NEHEMIAH 9:1 - Mara Bible RV (BSI)

¹ Cha thla, noh kih nata noh palihna noh liata, Izarei sawzy a hmaoh ei ta, kâhvileipa ta y ei ta, latho poh a bupa ta, ama luh liata alei a mia ei ta.

NEHEMIAH 9:1 ပူးပေါင်းရင်းမြစ်များ

2 SAMUELA 1:2

A noh thôhna noh ta Sawla riehmo tawhta chyhsa pakha, a chysiazy hriepa ta nata a luh liata dohlei chhaota a vy ta. Dâvi kô a vaw tlô nahta, alei liata pao ta a naoh ta.

2 THÂTIHZYRONA 20:3

Zehôsaphâ cha chi ngaita ta, Abeipa tluana lâta a hmia pahei ta, Zudâh râh zydua kâhvileipa ta y awpa ta phuah ta.

2 THÂTIHZYRONA 7:10

Thla sarina, noh kih nata noh thôhna noh ta, zawpizy cha ama o lâ chyu padisa ta. Abeipa ta Dâvi nata Sawlawmaw nata a phopi Izarei sawzy chô liata a phana a palâsapa zydua vâta, alypa nata thaphapa ta ama o lâ chyu a di ha ei ta.

EZRÂ 8:21

Chatawhcha keimo nata eima sawzy nata eima hmohneipazy lâpi liata â bohpa ta eima sie thei nawpa ta hiah awpa ta, eima Khazohpa hmiakô liata a panawhpa ta, kâhvileipa ta thlahchhâ awpa ta, Ahavâ chavah liata phuah na ta.

EZRÂ 8:23

Chatanachata kâhvileipa ta ypa ta, abohna châta eima Khazohpa cha hiah pi ta. Eima Khazohpa ta eima hiana cha miah nathlie ta.

NEHEMIAH 8:2

Thla sarina, noh khana noh ta, theihthaipa Ezrâ ta Ryhpa cha chapawzy, chanôzy nata a pahno thai awpa zawpizy lâ vaw cheih ta.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

ESTHERI 4:3

Bei biepiepa nata châpapuapa a tlôna bia to liata a ypa Zuzy cha thata mâchhiesapa ta, kâhvileipa nata chapa nata chaphôhtupa ta y ei ta. Chyhsa hluhpi cha latho poh a bupa ta buchâh liata a zia ei ta.

ZAWBÂ 2:12

Lâhla tawhta vaw hmô ei ta, a hmia chhao siah khao leipa ei ta. Aoh tlili ta cha ei ta, ama chysiazy hrie ei ta, avâ lâ buchâh pathluahpa ta ama luh chô liata hie ei ta.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

THEIHTHAINA 23:34

“Izarei sawzy chho la, ama hnohta hetana heta reih teh: He thla sarina, noh hrawh hleipangawhna noh he, Abeipa lâta noh sari chhôh Byureih Kyhchhi hmâna nohzy a châ.

THEIHTHAINA 23:39

“A thla sarina, noh hrawh hleipangawhna noh, nama lyu liata kôveizy nama hria khai tawhta, Abeipa kyhchhi noh sari chhôh hmâh aw ei chi ta, a noh khana noh cha apahâna noh zachhihpa châ aw ta, a noh chariena noh chhao apahâna noh zachhihpa a châ aw.

ZAWSUA 7:6

Zawsua cha a chysiazy hrie ta, ano nata Izarei machâzy cha, Abeipa Byh hmiakô liata zâlâ taih â khu lâta alei liata pao ei ta, ama luh liata buchâh mia ei ta.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.

RYUREITUHPAZY 20:26

Chatawhcha Izarei pheisaih zydua cha Bethel lâ khy ei ta, cha ei ta. Cha liata Abeipa hmiakô ta a tyuh ei ta, cha noh liana cha zâlâ taihta kâhvileipa ta ypa ta, raopa hlâna nata aryhna hlânazy Abeipa lâ hlâ ei ta.

1 SAMUELA 4:12

Benzami chyhsa pakha adyuhna su tawhta a vaw râ ta, a chysiazy hriepa ta nata a luh liata dohlei a miapa ta, cha noh lia tlai ta Silô khihpi vaw tlô ta.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.