NEHEMIAH 9:20 - Mara Bible RV (BSI)

²⁰ Âmo pachu awpa ta na Thlahpa phapa pie chi ta, na mânâ ama pakah lâ a ngia awpa pakhâ leipa chi ta, ama dâhphi nota do awpa ti na pie tyh ei.

NEHEMIAH 9:20 ပူးပေါင်းရင်းမြစ်များ

NEHEMIAH 9:30

Âmo cha kô hluhpi chhyh thai chi ta, na hrohsopazy hmâpa ta, na Thlahpa ta zikyu nâ râ tyh ei. Chatanachôta thei lei nahpâ amâ pachâ tyh. Chavâta cha râhzy liata phopizy ku liata na pie ha ei.

HLAZY 105:41

Lôpanô pahy ta, Ti a vaw chathôh ta; Chavah hawhta râh raohpa liata a loh laih.

HLAZY 143:10

Ei Khazohpa na châpa vâta, Na khopa tao awpa ta na pachu mah y! Na Thlahpa phapa ta, Lâpi patlâpa liata nâ chhi mawh sy!

PUASAINA 16:15

Cha cha Izarei sawzy ta ama hmô nahta, khâpa ma a châ tahpa ama pahno leipa vâta, “He he khâpa ma a châ tly?” tahpa ta âmo nata âmo a hiahri ei ta. Mawsi ta ama hnohta, “He he viahchhâ a châ, Abeipa ta nama nie awpa a cha piepa ei a châ hih.

PUASAINA 16:35

Izarei sawzy ta ama pahrâ nawpa râh ama tlô hlâlei cha, kô sypalih chhôh râhchawhpa liata mânâ nie ei ta, Kâna râhri ama tlô hlâlei cha mânâ ama nie lymâ.

PUASAINA 16:4

Abeipa ta Mawsi hnohta, “Pachâ teh, nama châta avâ tawhta viahchhâ pasuasa aw na ta, zawpizy pua aw ei ta, noh kha châta ama tovyuh a daihpa ta noh chareih amâ huah lymâ aw. Cha liana chata ei ryhpa ama zyh ma, zyh vei ma tahpa ei pasia aw ei.

PUASAINA 17:3

Zawpizy cha ama dâhphi ngaita ta, Mawsi chô liata paphôh ei ta, a hnohta, “Khazia keimo nata eima sawzy nata eima sahrohzy he dâhphipa ta miah thie awpa ta Izi râh tawhta miah nâ kaw chhi papua?” tah ei ta.

PUASAINA 17:6

Hôribâ liata lôpanô chô liata na hmiakô liata a vaw duah aw na ta, lôpanô cha tu aw chi ta, cha tawhta zawpi do awpa ti a vaw pua aw,” tah ta. Mawsi ta Izarei machâzy mohmô liata cha hawhna chata tao ta.

ISAI 48:21

Râh raohpa su liata â chhi no ei khata, Ama dâhphi leipa ta; Âmo châta lôpanô tawhta ti palosa ta, Lôpanô pakei ta ti a kaw pali.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

HÂKAI 2:5

‘Chi khah u, Izi râh tawhta nama kaw pua nota bie ei châ taih hapa hawhna ei khata, ei Thlahpa ta khâ a cha ypâ lymâ ei.’

MALUHREINA 11:17

Za chô aw na ta, cha liata bie ei châ vaw chho aw. Nâ liata thlahpa a ypa kha la aw na ta, ama chô liata ei soh aw. Chatanachata zawpi phaohri cha, cha phaokhei aw ei ta, nâ dei ta phaoh khao aw va chi.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

RAWMA 15:30

Unawh saih u, tiamapa ta Khazohpa lâ thlah eina chhâkhei awpa ei chi ta, eima Beipa Zisu Krista moh nata Thlahpa kyhpachâna ta ei châ haw ei.

1 KAWRINI 10:3

Ama zydua ta thlahpa pati miakha nie ei ta,

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

ZAWSUA 5:12

Râh liata a papuapa ama nie noh a mylâ tawhta cha, mânâ tla khao leipa ta, Izarei sawzy châta mânâ y khao vei. Cha kô tawhta cha Kâna râh chhaohlei thei ama nie pathao haw.

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.