ÔBADIA 1:7 - Mara Bible RV (BSI)

⁷ Na viasa zydua ta na râhri taihta cha chadai ei ta, Nâ nata adyhna a taopazy ta Cha dôvei ei ta ama cha pahnie haw. Na viahchhâ a niepazy ta Na ry lâta khoheih cha chôkhâh ei ta, Châhrasala pahno va chi.

ÔBADIA 1:7 ပူးပေါင်းရင်းမြစ်များ

HLAZY 41:10

Châhrasala Hy Abeipa, zawh nâ ngiah la, Viari ei thô thei nawpa ei ta, Na pathyu heih mah y!

HLAZY 41:9

Viasa lôhkhy ei ngâpa, Ei pati a niepa taihta, A phei eina thuah thlu.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 30:14

Na kyhpachâpazy ta cha my khai ha ei ta, Cha pachâ khao veih ei; Na thaileichâna lai tu ha ta, Na moleina a hluh tupa vâta, Chariah tu ta cha tu na ta, Zawngiahna a hnei leipa khakhaipa hawhta ei cha hrie.

ZEREMIAH 38:22

Moh teh, Zudâh bei o liata chanô a ypa zydua­ cha Babylaw bei beimachâzy lâta a chhipa châ aw ei ta, chanôzy chata na hnohta, “‘Na viasa phapazy ta cha dôvei ei ta, Ama cha pahnie haw; Tahmâ cha na phei chiatlao liata a taw ha ta, Ama châ heihsai khai ha hih,’ ama cha tah aw.

ZEREMIAH 4:30

Hy nâ, roryhrapa khihpi, Khâpa hmo ma tao nâ chhuah? Poh saihlawpa a bupa ta, Ngôh atobinazy ta a tobi chi ta, Na mozy hlyu na hniapa kha, Khâpa hmo ma tao nâ chhuah? Hraoleipa ta nâ tobipa a châ. Na khopawzy ta cha mohnao pyly ei ta, Na hrona la amâ chhuah pyly.

ZEREMIAH 49:7

“Edômâ kyh liata, Pheisaihzy Abeipa ta hetana heta a tah: Temâ liata sona y khao vei ma? Asopazy ryhraona a chhâ ha ma? Ama sona a lei khai ha ma?

CHAPHÔHTUNA 1:19

“Ei khopawzy aw ei na ta, Châhrasala einâ paphasai khai ha ei; Ei theihthaipazy nata ei machâzy chhao, Khihpi liata ama thi khai haw; Ama hro a pazao nawpa ta niedo tlua ei ta, Ama hmô leipa vâta ama thi khai haw.

HÔSIA 13:13

Chanô sawzeih pasana ta tlô thlu ta, Châhrasala sawchapaw so leipa a châ; A daihti vaw tlô ta a vaw luah leipa ta, Chhi â pahypa lâ a vy vei.

HÔSIA 7:11

Epharai cha vachhuh lyu ta, Dôvei nao ta, palôh hnei vei; A châh ta Izi awsao ei ta, A châh ta Asuria lâ ama sie.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.