NEHEMIAH 9:5 - Mara Bible RV (BSI)

⁵ Chatawhcha Livai pathla Zesua, Kâdamie, Bâni, Hâsabâniah, Serebiah, Hôdiah, Sebaniah nata Pethâhiah zy ta, “A duah u la, Abeipa nama Khazohpa cha chhâzaw nata tlyzaw ta reithai teh u,” tah ei ta. Ezrâ ta, “Reithaina nata palyupalihna zydua hlâta chônô viapa ta cheihchalopa na moh rônahpa cha reithaipa ta y mawh sy.

NEHEMIAH 9:5 ပူးပေါင်းရင်းမြစ်များ

1 ABEIZY 8:14

Izarei zawpi zydua amâ dua thlâh ha nota, abei cha zawpi lâ a heih ta, Izarei sawzy châta byhnâ aw ta.

1 ABEIZY 8:15

Sawlawmaw ta, “Ei paw Dâvi hnohta a pakah ta bie a taih ta, a ku ta a bietai a patlôtuhpa Abeipa, Izarei Khazohpa cha reithaipa ta y mawh sy!

1 ABEIZY 8:22

Chatawhcha Sawlawmaw cha Izarei a hmaohpakhypa zydua mohmô ta Abeipa maisâh hmiakô liata a duah ta, avâ lâ a ku pazawh ta,

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

1 THÂTIHZYRONA 16:36

Abeipa Izarei Khazohpa cha, Chhâzaw nata tlyzaw ta reithaipa ta y mawh sy!” Chyhsa zydua ta, “Amen!” tah ei ta, Abeipa cha ama reithai.

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

1 THÂTIHZYRONA 29:13

Chavâta eima Khazohpa y, tahmâ alyna bie cha hlâ pi ta, na moh rônahpa eima reithai.

1 THÂTIHZYRONA 29:20

Dâvi ta zawpi zydua hnohta, “Abeipa nama Khazohpa cha reithai teh u,” tah ta. Zawpi zydua ta Abeipa, ama pathlatuhpazy Khazohpa cha reithai ei ta, a bôh ei ta, Abeipa nata abei cha a naoh ei ta.

2 THÂTIHZYRONA 20:13

Zudâh pathla zydua cha ama hawti chyhpatazy, ama lapinôzy nata ama sawzy chhaota Abeipa hmiakô liata a duah ei ta.

2 THÂTIHZYRONA 20:19

Livai chi Kôhâ nata Kôrâ pathlazy a vaw duah ei ta, ao paro ngaitapa ta Abeipa, Izarei Khazohpa reithai ei ta.

EZRÂ 3:11

Abeipa liata amâ lyna nata ano reithaina cha, “Abeipa cha pha ta, A zawngiahna cha, Izarei chô liata chhâzaw ta a y,” tahpa ta hla ta amâ chhy palie. Abeipa o lôbô ama bô hapa vâta, zawpi zydua ta ao paro ngaitapa ta awh ei ta, Abeipa ama reithai.

NEHEMIAH 9:4

Livai hleidy liata Zesua, Bâni, Kâdamie, Sebaniah, Buni, Serebiah, Bâni nata Kenani zy a duah ei ta, ao paro ngaitapa ta Abeipa ama Khazohpa pado ei ta.

NEHEMIAH 9:6

Nâ cha Abeipa châ chi ta, nâma deita he Abeipa cha na châ. Avâzy tao chi ta, avâzy avâ nata cha liata a ypa zydua na taopa a châ. Alei nata a chô liata a ypa zydua tao chi ta, tilaipi nata a chhôh liata a ypa zydua chhao na taopa sai a châ. Cha zydua cha hrona pie chi ta, avâ liata a ypazy ta ama châ chhy.

ZAWBÂ 1:21

“Ei nô chhi tawhta Thluahruapa ta vaw pua na ta, Thluahruapa ta ei kua aw. Abeipa ta pie ta, Abeipa ta a la pakhua haw. Abeipa moh cha Reithaipa ta y mawh sy.”

HLAZY 106:2

Ahy ma Abeipa hmotao rônahpazy reih thei ta, A reithaina zydua a phuah thei aw?

HLAZY 134:1

Nâmo, Abeipa chakaotuhpa zydua saih u, A vy u la, Abeipa cha reithai teh u! Abeipa o liata zâ ta a duah tyhpa zydua saih u, Abeipa cha reithai teh u!

HLAZY 145:2

Noh to ta cha reithai aw na ta, Chhâzaw nata tlyzaw ta na moh ei reithai aw.

HLAZY 145:5

Nâ beina rônahzie nata ngiazie reih aw na ta, Na hmotao noâhpazy ei reih tyh aw.

HLAZY 146:2

Ei hro chhôh zydua ta Abeipa cha reithai aw na ta, Husona ei hnei chhôh ta, Ei Khazohpa reithaina hla ei sa aw.

HLAZY 16:2

Abeipa hnohta, “Ei Zibeipa châ chi ta, Nâma leipa ta la phana rai hnei va na,” ei tah tyh.

HLAZY 66:2

A moh rônahna hla sapa ta, Reithaina rônahpa hlâ teh u.

HLAZY 99:3

Na moh rônahpa nata zachhihpa cha reithai mawh ei sy! Abeipa cha a pathaih na!

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 15:6

Hy Abeipa, na ku chachâh lâ liata hmotaotheina rônahpa y ta, Hy Abeipa, na ku chachâh lâta khakhaipa a chaphie khai haw.

DÂNIAH 2:20

Dâniah ta, “Sona nata thatlôna cha, Khazohpa eih châ ta; Khazohpa moh cha, Chhâzaw nata tlyzaw ta reithaipa ta y mawh sy!

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

RYHPACHANEINA 28:58

“Abeipa nama Khazohpa moh rônahpa nata chichhihpa nama chi thei nawpa ta, he châbu liata â rohpa ryhpa bie zydua he zyh leipa ta nama tao vei khiahta cha,

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

RYUREITUHPAZY 13:18

Abeipa vâlyuhchâpa ta a hnohta, “Hmo noâhchhihpa hmô ha chi ta, khazia ei mo eina hiahri chi?” tah ta.