NEHEMIAH 9:19 - Mara Bible RV (BSI)

¹⁹ na zawngiah­na rônah ngaitapa vâta, râhchawhpa liana kha âmo a heihsai va chi. Ama siena liata a chhihtha laihpa meihdo tôh ta âmo cha nohchhô ta siesai leipa ta, zâ ta ama lâpi a pakhaihpa mei tôh ta âmo cha siesai vei.

NEHEMIAH 9:19 ပူးပေါင်းရင်းမြစ်များ

NEHEMIAH 9:12

Nohchhô ta meihdo tôh ta âmo chhihtha chi ta, zâ ta ama siena lâpi pakhaih awpa ta mei tôh ta na chhihtha ei.

NEHEMIAH 9:27

Chavâta âmo rie a patheituhpa ama chariahzy ku liata na pie ha ei. Ama nôpona daihti liata cha pado ei ta, vârâh tawhta vaw nathlie chi ta, na zawngiahna rônah ngaitapa vâta pachhatuhpazy pie chi ta, âmo chata ama chariahzy ku tawhta ama pachha haw.

NEHEMIAH 9:31

Châhrasala na zawngiahna rônah ngaitapa vâta, ama chhâna ngâsâ cha patlôsa leipa chi ta, âmo cha a heihsai va chi. Nâ cha ngiachhiena nata zawngiahna ta a biepa Khazohpa na châ.

HLAZY 106:45

Ama hnohta a biehrai a thei heih tyh ta, A kyhpachâna tleih beih leipa rônah ngaitapa vâta, A palôh a panano heih tyh.

HLAZY 136:16

Râhchawhpa liata a phopi a chhihthatuhpa hnohta alyna bie reih teh u, A kyhpachâna tlyzaw ta a daihpa a châ.

PUASAINA 40:36

Ama sie laihna liata, achhyna byureih chô liata meihdo papaipa a châ nahta, Izarei sawzy cha a pasie tyh ei ta.

PUASAINA 40:38

Abeipa meihdo cha nohchhô ta achhyna byureih chô liata a chhoh ta, cha liata zâ ta mei vaw y ta, ama sie laihna zydua liata, Izarei pathlazy ta meihdo nata mei cha ama hmô laih lymâ.

ISAI 44:21

Hy Zakaw y, he hmozy he a thei thlâh ha la, Hy Izarei, nâ chakaotuhpa na châpa vâta, He hmozy he a thei thlâh ha mah y. Kei ta ei cha paduapa châ chi ta, Nâ chakaotuhpa na châ; Hy Izarei, cha my beih aw va na.

CHAPHÔHTUNA 3:22

Chhawh pathlahpa ta eima y leipa he Abeipa kyhpachâna vâta châ ta, A zawngiahna a chhâ beih leipa vâta a châ.

EZEKIA 20:14

Châhrasala ama mohmô liata ei kaw chhi papuapa phopizy hmiakô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

EZEKIA 20:17

Chatahrasala ei mo ta âmo cha ngiachhie ta, chavâta pahlôh ei na ta, râhchawhpa liana khata pahleipadia leipa ei na ta, pamua khai hra veih ei na.

EZEKIA 20:22

Châhrasala ama mohmô ta Izarei sawzy ei kaw chhi papuapa phopizy hmiakô liata ei moh papuapaleipa ta a y lei nawpa ta, ei ku pako na ta, hrie lei awpa lâta hmo ei tao hapa a châ.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

DÂNIAH 9:9

Zawngiahna nata ngiahthaina cha Abeipa eima Khazohpa eih mâh a châ tâh; ano cha a chariah ha hra sih la,

MALAKHAI 3:6

“Kei he Abeipa châ na ta, anano beih va na. Chavâta, Hy nâmo, Zakaw pathlazy saih u, pahleipadia khaipa ta nama y leipa a châ hih!

MALUHREINA 14:14

Izi mo ta he râh liata a pahrâpazy he chho aw ei ta, pha aw vei. He râh liata a pahrâpazy heta nâ Abeipa cha Izarei sawzy hry liata na y tahpa pahno tlôh ei ta. Nâ, Abeipa cha hmiachhypa ta cha hmô ha ei ta, na meihdo cha Izarei sawzy chô liata a duah ta, nohchhô ta meihdo tôh ta, zâ ta mei tôh ta ama hmia lâta na sie tyhpa chhao ama pahno.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.