ÔBADIA 1:5 - Mara Bible RV (BSI)

⁵ Parutuhpazy nâ lâ a vy ei sala, Hraotuhpazy zâ ta amâ vy khiahta cha, Amâ ngiahpa hlâta hluhvia ama la aw ma? Kre thei lyutuhpazy nâ lâ a vy ei sala, Kâmo thoh awpa siesai leipa ta ama y aw ma? Nâ deikua cha hrao khaipa na châ haw.

ÔBADIA 1:5 ပူးပေါင်းရင်းမြစ်များ

2 SAMUELA 1:19

“Hy Izarei, na rônahna cha, Na su sâhpazy liata a thi haw! Kheihtazieta ma pasaiphazy ama pao thlâh ha tly!

ISAI 14:12

“Hy Deiva Awhsi, My khihdei sawchapawpa, Avâ tawhta dia na za tla haw! Hy râhzy a panawhtuhpa, Alei taihta chhawh pathlapa ta dia na y haw!

ISAI 17:6

Ôli kô chakhyh nota, A kithlao a sâh chaipa liata a thei miano miathôh â nguapa hawhta, Theilâpa lyu khai tawhta, A chiah liata a thei miapalih miapangawh â nguapa hawhta, Cha liata kâmo thoh awpa a y aw, Abeipa Izarei Khazohpa ta a tah.

ISAI 24:13

Alei liah liata phopizy hry liata, Hetana heta a vaw tlô aw; Ôli kô a thei chakhyh khaipa hawhta châ aw ei ta, Kre thei lyu khai tawhta kâmo thohpa hawhta ama châ aw.

ZEREMIAH 49:9

Kre thei lyutuhpazy nâ lâ a vy ei sala, Kâmo thoh awpa kre thei siesai aw veih ei ma? Zâ ta parutuhpazy a vy ei sala, Ama khopa rakha deita hrao aw veih ei ma?

ZEREMIAH 50:23

Khizaw pôhpalôhpa syulô cha, Tlie ta a kei thlâh ha dia! Kheihtazieta ma Babylaw cha, Phopizy hry liata su chichhihpa lâta a pua haw!

ZEREMIAH 6:9

Pheisaihzy Abeipa ta hetana heta a tah: “Izarei laibâhpazy cha, Kre thei kâmo thohpa hawhta Tlokhuh kâmo thohpa châ ei sala; Kre thei lyutuhpa hawhta, A chiahzy pathâpazi heih teh u.”

CHAPHÔHTUNA 1:1

Chyhsa ta a bie tyhpa khihpi kha, Yrupa ta dia â tyu ha bâ! Phopizy hry liata phopi rônahpa kha, Nôhmei hawhta dia a châ ha bâ! Râhzy hry liata abei sawchanô kha, Sei lâta dia â lie haw!

ÔBADIA 1:9

“Hy Temâ y, Na pasaiphazy ama palôh a dua aw; Esaw Tlâh liata chyhsa zydua thiepa châ aw ei ta, Chhawh pathlah khaipa ama châ aw.”

MIKÂ 7:1

Ei hupo rimâ cha! Nopi daihti theilâpa pakhy nota, Kre theizy kâmo thoh nota, A sao nie awpa a y leipa hawhta châ na ta; Ei hro ta a tlaichhai kawpa Theiku hmoh tuapa y leipa hawhta dia ei châ haw!

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

RYHPACHANEINA 24:21

Nama kre sadô liata kre thei nama lyu tita, kâmo nama thoh awpa châ vei. Mapaihpazy, paw hnei leipazy nata nôhmeizy châta nama siesai awpa a châ.

BIEPHUAH 18:10

A pasataona chipa ta, lâhlapi ta a duah aw ei ta, hetana heta ama tah aw: “Cha rimâ cha! Cha rimâ cha! Nâ, khihpi rônahpa, Nâ, khihpi thatlôpa, Hy Babylaw khihpi! Dawh kha chhôh ta, Na rao khai ha he zaw.”