NEHEMIAH 9:26 - Mara Bible RV (BSI)

²⁶ “Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

NEHEMIAH 9:26 ပူးပေါင်းရင်းမြစ်များ

1 ABEIZY 14:9

Nâ deikua cha nâma na y hlâta a vaw y tuapa chyhsa zydua hlâta hmo na parao via pachai. Khazoh hropazy nata nothlahpa leihpazy a tao chi ta, ei hie na pahâh chi ta, hnôh eina chhy ha chi.

1 ABEIZY 18:13

Zezebel ta Abeipa hrohsopazy a thie nota ei hmotaopa, Abeipa hrohsopazy hry liata chyhsa za kha, sypangawh sypangawh ta, lôpu liata nyu ei na ta, viahchhâ nata ti ta ei pasazie zy ei kha, ei zibeipa hnohta cha chho veih ei tlyma?

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

2 ABEIZY 21:10

Abeipa ta a chakaotuhpa hrohsopazy hmâpa ta bie reih ta,

2 ABEIZY 21:11

“Zudâh bei Manase ta he hmo pasichhih ngaitapazy he tao ta, râh liata a pahrâ tuapa Amawri mo hlâ chhao ta hmo moleipa thata tao via ta, Zudâh chhao ano nothlahpa achhyna liata a pamoleisa hra.

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

NEHEMIAH 9:18

Viahchaotaw nothlahpa a tao ei ta, ‘He he Izi râh tawhta châ kaw chhi papuatuhpa na khazoh a châ,’ tahpa ta Khazohpa moh thata ama reipachhie no chhao khata,

NEHEMIAH 9:29

Na ryhpa lâ na pakuasa thei nawpa ei ta, âmo cha zikyu a râ tyh chi ta. Châhrasala a palai ngaitapa ta hmo tao ei ta, na biepiepazy zyh leipa ei ta, na pachianazy ama chakhia lymâ. Chyhsa ta na pachiana biezy hawhta a tao khiahta cha, a hroh awpa châ ta, châhrasala ama ngiatlâh pasuapa nata ama hnôkhi chhapa cha ano lâ tlao pahei ei ta, rei a ngiah khoh veih ei.

NEHEMIAH 9:30

Âmo cha kô hluhpi chhyh thai chi ta, na hrohsopazy hmâpa ta, na Thlahpa ta zikyu nâ râ tyh ei. Chatanachôta thei lei nahpâ amâ pachâ tyh. Chavâta cha râhzy liata phopizy ku liata na pie ha ei.

HLAZY 50:17

Pachuna a haopa ta, Ei biezy hnôhchhy tlôh chi ta.

ZEREMIAH 16:11

hetana heta nâ chhy aw ei: ‘Châ pathlatuhpazy ta kei na siesaipa ta, khazoh hropazy pazi ei ta, cha khazohzy cha chakaopa ta, a chhy ei ta, kei na siesaipa ta, ei ryhpa ama zyh leipa vâta a châ.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

ZEREMIAH 2:7

A râh kôvei nata hmo phapazy nie awpa ta, Râh pha ngaitapa lâ ei cha chhihtha ei. Châhrasala nama tlô nahta, Ei râh cha papuapalei ei chi ta, Ei ryuto cha hmo pasichhihpa ta nama tao.

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

ZEREMIAH 42:19

Hy Zudâh laibâhpazy saih u, Abeipa ta, ‘Izi râh lâ zu khuh vy,’ a cha tah ei. Tanoh ta zikyu ei châ râpa ei he a siapa ta pahno teh u.

CHAPHÔHTUNA 3:42

“Hmoparao pi ta eima châ dyuh, Chavâta miah a ngiahthai va chi.

EZEKIA 20:21

Châhrasala ama pathlazy ta nâ dyuh ei ta, chyhsapa ta zyh sala a hro nawpa ta ei piepa ei bieraopazy a chhih leipa ei ta, ei ryhpazy zyh hra leipa ei ta, ei Pahânohzy ama papuapalei. Chavâta râhchawhpa liana khata ei pathiiana lei thlupa ta, ei hiehâhna cha âmo chô liata papai thlu awpa a chhuah na ta.

MATHAI 21:35

Thlyuhlaotuhpazy ta a chakaotuhpazy cha vaw patu ei ta, pakha tu ei ta, pakha thie ei ta, pakha alô ta vawh ei ta.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

RYHPACHANEINA 32:14

Viahchao hri sâhpiti kuapa ta cha pasa ta, Mietaku zaw sâhpiti ta a cha pasa; Mietakutaw thaw ta cha pasa ta, Bâsanâ mietaku tôhpa thaw ta cha pasapa ta, Mie thaw ta a cha pasa. Sâh pahâh chaipazy cha paniesa ta, Kre thisaih pathaihpa na doh tyh.

RYHPACHANEINA 32:15

“Zesuruh cha vaw thawh ta â chapie. Vaw thawhpa ta, Vaw pahly chi ta, Na mithawh kaw. Châhrasala ano taotuhpa Khazohpa a heihsai ta, A pachhana lôpanô khâpasaw ta reih khao vei.

RYUREITUHPAZY 10:6

Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.