NEHEMIAH 9:37 - Mara Bible RV (BSI)

³⁷ Eima moleina vâta eima chô liata bei châ awpa ta na raopazy ta râh kôvei phanazy ama to khai ha hih. Ama khozie hawhta eima pôhpa nata eima sahrohzy chô liata biehnei ei ta, nôpo pachârôhpa ta eima y.

NEHEMIAH 9:37 ပူးပေါင်းရင်းမြစ်များ

EZRÂ 4:13

He khihpi he paduapathipa ta, a thokhyzy ama paloh tita cha, râhpawzy, leimâzy nata chhiezy pie khoh khao leipa aw ei ta, abei sôh a tlapahnai aw tahpa abei ta pahno mawh sy.

EZRÂ 6:8

Cha dei châ vei, Khazohpa Achhyna o paduapathina kyh liata, Zu machâzy châta nama tao awpa biepiepa ei tao. Hryuhna zydua pahawhpasâh leipa ta, Zu machâzy hnohta pie lymâ awpa châ ta, Chavah Haosâ râh tawhta râhpawzy tawhta piepa a châ aw.

EZRÂ 7:24

Theihthaipazy, Livai pathlazy, hlasathaipazy, chhikao vaituhpazy, Achhyna o liata chakaotuhpazy nata Khazohpa o liata chakaotuhpa hropa zydua cha râhpaw tlyma, leimâ tlyma, hmohneipa chhie tlyma, pacheisa awpa ta ryhpa ta pasaih vei tahpa eima cha pahnosa.

NEHEMIAH 5:8

ama hnohta, “Keimo ta phopizy lâta zuapa eima unawh Zu chyhsazy eima theina hawhta chatlai pi ta, nâmo deikua cha, nama unawhzy zuah ei chi ta, eima hnoh cheingei ta zuapa ama châ hih!” tah na ta. A thlih thlâh ha ei ta, rei awpa khâpa hmah pahno leipa ei ta.

CHAPHÔHTUNA 5:5

Miah chadaituhpazy ta raopaky miah paky ei ta, Eima thachhâ ta, apahâna rai miah pie veih ei.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

ZAWHÂNA 8:33

Âmo ta a hnohta, “Abarahâ pathlazy châ pi ta, ahy sei ta hmah y beih ma pi. Kheihtazieta, ‘Khotalaipa nama châ aw,’ a tahpa ma na châ?” tah ei ta.

RYHPACHANEINA 28:33

Nama pahno leipa phopi ta nama chhaohlei patheipa nata nama hriapasana theizy nie khai aw ei ta, nâmo cha khâ tlybai awpa nata riepathei awpa deita nama châ aw.

RYHPACHANEINA 28:39

Kre sadô tao aw chi ta, mohôh aw chi ta, châhrasala châkariepa ta nie khai aw ta, a kresawhti doh aw veih ei chi. Kre thei chhao lyu aw veih ei chi.

RYHPACHANEINA 28:48

nâmo châ dyuh awpa ta Abeipa ta a vaw tua awpa nama chariahzy cha, nodidâhphina, thluahruana nata ato phahlana chôta chakao aw ei chi ta, a cha pahleipadia khai hlâlei ei cha, nama rao liata thua raopaky a cha paky aw ei.

RYHPACHANEINA 28:51

Cha phopi chata nama sahroh zaw nata nama chhaohlei patheipazy nie khai aw ta, tlokhuh a cha pahleipadia khaina taih ei ta nama sâh, nama kresawhti, nama sathaw, nama viahchao hri nata mietaku zaw zy ama nie khai aw. Nama châta khâpa hmah pahlôh aw vei.