia pachâ na ta, Maophyuh aw va na tahpa ei pahno.

ISAI 54:4

“Chi khah y, Maophyuh khao aw va chi; Na no za khah sy, Hmiachhiepa ta y khao aw va chi. Na thyutlia nota na maophyuhna kha my aw chi ta, Na nôhmeina moh chhiena a thei khao aw va chi.

ZAWHÂNA 21:19

Pity cha kheihawhta thipa ta ma Khazohpa a parônahsa aw tahpa palâsa nawpa ta, Zisu ta cha biezy cha a reipa a châ. Cha biezy cha a rei khai nahta, Pity hnohta, “Na zi teh,” tah ta.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

RAWMA 6:13

Nama pôhpa pachiahpazy cha, sialeina chhaichhi châta moleina lâta hlâ leipa u la, thina tawhta hrona lâ chhihthapazy nama châpa hawhta, Khazohpa lâta a hlâ u la, nama pôhpa pachiahpazy cha siana chhaichhi châta Khazohpa lâta hlâ teh u.

RAWMA 6:19

Nama sapa chiehleina pahnopa ta, chyhsapa pachâna lâ tawhta ei reipa a châ. Nama pôhpa pachiahpazy cha, pathaih leina sei ta vaw hlâ tyh ei chi ta, moleina papôh rilina sei ta nama hlâ tyhpa hawhna khata, tahmâ la nama pôhpa pachiahpazy cha pathaihna lâ a chhipa siana seizy châ awpa ta hlâ teh u.

RAWMA 8:19

Hmotaopazy ta Khazohpa sawzy aluahna daihti vâpa ta, ngiatiah leipa ta ama hâ thlâh haw.

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

1 KAWRINI 15:31

Unawh saih u, Krista Zisu eima Beipa liata ei châ palaikhei kaw ei. Chavâta ei reih aw, noh chareih ei thi tyh!

1 KAWRINI 6:20

mâ ta chaleipa nama châ haw. Chavâta Khazohpa cha nama pôhpa liata palyupalih teh u.

1 KAWRINI 7:34

a tao khohpazy â chakhia ha tyh. Vahpa a hnei leipa cha a pôhpa nata a thlahpa liata pathaihpa ta a y thei nawpa ta, Abeipa lâ hmo a pachâ tyh. Vahpa a hneipa deikua cha, a vahpa palysa a chhuahpa ta, khizaw hmo a pachâ tyh.

2 KAWRINI 10:8

Nama rao nawpa châ leipa ta, nâmo taopathi nawpa ta Abeipa ta biehneina eina piepa he ei palaikhei pathlei hapa chhao ta, ei noza aw vei.

2 KAWRINI 3:12

Cha hawhpa hnabeiseihna eima hneipa vâta, keimo la eima riah a pha ngaita.

2 KAWRINI 4:10

Zisu hrona eima pôhpazy liata â lâ thei nawpa ta, eima pôhpa liata Zisu thina cha eima phaoh lymâ.

2 KAWRINI 5:15

Chyhsa zydua châta a thipa vâta, ahrohpazy cha âmo châta hroh khao leipa ta, âmo châta thi ta a thyu heihpa châta ama hroh awpa a châ.

2 KAWRINI 7:14

Ei châ palaikheina ei a hnohta reih tyh na ta, maophyuhpa ta y va na. Nama hnohta bie eima rei tyhpa zydua kha, biedopa a châpa hawhta, Titu hmiakô liata nâmo eima châ palaikheina chhao kha biedopa a châ.

2 KAWRINI 7:4

Nâmo hnohta la, riahpha kawpa ta bie ei reih ngâh. Châ palaikhei ngaita ei na ta, thlalôhna ta ei bie. Eima riethei taona zydua liata alyna ta ei khô pathlah.

PHILIPI 1:14

Bâlia ei kypa heta unawh hluhpi Abeipa liata ama riah paphasa ta, chi khao leipa ta, riahpha viapa ta Khazohpa bie ama chho lymâ.

PHILIPI 2:17

Dopa hlâna hawhta, namâ ngiapâna atheihna nata chakaona chô liata patlaipa ta y hraw sah la, a ly pyly na ta, nama zydua ta ei châ lykhei hra ei.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

1 PITY 4:16

Krizyhpa a châpa vâta pasa a taopa cha, a noza leipa sala, Krista moh ta Khazohpa tlao palyupalih mawh sy.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.