PHILEMAW 1:12 - Mara Bible RV (BSI)

¹² Cha chyhsa, ei palôh nâ hria chaipa cha, nâ lâ vaw kua awpa ta ei vaw pasiesa.

PHILEMAW 1:12 ပူးပေါင်းရင်းမြစ်များ

2 SAMUELA 16:11

Dâvi ta Abisai nata bei chakaotuhpa zydua hnohta, “Pachâ teh u, ei sawchapawpa, ei chhôh chhipa cheingei ta thie einâ chhuahpa châ ta, he Benzami chyhsa chhochhi heta cha, thie einâ chhuah pachai aw dia! Kheihta hmahta tah khah u. Chhie cha sa thlâh ha lah vâ. Abeipa ta a pataosapa na a châ aw.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

MÂKA 11:25

Thlahchhâpa ta namâ duana maihta, chyhsa chô liata kheihawhpa biepeipa nama hneipa maih a ngiahthai ha muh vy. Chatanachata nama Paw vârâh liata a ypa chhao ta nama paraonazy a châ ngiahthai aw ei.

LUKA 15:20

Chatanachata thyu ta, a paw lâ sie ta. Lâhlapi ta a y nota a paw ta vaw hmô ta, ngiachhie ngaita ta, a kei râ ta, a sawchapawpa cha a pyhpahly ta, a pahnâ ta.

EPHESI 4:32

A ngiachhie raihriepa ta, tha a pasa raihrie u la, Khazohpa ta Krista liata a châ ngiahthaipa hawh ei ta, a ngiahthai raihrie teh u.

RYHPACHANEINA 13:6

“Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,

PHILEMAW 1:11

Kha hlâta na châta phahnai leipa ta, tahmâ deikua cha, nâ nata kei châta a phahnai haw.

PHILEMAW 1:13

Thâtihpha vâta patâhpa ei châ chhôh ta ei hnohta y sala, nâma vyuhpa ta na chakao sala tahpa ei khoh kaw.