NEHEMIAH 9:30 - Mara Bible RV (BSI)

³⁰ Âmo cha kô hluhpi chhyh thai chi ta, na hrohsopazy hmâpa ta, na Thlahpa ta zikyu nâ râ tyh ei. Chatanachôta thei lei nahpâ amâ pachâ tyh. Chavâta cha râhzy liata phopizy ku liata na pie ha ei.

NEHEMIAH 9:30 ပူးပေါင်းရင်းမြစ်များ

2 ABEIZY 18:11

Asuria bei ta Izarei mo cha Asuria râh lâ siekhei ta, Hâlâh khih nata Hâbaw chavah kiah liata Kôzani khih nata Mede mo khihpizy liata a paysa ei.

2 ABEIZY 21:10

Abeipa ta a chakaotuhpa hrohsopazy hmâpa ta bie reih ta,

2 THÂTIHZYRONA 24:19

Chatahrasala Abeipa lâ a chhi heih awpa ta, ama hnohta hrohsopazy tuah ta. Hrohsopazy chata ama thaileizie zy pahnosa ei ta, châhrasala nathlie khoh hlei veih ei.

EZRÂ 9:10

“Hy eima Khazohpa, khâpa eima reih khao aw? Na biepiepazy a heihsai pi ta,

NEHEMIAH 9:20

Âmo pachu awpa ta na Thlahpa phapa pie chi ta, na mânâ ama pakah lâ a ngia awpa pakhâ leipa chi ta, ama dâhphi nota do awpa ti na pie tyh ei.

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

NEHEMIAH 9:29

Na ryhpa lâ na pakuasa thei nawpa ei ta, âmo cha zikyu a râ tyh chi ta. Châhrasala a palai ngaitapa ta hmo tao ei ta, na biepiepazy zyh leipa ei ta, na pachianazy ama chakhia lymâ. Chyhsa ta na pachiana biezy hawhta a tao khiahta cha, a hroh awpa châ ta, châhrasala ama ngiatlâh pasuapa nata ama hnôkhi chhapa cha ano lâ tlao pahei ei ta, rei a ngiah khoh veih ei.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 95:10

Kha chhâ kha kô sypalih chhôh zydua ai kaw ei na ta, “Ama palôh sie chhei hapa phopi châ ei ta, Ei lâpizy a pahno leipa ama châ,” tah na ta.

ISAI 28:10

Biepiepa chô liata biepiepa hropa baichhapa ta, Biepiepa nata biepiepa patho ta; Bieraopa chô liata bieraopa hropa baichhapa ta, Bieraopa nata bieraopa ta a pabie; He liata a chyhta pachu ta, Hao liata a chyhta a pachu,” ama tah.

ISAI 42:24

Ahy ma Zakaw cha parutuhpa liata hlâ ta, Izarei cha hraotuhpazy liata a hlâ ha tly? A chô liata eima vaw molei hapa, Abeipa ta a hlâpa châ vei ma? A lâpizy a chhih khoh leipa ei ta, A ryhpa ama zyh khoh leipa, Abeipa ta a hlâpa châ vei ma?

ISAI 48:9

Ei cha chhawh pathlah leina awpa ei ta, Ei moh vâta ei hiehâhna pahawhsa na ta, Keima reithaina vâta nama châta maoh ei oh.

ISAI 63:10

Châhrasala Abeipa cha a dyuh ei ta, A Thlahpa Pathaihpa pachâ thata ama parôhsapa vâta, Abeipa cha ama chariahpa lâta a lie ha ta, Ano tlai ta â dyuh ha ei.

ZEREMIAH 25:4

Abeipa ta a chakaotuhpa hrohsopa zydua nâmo lâ a vaw tuah chanei ngâ thlâh hapa chhao ei ta, nathlie leipa ei chi ta, ama bie thei awpa ta nama nah pachôh hra veih ei chi.

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

ZEREMIAH 44:4

Chatahrasala nâ chakaotuhpa hrohsopazy nâmo lâ khâ vaw tuah ei na ta, ‘He hmo pasichhihpa ei hao ngaitapa he tao khao khuh vy!’ tahpa ta ama cha chho chanei ngâ thlâh ha.

ZEREMIAH 44:5

Châhrasala nathlie leipa ei ta, ama nah pachôh hra leipa ei ta, ama moleina ro khoh veih ei. Khazoh hropazy lâta ropahâhpa ama raopa chhao a chalih khoh veih ei.

ZEREMIAH 7:25

Châ pathlatuhpazy Izi râh tawhta ama pua noh tawhta tanoh taihta, nâ chakaotuhpa hrohsopa zydua noh chareih ta âmo lâ tuah na ta.

CHAPHÔHTUNA 2:17

Abeipa ta â chhuahpa tao ha ta, A bie a patlô haw; Hlâno tawhta parao awpa ta a vaw rao hapa cha, Ngiachhiena hnei leipa ta a parao haw; Chariahpa a ly awpa ta cha parao ta, Na khakhaipazy ki a pasisa.

DÂNIAH 9:6

Eima beizy, eima hyutuhpazy, miah pathlatuhzy nata râh liata chyhsa zydua hnohta na moh ta bie a reihpa, châ chakaotuhpa hrohsopazy bie nathlie hra ma pi.

ZEKARIA 7:12

Ama palôh cha pachielô châkarôpa hawhta pachâsa ei ta, Pheisaihzy Abeipa Thlahpa ta hrohsopa hmiatuapazy hmâpa ta a reipa ryhpa bie nata chhoreina biezy nathlie khoh veih ei. Chavâta Pheisaihzy Abeipa hiehâhna rarôh ypa cha vaw tlô ta.

ZEKARIA 7:13

“Aw ei na ta châhrasala nathlie khoh veih ei. Chavâta na aw ei ta, kei chhao ta nathlie veih ei na.

MALUHREINA 11:26

Riehmo liata machâ pano a ngua ei ta, pakhapa moh cha Eldâ châ ta, a hropa moh cha Medâ a châ. Thlahpa cha âmo chô liata chhao y ta. Âmo cha machâ sysari atlyhpazy hry liata a hlao ei ta, châhrasala ahmaohna poh o lâ vawh leipa ta, riehmo liata hrohsona bie tlao phuah ei ta.

HMOTAOPAZY 13:18

Kô sypalih chhôh tlai râhchawhpa liata âmo mohôh ta.

HMOTAOPAZY 28:25

Ama bie a hmô thai khao leipa ta, Pawla ta bie miakha a rei khai nahta, ama pua haw. Pawla ta, “Thlahpa Pathaihpa ta hrohsopa Isai pakah ta châ pathlatuhpazy hnohta,

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RAWMA 2:4

A châ vei khiah, Khazohpa phana cha rona lâ châ chhi awpa a châpa pahno leipa ta, a phana hluhzie nata a nôphazie nata a palôh pasizie zy cha, hraoleipa hawhta ma na pachâ?

1 PITY 1:11

âmo liata a ypa Krista Thlahpa ta Krista pasa tao awpa nata cha khai tawhta palyupalihna a vaw pazi awpazy kyh ama rei chhielie nona khata, khati ta ma vaw tlô aw ta, kheihawh ta a vaw tlô awpa ma a châ tahpa zy amâ laichadai tyh.

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.

2 PITY 3:9

Thokha ta Abeipa cha a bietai patlôna kyh liata nainôsôpa hawhta pachâ ei ta, châhrasala a nainôsô vei. Abeipa cha nâmo châta palôh pasi ngaitapa châ ta, ahy hmah ama leidia awpa khoh leipa ta, chyhsa zydua ama ro khai awpa tlao a khoh.