NEHEMIAH 9:6 - Mara Bible RV (BSI)

⁶ Nâ cha Abeipa châ chi ta, nâma deita he Abeipa cha na châ. Avâzy tao chi ta, avâzy avâ nata cha liata a ypa zydua na taopa a châ. Alei nata a chô liata a ypa zydua tao chi ta, tilaipi nata a chhôh liata a ypa zydua chhao na taopa sai a châ. Cha zydua cha hrona pie chi ta, avâ liata a ypazy ta ama châ chhy.

NEHEMIAH 9:6 ပူးပေါင်းရင်းမြစ်များ

ÂTHAONA 1:1

Âthaona liata Khazohpa ta alei nata avâ tao ta.

ÂTHAONA 1:9

Khazohpa ta, “Avâ ry liata tizy he su kha liata a pahmaoh sala, liahpahlô a lâ mawh sy” tah ta. Cha hawhna chata vaw châ ta.

ÂTHAONA 2:1

Cha hawhna chata avâ nata alei nata a chhôh liata a ypa zydua cha patlô khaipa a châ.

ÂTHAONA 32:2

Zakaw ta âmo cha a hmô nahta, “He he Khazohpa riehmo a châ hih” tah ta, chavâta cha su cha Mâhanai tahpa ta a moh a bi.

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

2 ABEIZY 19:15

Hezekia cha Abeipa hmia­kô liata thlahchhâ ta, “Hy Abeipa, Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa na châ. Nâ ta alei nata avâ he na tao.

2 ABEIZY 19:19

Chavâta Hy Abeipa eima Khazohpa y, nâma deita he Zehôvâh Khazohpa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

NEHEMIAH 9:5

Chatawhcha Livai pathla Zesua, Kâdamie, Bâni, Hâsabâniah, Serebiah, Hôdiah, Sebaniah nata Pethâhiah zy ta, “A duah u la, Abeipa nama Khazohpa cha chhâzaw nata tlyzaw ta reithai teh u,” tah ei ta. Ezrâ ta, “Reithaina nata palyupalihna zydua hlâta chônô viapa ta cheihchalopa na moh rônahpa cha reithaipa ta y mawh sy.

HLAZY 102:25

Leilô abôna he hlâno ta na vaw bô hapa châ ta, Avâzy khi na kuzô a châ.

HLAZY 103:21

Hy Abeipa pheisaihzy saih u, Abeipa cha reithai u la; A khopa tao ta ano a chakaotuhpazy saih u, Abeipa cha reithai teh u!

HLAZY 115:15

Lei nata vâ taotuhpa Abeipa ta, Byhnâ cha pie mawh sy!

HLAZY 124:8

Keimo baona cha Abeipa moh liata y ta, Ano cha avâ nata alei taotuhpa a châ.

HLAZY 146:6

Abeipa cha avâ nata alei taotuhpa châ ta, Tilaipi nata a chhôh liata a ypa zydua a taotuhpa chhao châ ta, Tlyzaw ta biehmeiseihpa a vao thlâhpa a châ.

HLAZY 24:10

Rônahna Beipa cha ahy maw? Ano cha Pheisaihzy Abeipa châ ta, Rônahna Beipa a châ.

HLAZY 33:6

Abeipa bie ta avâzy khi taopa châ ta, A pakah hu ta avâ liata a ypa zydua khi taopa a châ.

HLAZY 36:6

Na siana cha Khazohpa tlâhzy hawhta châ ta, Na ryureina chhao ti a thu ngaitapa hawhta a châ; Hy Abeipa, chyhsapa nata sazy na pabohsa ei.

HLAZY 86:10

Nâ cha rônahpa nata hmonoâh taotuhpa châ chi ta, Nâma deita he Khazohpa na châ.

ISAI 37:16

“Hy Pheisaihzy Abeipa Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa cha na châ. Nâ ta alei nata avâ he na tao.

ISAI 37:20

Chavâta Hy Abeipa eima Khazohpa y, nâma deita he Abeipa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

ISAI 43:10

“Nâmo tlai he nâ pahnokheituhpa châ ei chi ta, Nâ chakaotuhpa ei tlyhpazy nama châ. Chatanachata keima tlai he, Khazohpa cha ei châ tahpa nama novâh aw ta, Pahno aw ei chi ta, Einâ ngiapâ aw ei chi. Kei ei y hlâta cha, Khazoh hropa rai y leipa ta; Keima khai tawhta chhao, Khazoh hropa y khao aw vei,” Abeipa ta a tah.

ISAI 44:6

Abeipa, Izarei Beipa ta hetana heta tah ta, Izarei Chatlaituhpa Pheisaihzy Abeipa ta hetana heta a tah: “Kei he hmiatuachaipa nata hnôhchaipa cha ei châ, Keima leipa ta Khazoh hropa rai y veih ei.

ISAI 44:8

Chi leipa u la, a chalyu hra khuh vy. Hlâno tawhta nama hnohta phuah na ta, Vaw reih chhielie ha va na ma? Nâ pahnokheituhpazy mah nama châ tâh! Keima leipa ta Khazoh hropa rai a y ma? Y vei, Lôpanô rai y vei; Pakha hmah a ypa pahno va na.”

ISAI 45:12

Alei he kei ta tao na ta, A chô liata chyhsapa ei paysa. Avâ a paraipa kha keima ku he châ ta, Vâ pheisaih zydua bie a pietuhpa chhao, Keima tlai he ei châ.

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

EZEKIA 20:11

Chyhsapa ta zyh sala, a hro thei nawpa ta, ei bieraopazy pie ei na ta, ei ryhpazy ei pahnosa ei.

ZAWNA 1:9

Zawna ta âmo cha a chhy ta, “Hebrai chyhsa châ na ta, Abeipa, avâ Khazohpa, tilaipi nata alei hipa a taotuhpa a chipa ei châ,” tah ta.

ZAWHÂNA 10:30

Kei nata Paw cha pôhkha eima châ,” tah ta.

HMOTAOPAZY 4:24

Cha bie cha ama thei nahta, ama zydua ta â raohpa ta ao paro ngaitapa ta Khazohpa lâ thlahchhâ ei ta, “Hy Beichaipa, nâ cha lei nata vâ nata a chhôh liata a ypa zydua taotuhpa na châ.

RYHPACHANEINA 10:14

Moh tua u, avâ nata avâ a sâh chaipa nata leilô nata a chhôh liata a ypa zydua he Abeipa nama Khazohpa eih sai a châ.

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.

RYHPACHANEINA 6:4

“Hy Izarei, nathlie teh. Abeipa cha eima Khazohpa châ ta, Abeipa cha pakha deita a y.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 1:6

Sawchapaw uhtheipa khizaw lâ a za tua nona khata, “Khazohpa vâlyuhchâpa zydua ta ano a naoh mawh ei sy,” tah heih ta.

BIEPHUAH 14:7

Ano chata ao paro ngaitapa ta, “Khazohpa chi u la, ano cha palyupalih teh u, a pachiana daihti a vaw tlô haw. Avâ nata alei, tilaipi nata tihnawh a taotuhpa cha a chhy teh u,” tah ta.

BIEPHUAH 4:11

“Hy Eima Beipa nata Khazohpa, Nâ cha rônahna zy, palyupalihna zy, hmotaotheina zy A to tlâh na châ na; Hmo to tao chi ta, Na bie hawhta vaw y ei ta, Na bie hawhta paysapa ama châ,” tahpa ta chhâzaw nata tlyzaw ta a hroh thlâhpa cha amâ chhy.