NEHEMIAH 9:7 - Mara Bible RV (BSI)

⁷ “Nâ cha Zehôvâh Khazohpa châ chi ta, Abarâ a tlyhtuhpa na châ. Ano cha Kaldia râh Ur khihpi tawhta a chhi papuatuhpa nata Abarahâ tahpa ta a moh a bituhpa na châ.

NEHEMIAH 9:7 ပူးပေါင်းရင်းမြစ်များ

ÂTHAONA 11:31

Terâ cha a sawchapawpa Abarâ, a samohpa Lawta, Harânâ sawchapawpa nata a myuhnô Sârai nata a sawchapawpa Abarâ lapinô zy a chhi ta, Kaldia râh Ur khihpi tawhta Kâna râh lâ sie awpa ta hmaohkha ta ama pua. Châhrasala Harânâ khihpi ama tlô nahta, cha liata pahrâ ei ta.

ÂTHAONA 15:7

Chatawhcha a hnohta, “Kei he, nama pahrâ nawpa ta, he râh he cha pie awpa ta Kaldia râh Ur khihpi tawhta châ chhi papuatuhpa Abeipa kha ei châ,” tah ta.

ÂTHAONA 17:5

Phopi hluhpi paw ta ei cha tao hapa vâta, na moh chhao Abarâ châ khao leipa aw ta, na moh cha Abarahâ tlao a châ ha aw.

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

1 THÂTIHZYRONA 1:27

Abarâ zy ama châ. Abarâ cha Abarahâ a châ.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

RYHPACHANEINA 10:15

Cha hawhpa Abeipa chata châ pathlatuhpazy chô liata a palôh tlâh ta, ama kyhpachâ ta, tanoh nama châna hawhna heta, nâmo, ama pathlazy cha phopi zydua chô lâta cha sopa ta, a châ tlyhpa ei a châ hih.