ÔBADIA 1:1 - Mara Bible RV (BSI)

¹ He biezy he Ôbadia aluahna châ ta, Abeipa Zehôvâh ta Edômâ kyh liata a reipa biezy a châ: Abeipa tawhta bie thei pi ta, Phopizy hry liata lyuhchâpa tuapa a châ; “Thyu teh u, Edômâ a dyuh ei suh u!” Tahpa ta ama pahrua.

ÔBADIA 1:1 ပူးပေါင်းရင်းမြစ်များ

ÂTHAONA 25:30

Zakaw hnohta, “Ei tha chhâ ngaita ta, ngiachhiepa ta abie saihpa pati na chhopa kha na paniesa teh” tah ta. Chavâta Esaw cha a moh Edômâ bipa a châ.

ÂTHAONA 36:8

Chavâta Esaw cha Seirâ tlâh râh liata a pahrâ haw. Esaw cha Edômâ a châ.

ÂTHAONA 36:9

Hezy he Seirâ tlâh râh liata Edômâ mo pathlatuhpa Esaw pathlazy cha ama châ.

HLAZY 137:7

Hy Abeipa, Zerusale pao nota Edômâ mo ta, “Parao teh u, parao teh u, Â bôna taihta parao khai teh u,” Ama tahpa bie kha my beih khah y.

ISAI 21:11

He he Dumâ kyh chhochhieliena bie a châ: Chyhsa ta Seirâ tlâh tawhta na vaw aw ta, “Riahvaituhpa y, zâ he khati ta a chhâ aw? Riahvaituhpa y, zâ he khati ta a chhâ aw?” tah ta.

ISAI 21:12

Riahvaituhpa ta, “My vaw châ daihmâ ta, Zâ a vaw châ heih aw. Nama hiahri khoh khiahta cha, Hiahri u la; A vy u la, Hiahri heih teh u,” tah ta.

ISAI 30:4

Phiraoh beimachâzy Zônâ khihpi liata y ei ta, A lyuhchâpazy Hâne khihpi ama tlô hapa chhao ta,

ZEREMIAH 25:17

Chatanachata nyu cha Abeipa ku tawhta la na ta, Abeipa ta eina tuana, he phopi zydua he ei padosa ei:

ZEREMIAH 25:21

Edômâ nata Môabâ nata Amawna pathlazy;

ZEREMIAH 51:46

Râh liata bie pathâhpa nama thei tita, Nama palôh panao leipa sala, Chi hra khuh vy; Kô kha liata bie pathâhpa vaw tlô aw ta, Kô hropa liata a vaw tlô heih aw; Ryureituhpazy a chakhia aw ei ta, Râh liata atudaina a y aw.

EZEKIA 35:1

Abeipa bie ei hnohta vaw tlô ta:

ZÔELA 3:19

“Zudâh mo pasasa ei ta, Paraona hnei leipa thisaih ama râh liata ama palopa vâta, Izi cha roryhrapa ta y aw ta, Edômâ chhao râhchawhpa nata roryhrapa râh a châ aw.

MIKÂ 2:13

Thokhy a chatôhtuhpa ama hmia lâta sie ta, Chatôh lymâpa ta chhikao tlô ei ta, Chhikao tawhta ama pua. Ama bei cha ama hmia lâta sie ta, Abeipa cha ama luh chô lâta a sie.

MATHAI 24:6

Adyuhnazy nata adyuhna bie pathâhpazy nama thei aw. Châhrasala thlazohpa ta y khah u. Cha zydua cha a vaw y awpa châ ta, chhâna deikua châ mâh aw vei.

MÂKA 13:7

Adyuhnazy nata adyuhna bie pathâhpazy nama thei tita, nôpopa ta y khuh vy. Chazy cha a vaw tlô awpa rai a châ, châhrasala chhâna la châ mâh vei.