NEHEMIAH 9:29 - Mara Bible RV (BSI)

²⁹ Na ryhpa lâ na pakuasa thei nawpa ei ta, âmo cha zikyu a râ tyh chi ta. Châhrasala a palai ngaitapa ta hmo tao ei ta, na biepiepazy zyh leipa ei ta, na pachianazy ama chakhia lymâ. Chyhsa ta na pachiana biezy hawhta a tao khiahta cha, a hroh awpa châ ta, châhrasala ama ngiatlâh pasuapa nata ama hnôkhi chhapa cha ano lâ tlao pahei ei ta, rei a ngiah khoh veih ei.

NEHEMIAH 9:29 ပူးပေါင်းရင်းမြစ်များ

2 ABEIZY 17:13

Chatanachôta Abeipa ta hrohsopa to nata hmôtheituhpa to hmâpa ta, “Nama yzie moleipazy a heihsai u la, châ pathlatuhpazy hnohta bie ei piepa Ryhpa nata nâ chakaotuhpa hrohsopazy tuapa ta ei cha piepa ei, ei biepiepazy nata bieraopazy zyh teh u,” tahpa ta Izarei nata Zudâh zy cha zikyu khâ a râ tyh ta.

2 ABEIZY 17:14

Châhrasala a pyh khoh hlei veih ei. Abeipa ama Khazohpa a ngâ khoh leipa ama pathlatuhpazy ta kuhchhapa ta ama ypa hawhta, kuhchhapa ta ama y hra.

2 THÂTIHZYRONA 24:19

Chatahrasala Abeipa lâ a chhi heih awpa ta, ama hnohta hrohsopazy tuah ta. Hrohsopazy chata ama thaileizie zy pahnosa ei ta, châhrasala nathlie khoh hlei veih ei.

2 THÂTIHZYRONA 33:10

Abeipa ta Manase nata a chyhsazy hnohta bie reih ta, châhrasala nathlie leipa ei ta.

2 THÂTIHZYRONA 36:15

Abeipa, ama pathlatuhpazy Khazohpa ta, ano phopi nata a pahrâna su tha a pasapa vâta, a chalihsai leipa ta, âmo lâta lyuhchâpazy khâ tuah ta.

NEHEMIAH 13:15

Cha nohzy liata, Zudâh râh liata chyhsazy ta kresawhti saohna khaohzy liata Pahânoh ta kre ama saohpa hmô na ta. Sapiahzy alâ vaw paphaosa ei ta. Kresawhtizy, kre theizy, theikuzy nata hmo to vaw paphaosapa ta, Pahânoh ta Zerusale vaw tlôkhei tyh ei ta. Niedo ama zuana noh kyh liata, âmo cha zikyu a râ ei na ta.

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

NEHEMIAH 9:16

“Châhrasala âmo nata miah pathlatuhpazy khata a palai ngaitapa ta hmo tao ei ta, ama koh pachyu ei ta, na biepiepazy zyh veih ei.

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

NEHEMIAH 9:30

Âmo cha kô hluhpi chhyh thai chi ta, na hrohsopazy hmâpa ta, na Thlahpa ta zikyu nâ râ tyh ei. Chatanachôta thei lei nahpâ amâ pachâ tyh. Chavâta cha râhzy liata phopizy ku liata na pie ha ei.

PUASAINA 10:3

Mawsi nata Arawna cha Phiraoh lâ a kei ngia ei ta, a hnohta, “Zehôvâh, Hebraizy Khazohpa ta hetana heta a tah: ‘Khachâ ma ei hmiakô liata a panawh khoh leipa ta na y aw? Eina chakao thei nawpa ei ta, ei phopi pasiesa bâ teh.

ZEREMIAH 17:23

Châhrasala nathlie leipa ei ta, ama nah pachôh hra veih ei. Chhorupa ta tlao y ei ta, chhoreina thei khoh leipa ei ta, a pyh khoh hra veih ei.

ZEREMIAH 19:15

“Pheisaihzy Abeipa, Izarei Khazohpa ta hetana heta a tah, moh teh u, ama kuh a pachhasa ei ta, ei biezy ama nathlie khoh leipa vâta, he khihpi chô liata nata a khichapeih zydua chô liata chhiena patlôsa awpa ta ei phuahpa kha ei vaw patlôsa aw.”

ZEREMIAH 42:19

Hy Zudâh laibâhpazy saih u, Abeipa ta, ‘Izi râh lâ zu khuh vy,’ a cha tah ei. Tanoh ta zikyu ei châ râpa ei he a siapa ta pahno teh u.

ZEREMIAH 43:2

Hôsai sawchapawpa Azariah nata Kariah sawchapaw­pa Zôhanâ nata chyhsa a khotlâh kawpa zydua ta Zeremiah hnohta, “Haipa bie na reipa a châ. Abeipa eima Khazohpa ta, ‘Izi râh liata pahrâ awpa ta nama sie awpa châ vei,’ tahpa bie reih awpa ta cha vaw tuah vei.

ZEREMIAH 44:10

Tanoh taihta a panawh to leipa ei ta, nâmo nata châ pathlatuhpazy hmiakô liata ei sopa ei ryhpa nata ei bieraopazy a chhih khoh leipa ei ta, chi hra veih ei.

ZEREMIAH 7:26

Châhrasala na nathlie khoh leipa ei ta, ama nah pachôh hra leipa ei ta, ama kuh tlao amâ pachhasa. Âmo a pathlatuhpazy hlâ chhao ta ama paru via.

EZEKIA 20:11

Chyhsapa ta zyh sala, a hro thei nawpa ta, ei bieraopazy pie ei na ta, ei ryhpazy ei pahnosa ei.

DÂNIAH 5:20

Châhrasala a palôh a pasâhsa ta, a pachâna pachyupa ta, â vaw palai nahta cha, â beina beidyuchhai tawhta pathlapa ta y ta, a rônahna pahluhpa a châ.

HÔSIA 6:5

Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

THEIHTHAINA 18:5

“Ei bieraopazy nata ei ryhpazy nama zyh awpa châ ta, chazy cha chyhsa ta a tao khiahta cha, chazy vâna chata a hroh aw: Kei he Abeipa ei châ.

MATHAI 19:17

Zisu ta, “Khazia hmo phapa kyh eina hiahri chi? Phapa cha pakha deita a y. Hrona liata nâ ngia khoh khiahta cha, biepiepazy zyh mah y,” tah ta.

LUKA 10:28

Zisu ta a hnohta, “Nâ chhy pado na. Cha hawhta tao la, na hroh aw,” tah ta.

RAWMA 10:5

Ryhpa zyhpa vâta siana hmôna kyh liata, Mawsi ta, “Ryhpa a zyhtuhpa cha, ryhpa vâna chata a hroh aw,” tahpa ta roh ta.

KALATIA 3:12

Ryhpa cha ngiapâna tawhta a puapa châ vei, “Ryhpa a zyhpa cha, ryhpa vâna chata a hroh aw,” tahpa tlao a châ.

RYHPACHANEINA 31:21

Hmo pha leipa nata nôpona hluhpi ama chô liata a vaw tlô tita, he hla he ama pathlazy pakah liata mypa ta a y lei awpa vâta, pahnokheituhpa âmo a padeituhpa a châ aw. Ei bietai râh ei tlôkhei hlâ chhao ei ta, ama palôh aheina lâ ei pahno khai,” tah ta.

RYHPACHANEINA 31:27

Chhorupa nata kuhchhapa nama châzie ei pahno. Pachâ tua u, tanoh ei cha hrolâh chy no ei ta hmahta Abeipa namâ dyuh khiahta cha, ei thi tawhta chhochhi cha khatlu ta ma a châ aw tly?

RYHPACHANEINA 4:26

nâmo pazei nawpa ta pahnokheituhpa châta avâ nata alei tanoh ei aw ei. Zawdâh chakapa ta nama kei hnei awpa râh tawhta thlai leidia aw ei chi ta, cha râh liata hroh pareih leipa aw ei chi ta, pahleipadia khaipa nama châ aw.

RYUREITUHPAZY 6:10

Nama hnohta, ‘Kei he Abeipa nama Khazohpa ei châ. Ama râh nama pahrâpa liata Amawri mo khazohzy nama chi awpa châ vei,’ cha tah ei na ta. Châhrasala ei ao nathlie veih ei chi,” tah ta.