PHILEMAW 1:16 - Mara Bible RV (BSI)

¹⁶ Châhrasala sei hawhta châ khao leipa ta, sei hlâta pha viapa, unawh kho ngaitapa hawhta a châ bâ aw. Keima châta unawh kho ngaitapa châ ta, nâma châ chhochhi ta cha, sapa liata nata Abeipa liata unawh kho ngaitapa a châ pachai aw.

PHILEMAW 1:16 ပူးပေါင်းရင်းမြစ်များ

MATHAI 23:8

Nâmo deikua la, pachutuhpa tahpa ta bi awpa châ veih ei chi. Pachutuhpa cha pakha deita nama hnei. Nama zydua ta unawh sai nama châ.

HMOTAOPAZY 9:17

Anania cha pua ta, Sawla yna o liata a kei ngia ta. A chô liata a ku pahnieh ta, “Unawh Sawla, na mo pavâ nawpa nata Thlahpa Pathaihpa biepa ta na y thei nawpa ta, na vaw siena lâpi liata na hnohta a vaw luahpa Abeipa Zisu khata eina vaw tuah,” tah ta.

1 KAWRINI 7:22

Sei a châ nota Abeipa ta a awpa cha, Abeipa liata la khotalaipa a châ. Cha hawhna chata khotalaipa a châ nota awpa chhao, Krista sei a châ.

KAOLAOSÂ 3:22

Sei saih u, ato liata, khizaw liata nama zibeipazy bie zyh teh u. Chyhsa palysa a chhuahpazy hawhta, ama mohmô lia dei ta chakao leipa u la, Abeipa china chôta, palôh hmeiseihpa ta chakao muh vy.

1 TIMAWTHY 6:2

Ngiapâtuhpa zibeipa a hneipazy ta, Krista liata unawh ama châpa vâta, ama zibeipazy ama hno awpa châ leipa ta, ama chakaona a thôhkheituhpazy cha ngiapâtuhpa nata kho ngaitapazy ama châpa vâta, a pha viapa ta ama chakao rili awpa a châ. He biezy he pachu la pasyu mah y.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.