NEHEMIAH 9:34 - Mara Bible RV (BSI)

³⁴ Eima beizy, eima beimachâzy, eima theihthaipazy nata miah pathlatuhpazy ta na ryhpa zyh leipa ei ta, na biepiepazy nata zikyurâna bie na piepazy thei khoh veih ei.

NEHEMIAH 9:34 ပူးပေါင်းရင်းမြစ်များ

2 ABEIZY 17:13

Chatanachôta Abeipa ta hrohsopa to nata hmôtheituhpa to hmâpa ta, “Nama yzie moleipazy a heihsai u la, châ pathlatuhpazy hnohta bie ei piepa Ryhpa nata nâ chakaotuhpa hrohsopazy tuapa ta ei cha piepa ei, ei biepiepazy nata bieraopazy zyh teh u,” tahpa ta Izarei nata Zudâh zy cha zikyu khâ a râ tyh ta.

2 ABEIZY 17:15

Ama pathlatuhpazy hnohta bieraopa nata biehrai a taopazy nata zikyurâna a piepazy cha tlyhnypa ta, nothlahpa hraoleipazy pangai ei ta, âmo chhao hraoleipa ama châ haw. Abeipa ta ama taozie hawhta tao lei awpa ta bie a vaw pie hapa, ama chheipâh liata phopizy taozie ama zi lymâ.

2 THÂTIHZYRONA 29:6

Miah pathlatuhpazy khata ngâchhih leipa ei ta, Abeipa eima Khazohpa mohmô liata hmo pha leipa ama tao haw. Ano cha a heihsai ei ta, Abeipa pahrâna su cha ama hmia nyusai ei ta, hnôh ama chhy haw.

EZRÂ 9:10

“Hy eima Khazohpa, khâpa eima reih khao aw? Na biepiepazy a heihsai pi ta,

NEHEMIAH 9:30

Âmo cha kô hluhpi chhyh thai chi ta, na hrohsopazy hmâpa ta, na Thlahpa ta zikyu nâ râ tyh ei. Chatanachôta thei lei nahpâ amâ pachâ tyh. Chavâta cha râhzy liata phopizy ku liata na pie ha ei.

NEHEMIAH 9:33

Eima chô liata hmo a tlôpa zydua liana heta, nâ cha asiapa na châ. Ngâchhihpa ta hmo tao chi ta, keimo deikua molei ngaitapa ta hmo eima tao tyh.

NEHEMIAH 9:35

Âmo khinarâh liata y ei ta, na phana rônahpa na patosapa hry liata ypa ta, râh laipa nata phapa na piepa liata ama ypa chhao ta, nâ cha chakao leipa ei ta, ama moleina raizy bâhsai veih ei.

ZEREMIAH 29:19

Ei biezy ama nathlie leipa vâta, cha cha ama chô liata ei tao aw,’” Abeipa ta a tah. “Nâ chakaotuhpa hrohsopazy nâmo lâ vaw tuah chanei ngâ thlâh ha ei na ta, châhrasala ama bie nathlie veih ei chi,” Abeipa ta a tah.

ZEREMIAH 44:17

Keimo nata miah pathlatuhpazy nata eima beizy nata eima beimachâzy heta, Zudâh khihpizy nata Zerusale khiliahzy liata eima tao tyhpa hawhna khata, avâ beinô lâ ropahâhpazy raopa ta, dopa hlânazy ano lâ patlai aw pi ta, bie eimâ taihpa zydua eima tao aw. Kha daihti liana kha niedo hluhpi hneipa ta, thlaochhipa ta y pi ta, chhiena a tyh ma pi.

ZEREMIAH 44:4

Chatahrasala nâ chakaotuhpa hrohsopazy nâmo lâ khâ vaw tuah ei na ta, ‘He hmo pasichhihpa ei hao ngaitapa he tao khao khuh vy!’ tahpa ta ama cha chho chanei ngâ thlâh ha.

EZEKIA 5:6

Chatanachôta ei ryhpazy a dyuhpa ta, phopi hropazy hlâta thata molei via ta; ei bieraopazy a dyuhpa ta, a chheipâh râhzy hlâta a molei via haw. Ei ryhpazy dytha ei ta, ei bieraopazy a chhih veih ei.

DÂNIAH 9:6

Eima beizy, eima hyutuhpazy, miah pathlatuhzy nata râh liata chyhsa zydua hnohta na moh ta bie a reihpa, châ chakaotuhpa hrohsopazy bie nathlie hra ma pi.

RYHPACHANEINA 31:21

Hmo pha leipa nata nôpona hluhpi ama chô liata a vaw tlô tita, he hla he ama pathlazy pakah liata mypa ta a y lei awpa vâta, pahnokheituhpa âmo a padeituhpa a châ aw. Ei bietai râh ei tlôkhei hlâ chhao ei ta, ama palôh aheina lâ ei pahno khai,” tah ta.