NEHEMIAH 9:13 - Mara Bible RV (BSI)

¹³ Sinai Tlâh liata za chô chi ta, avâ tawhta âmo cha bie a chho chi ta, ryureina dopa, ryhpa dopa, bieraopa nata biepiepa phapazy na pie ei.

NEHEMIAH 9:13 ပူးပေါင်းရင်းမြစ်များ

2 ABEIZY 17:37

Bieraopazy, pachianazy, ryhpa nata biepiepa nama châta a ropazy kha chhâzaw ta nama zyh awpa a châ. Khazoh hropazy nama chi awpa châ vei.

EZRÂ 7:6

Ezrâ cha chârohtuhpa châ ta, Abeipa Izarei Khazohpa piepa Mawsi Ryhpa a thai ngaitapa a châ. Abeipa a Khazohpa ku a chô liata a ypa vâta, a hiapa maih abei ta a pie lymâ.

HLAZY 119:137

Hy Abeipa, nâ cha asiapa châ chi ta, Na ryhpazy chhao â do.

HLAZY 119:160

Na bie zydua a do ta, Na pachiana siapa zydua chhâzaw ta a y thlâh ha aw.

HLAZY 119:4

Na pachuna biezy papua chi ta, A phapa ta zyh awpa ta bie na pie.

PUASAINA 16:23

Mawsi ta, “He he Abeipa biepiepa a châ: ‘Mylâ cha a pahâna noh, noh ziehpa, Abeipa châta Pahânoh pathaihpa a châ aw. Chavâta pakâh awpazy cha pakâh u la, chho awpazy chhoh u la, a laibâhpa zydua mylâ châta namâ so aw,’” tah ta.

PUASAINA 19:11

a noh thôhna noh châta a pachyh mawh ei sy. A noh thôhna noh ta chyhsa zydua mohmô ta Sinai Tlâh liata Abeipa a za chô aw.

PUASAINA 20:1

Chatawhcha Khazohpa ta he biezy he reih ta.

PUASAINA 20:22

Abeipa ta Mawsi hnohta, “Izarei sawzy hnohta hetana heta reih teh: ‘Vârâh tawhta bie ei cha zâ chhopa ei kha, nâmo tlai ta nama hmô haw.

ISAI 64:1

Aw, avâzy khi hriepa ta za chô la, Na hmiakô liata tlâhpizy amâ sih mawh sala eima tah kaw dia!

ISAI 64:3

Eima hnabeiseih leipa hmo rarôh ypazy na tao no kha, Za chô chi ta, Na hmiakô liata tlâhpizy amâ chalyu ngâpa kha.

HABAKU 3:3

Khazohpa cha Temâ tawhta a vy ta, Pathaihpa cha Pârâ Tlâh tawhta â vy. Selah A rônahna ta avâ khu ta, A reithaina ta leilô a bie.

RAWMA 7:16

Ei khoh leipa ei tao tlôh khiahta cha, ryhpa cha pha ei tahkheipa a châ.

RYHPACHANEINA 33:2

Hetana heta byhnâ a awpa ei: “Sinai tawhta Abeipa a vy ta, Seirâ tawhta noh hawhta vaw chhipa ta, Pârâ Tlâh tawhta a vaw khaih; Mopathaihpa thysâh hry tawhta a vy ta, A ku chachâh lâta mei paleih â chaba.

RYHPACHANEINA 4:33

Mei hry tawhta bie a reihpa Khazohpa ao thei ei chi ta, nama hroh thlâh hapa hawhna heta, Khazohpa ao thei ta a hroh thlâh hapa phopi hropa ama y ma?

RYHPACHANEINA 4:36

A cha pachu thei nawpa ei ta, avâ tawhta a ao cha patheisa ei ta, alei chô liata ano mei rônahpa cha pahmôsapa ta, mei hry tawhta a bie nama thei.

RYHPACHANEINA 4:8

He tlu ta adopa ryhpa tanoh nama hmiakô liata ei sopa zydua hawhpa bieraopa nata pachiana a hnei hrapa kheihawhpa phopi rônahpa ma a y?

RYHPACHANEINA 5:4

Abeipa ta tlâh liata mei hry tawhta hmiachhypa ta bie châ chho ei ta.