NEHEMIAH 9:27 - Mara Bible RV (BSI)

²⁷ Chavâta âmo rie a patheituhpa ama chariahzy ku liata na pie ha ei. Ama nôpona daihti liata cha pado ei ta, vârâh tawhta vaw nathlie chi ta, na zawngiahna rônah ngaitapa vâta pachhatuhpazy pie chi ta, âmo chata ama chariahzy ku tawhta ama pachha haw.

NEHEMIAH 9:27 ပူးပေါင်းရင်းမြစ်များ

2 ABEIZY 13:5

Chatanachata Abeipa ta Izarei cha pachhatuhpa pie ta, Aramia mo ku tawhta pua ei ta, Izarei sawzy cha ama y tyhpa hawhta ama o chyu liata y heih ei ta.

2 ABEIZY 14:27

Châhrasala Abeipa ta Izarei moh cha avâ ry tawhta a pahleipadia ha awpa kyh vaw reih beih vei. Chavâta Zôasâ sawchapawpa Zerôbaw hmâpa ta a pachha heihpa ei a châ.

2 ABEIZY 17:20

Chavâta Abeipa ta Izarei pathla zydua cha dytha ta, ama rie patheipa ta, hraotuhpazy ku liata hlâpa ta, a mohmô tawhta a thy pathlah ha ei.

2 ABEIZY 17:39

Abeipa nama Khazohpa deita nama chi awpa châ ta, ano ta nama chariahpa zydua ku tawhta a cha pachha aw ei,” tahpa ta ama hnohta biepie ta.

2 THÂTIHZYRONA 36:17

Chavâta âmo a dyuh awpa ta, Abeipa ta Kaldia bei pathyusa ta, ano ta ama satliazy ama supathaihpa o liata zaozi ta thie ta, satlia nata laihsa, machâpa nata pawpi nôpipazy chhao ngiachhiena rai hnei leipa ta thie lymâ ta. Abeipa ta Zerusale khihsawzy cha Kaldia bei ku liata a hlâ khai ha ei.

NEHEMIAH 9:19

na zawngiah­na rônah ngaitapa vâta, râhchawhpa liana kha âmo a heihsai va chi. Ama siena liata a chhihtha laihpa meihdo tôh ta âmo cha nohchhô ta siesai leipa ta, zâ ta ama lâpi a pakhaihpa mei tôh ta âmo cha siesai vei.

HLAZY 136:24

Eima khakhaipazy tawhta miah pachhatuhpa châ ta, A kyhpachâna tlyzaw ta a daihpa a châ.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

ÔBADIA 1:21

Esaw Tlâh chô liata ryureih awpa ta, Pachhatuhpazy Zaio Tlâh lâ khy aw ei ta, Chatanachata khinarâh cha Abeipa eih a châ aw.”

RYUREITUHPAZY 2:18

Abeipa ta ama châta ryureituhpazy a paduana daihti maihta, Abeipa cha ryureituhpa hnohta y ta, ryureituhpa hro chhôh zydua cha, Abeipa ta ama chariahzy ku tawhta a pachha lymâ tyh ei. Ama chariahzy ta tlybai ei ta, rie ama patheipa vâta, amâ hrôna ao ta Abeipa cha ngiachhiena a pahneisa heih tyh.