ÔBADIA 1:16 - Mara Bible RV (BSI)

¹⁶ Ei tlâh pathaihpa liata nyu nama dopa hawhna khata, Phopi zydua ta ama doh aw; Dopa ta palâ aw ei ta, A pih leipa hawhta ama châ aw.”

ÔBADIA 1:16 ပူးပေါင်းရင်းမြစ်များ

ISAI 42:14

Bohpi a vaw chalih ha na ta, A thlih thlâh hapa ta maoh ei oh lylia. Tahmâ deikua cha, Chanô sawzeihpa hawhta awh aw na ta, Huchahâpa nata huhiahpa ta ei y bâ aw.

ZEREMIAH 49:12

Abeipa ta hetana heta a tah: “Nyu a doh awpa a châ leipazy ta ama do thlyu awpa a byuh khiahta cha, nâ chhochhi cha hrie leipa ta na pua aw ma? Hrie leipa ta pua cheita aw va chi, na do thlyu awpa a châ.

CHAPHÔHTUNA 4:21

Hy Edômâ sawchanô y, thaphapa ta a ly la, Uzi râh liata a pahrâpa y, thaphapa ta a ly mah y; Châhrasala na hnohta chhao nyu vaw tlô aw ta, Pari aw chi ta, nâmasasyh ta thluahruapa ta nâ tao aw.

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

HABAKU 1:9

Thachahra hmâ awpa ta ama zydua ta amâ vy; Nochhi thlih rupa hawhta pathli ei ta, Sadi hawhta hluhpa ta seizy ama pakhy.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?