PHILEMAW 1:20 - Mara Bible RV (BSI)

²⁰ Chatatlyh, unawh y, Abeipa liata eina phahnaikhei hra awpa chi ei khoh kaw. Krista liata ei palôh na pathieh heih mah y.

PHILEMAW 1:20 ပူးပေါင်းရင်းမြစ်များ

1 KAWRINI 16:18

Ei thlahpa tha na patlô ei ta, nâmo thlahpa tha ama cha patlô hra. Cha hawhpa chyhsazy cha palyupalih teh u.

2 KAWRINI 2:2

Nâmo palôh ei cha pasasa ha khiah ei ta cha, ahy kei nâ palysa khao aw? Palôh ei pasasapa nâmo pyly cha nâ palysa awpa châ veih ei chi ma?

2 KAWRINI 7:13

Chavâta thlalôhpa ta eima y. Keimo thlalôhpa dei châ vei. Nâmo vâta Titu thlahpa cha pathiehpa ta a ypa vâta, Titu alyna liata eimâ ly pachai.

PHILIPI 1:8

Zisu Krista liata atlaichhaina ta nama zydua ei cha vânazie ei cha, Khazohpa ta eina pahnokhei.

PHILIPI 4:1

Chavâta ei kho ngaitapa nata ei vâ ngaitapa ei unawhzy nata ei lyna nata ei lakhozy saih u, Abeipa liata â ipa ta a duah teh u.

PHILEMAW 1:12

Cha chyhsa, ei palôh nâ hria chaipa cha, nâ lâ vaw kua awpa ta ei vaw pasiesa.

PHILEMAW 1:7

Unawh y, nâma zawhzi ta mopathaihpazy palôh pathiehpa ta y ta, na kyhpachâna ta alyna nata thlalôhna thata eina pie.

HEBRAI 13:17

Nama hyutuhpazy rei a ngiah u la, ama biehneina liata a ngiarih teh u. Khazohpa hmiakô liata nama thâtih a reih awpazy châ ei ta, pachârôhna chôta châ leipa ta, a ly kawpa ta nama thâtih ama rei thei nawpa ta nama thlahpa a vaituhpazy ama châ. Pachârôhna chôta nama thâtih reipa cha, nama châta phahnai aw vei.

1 ZAWHÂNA 3:17

Chyhsa ta khizaw sôh hnei thlâh ha tlôh ta, a unawhpa a phahlapa hmô sala, thapasana a hnei leipa khiahta cha, Khazohpa kyhpachâna cha ano liata kheihta a y thai aw?

3 ZAWHÂNA 1:4

Ei sawzy bie hmeiseihpa liata ama y tahpa ei theipa hlâta nâ palysa viapa y vei.