NEHEMIAH 9:25 - Mara Bible RV (BSI)

²⁵ Thokhy a hneipa khihpizy nata râh pha ngaitapazy la ei ta, hmo pha to ta a biepa ozy, tikhaoh chao chiehpazy, kre sadôzy, ôli sadôzy nata theilâpa kô hluhpi ama hnei. Nie ei ta, rihbiepa ta y ei ta, thawh ei ta, na phana hluhpizy vâta a ly ngaitapa ta ama y.

NEHEMIAH 9:25 ပူးပေါင်းရင်းမြစ်များ

1 ABEIZY 14:9

Nâ deikua cha nâma na y hlâta a vaw y tuapa chyhsa zydua hlâta hmo na parao via pachai. Khazoh hropazy nata nothlahpa leihpazy a tao chi ta, ei hie na pahâh chi ta, hnôh eina chhy ha chi.

1 ABEIZY 8:66

A noh chariena noh ta zawpizy cha papaisa ta, abei cha byhnâ awpa ei ta, Abeipa ta a chakaotuhpa Dâvi nata a phopi Izarei chô liata phana a palâsapa zydua vâta, a ly ngaitapa nata palôh tlâh ngaitapa ta ama o chyu lâ amâ di haw.

NEHEMIAH 9:35

Âmo khinarâh liata y ei ta, na phana rônahpa na patosapa hry liata ypa ta, râh laipa nata phapa na piepa liata ama ypa chhao ta, nâ cha chakao leipa ei ta, ama moleina raizy bâhsai veih ei.

HLAZY 105:44

Phopi hropa râhzy cha âmo pie ta, Phopizy hria chiehpa ryu ta a patosa ei.

HLAZY 65:11

Kô cha kôvei lakho pakho chi ta, Na talailihzy siena liata a khô pathlah laih.

BIESOZY 30:9

Chataleipatala lôhrâtlôpa ta y aw na ta, “Abeipa cha ahy ma a châ?” tahpa ta, Ei châ paphasai pathlei aw na. Dyhchhiepa ei châ khiahta cha paru aw na ta, Khazohpa moh ei pachhie pathlei aw na.

ISAI 6:10

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ Kei tah mah y,” tah ta.

ISAI 63:7

Abeipa cha ato miah pietuhpa châ ta, A zawngiahna nata a ngâchhihna lymâ hawhta, Izarei chô liata a pha ngaitapa a châ; Chavâta Abeipa ngâchhihna cha, Khâ a thei aw na ta; Abeipa reithainazy cha, Khâ ei thei thlâh ha aw.

ZEREMIAH 2:7

A râh kôvei nata hmo phapazy nie awpa ta, Râh pha ngaitapa lâ ei cha chhihtha ei. Châhrasala nama tlô nahta, Ei râh cha papuapalei ei chi ta, Ei ryuto cha hmo pasichhihpa ta nama tao.

ZEREMIAH 31:14

Theihthaipazy hro cha, Sa thawhpa ta lôhrâpatlôsa aw ei na ta; Ei phopi chhao, Ei phana ta lôhrâtlôpa ta ama y aw,” Abeipa ta a tah.

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

EZEKIA 20:6

Izi râh tawhta a chhi papuapa ta, âmo châta râh ei tlua papuapa, sâhpiti nata kheihti lona râh, râh zydua hry liata râh ngia chaipa lâ a ngiakhei awpa ei ta, ku chaluahpa ta, cha noh liata bie ei taih ei.

DÂNIAH 11:24

Râh hneirôh chaina suzy cha thlalôh kawpa ta ama y nota siehnao aw ta, a pawzy nata ano pathlatuhpazy ta ama tao thei leipazy tao aw ta, hraona nata hraona hmozy nata sôhzy a chyhsazy a rai aw ei. Thokhyzy tlahnao awpa ta a chhuanoh aw ta, châhrasala daihti buakha chhôh châ dei a châ aw.

HÔSIA 13:6

Ama lao bâ ei ta, Ama rih bie ta; Ama rih a bie nahta, Ama palôh lai ta; Kei eina my ha ei.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

RAWMA 2:4

A châ vei khiah, Khazohpa phana cha rona lâ châ chhi awpa a châpa pahno leipa ta, a phana hluhzie nata a nôphazie nata a palôh pasizie zy cha, hraoleipa hawhta ma na pachâ?

RYHPACHANEINA 3:5

Khihpi zydua cha thokhy a sâh ngaitapa ta dôhpa châ ei ta, khaohrei nata hraina hneipazy a châ. Cha khihpizy thota thokhy a hnei leipa khihpi hluhpi eima la hra.

RYHPACHANEINA 32:13

Lei su sâhpazy chô liata patyusa ta, Lyu kôveizy a paniesa tyh; Lôpanô tawhta kheihti ta chyh ta, Lôsohpa tawhta sathaw ta a chyh.

RYHPACHANEINA 32:14

Viahchao hri sâhpiti kuapa ta cha pasa ta, Mietaku zaw sâhpiti ta a cha pasa; Mietakutaw thaw ta cha pasa ta, Bâsanâ mietaku tôhpa thaw ta cha pasapa ta, Mie thaw ta a cha pasa. Sâh pahâh chaipazy cha paniesa ta, Kre thisaih pathaihpa na doh tyh.

RYHPACHANEINA 32:15

“Zesuruh cha vaw thawh ta â chapie. Vaw thawhpa ta, Vaw pahly chi ta, Na mithawh kaw. Châhrasala ano taotuhpa Khazohpa a heihsai ta, A pachhana lôpanô khâpasaw ta reih khao vei.