NEHEMIAH 8:9 - Mara Bible RV (BSI)

⁹ Ryhpa biezy ama thei nahta, zawpi zydua thata cha ei ta. Râhvaotuhpa Nehemiah, theihthaipa nata chârohtuhpa Ezrâ nata zawpi pachutuhpa Livai pathlazy ta zawpi zydua hnohta, “Tanoh he Abeipa nama Khazohpa châta noh pathaihpa a châ hih. Chavâta mâchhiesa leipa u la, cha hra khuh vy,” tah ei ta.

NEHEMIAH 8:9 ပူးပေါင်းရင်းမြစ်များ

2 ABEIZY 22:11

Abei ta Ryhpa Châbu biezy a thei nahta, a chyhsiazy hrie ta.

2 ABEIZY 22:19

he su nata a chhôh liata a pahrâpazy kyh liata, roryhrapa nata chhiesapa ta ama y aw tahpa kyh ei reipa na thei nahta, na palôh naipa ta Abeipa hmiakô liata a panawh chi ta, na chysiazy hriepa ta, ei hmiakô liata na chapa vâta, kei chhao ta ei cha thei, Abeipa ta a tah.

2 THÂTIHZYRONA 15:3

Bohpi chhôh Izarei cha Khazoh hmeiseihpa hnei leipa ta y ta, pachutuhpa theihthaipa nata ryhpa zy hnei leipa ta a y.

2 THÂTIHZYRONA 30:22

Abeipa chakaona rai liata a saomâ ngaitapa Livai pathla zydua chô liata Hezekia ta thapatlôna bie reih ta. Kyhchhi pati cha noh sari chhôh nie ei ta, aryhna hlâna atheihnazy hlâpa ta, Abeipa, ama pathlatuhpazy Khazohpa chô liata alyna bie reih ei ta.

2 THÂTIHZYRONA 34:19

Ryhpa biezy a thei nahta, abei cha a chysiazy hrie ta.

2 THÂTIHZYRONA 34:21

“Vawh u la, châbu ama hmôpa liata â rohpa biezy kyh liata, kei nata Izarei nata Zudâh râh liata laibâhpazy châta Abeipa a kei saohiah teh u. Miah pathlatuhpazy khata he ryhpa châbu liata ropa hawhna heta Abeipa bie ama vaw zyh leipa vâta, Abeipa pathiiana ru ngaitapa eima chô liata lei thlupa a châ ha hih,” tah ta.

2 THÂTIHZYRONA 35:3

Izarei saw zydua pachutuhpa nata Abeipa châta pathaihpa Livai pathlazy hnohta, “Izarei bei Dâvi sawchapawpa Sawlawmaw sapa o liata Byh pathaihpa cha soh teh u. Nama ngiatlâh ta a sy awpa byuh khao aw vei. Tahmâ he Abeipa nama Khazohpa nata a phopi Izarei sawzy cha chakao teh u.

EZRÂ 2:63

Râhvaotuhpa ta ama hnohta, “Uri nata Thumi a saohiah theipa theihthaipa a y hlâlei pati pathaih chaipazy ama nie awpa châ mâh vei,” tahpa ta a chho ei.

EZRÂ 7:11

He he Bei Âtazezia ta theihthaipa Ezrâ hnohta a piepa cha a châ. Theihthaipa Ezrâ cha chârohtuhpa châ ta, Abeipa biepiepazy nata Izarei sawzy châta a bieraopazy kyh liata athaipa a châ.

NEHEMIAH 10:1

Biehrai chahnao pa-ina liata moh ropazy cha, Hâkaliah sawchapawpa râhvaotuhpa Nehemiah, Zedekia,

NEHEMIAH 12:26

Âmo cha Zôki hro nota, râhvaotuhpa Nehemiah daihti nata theihthaipa nata chârohtuhpa Ezrâ daihti liata chakaona rai a hriapa theihthaipazy nata Livai pathlazy ama châ. Zôki paw cha Zesua châ ta, Zesua paw cha Zôzadâ a châ.

NEHEMIAH 7:65

Râhvaotuhpa ta ama hnohta, “Uri nata Thumi a saohiah theipa theihthaipa a y hlâlei pati pathaih chaipazy ama nie awpa châ mâh vei,” tahpa ta a chho ei.

NEHEMIAH 7:70

Chhôhkha pawhrâhpa thokhazy ta thokhy paduapathina rai hria nawpa ta sôh thyu ei ta. Râhvaotuhpa ta ngôh dari 1,000, rahô 50, theihthaipa viahkao 30, tâkâ minâ 500 thyu ta.

NEHEMIAH 8:2

Thla sarina, noh khana noh ta, theihthaipa Ezrâ ta Ryhpa cha chapawzy, chanôzy nata a pahno thai awpa zawpizy lâ vaw cheih ta.

BIECHHOTUHPA 3:4

Cha daihti y ta, pahnei daihti a y; Mâchhiesa daihti y ta, lâ daihti a y;

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

THEIHTHAINA 23:24

“Izarei sawzy chho la, ama hnohta hetana heta reih teh: Thla sarina, cha thla noh khana noh cha nama châta apahâna zachhihpa noh châ ta, chiahmie tôpa ta atheithlâhna noh ta phuah aw ei chi ta, pakhypi pathaihpa hmâna noh a châ aw.

MALAKHAI 2:13

Hmo hropa nama taopa chhao a y via. Abeipa ta nama hmohlâpa uasa khao leipa ta, nama ku tawhta palôhtlâhpa ta a châ hlâ khao leipa vâ ei ta, mothlih, chana nata arôhna ta Abeipa maisâh cha nama pabie.

RAWMA 3:20

Ryhpa vâta moleina pahnona vaw y ta, chavâta chyhsapa ahy hmahta hmotaopa vâta Khazohpa mohmô ta thaichâ thei aw veih ei.

RAWMA 7:9

Eikhano kha ryhpa hnei leipa ta hroh na ta, châhrasala biepiepa a vaw y nahta, moleina a vaw hra ta, kei cha ei thi haw.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RYHPACHANEINA 26:14

Su hrawh su kha cha mâchhie eima sa nota nie leipa pi ta, eima pathaih lei daihti liata chhao kheihawhpa hmah la leipa pi ta, kheihawhpa hmah athihpa hlâ ma pi. Abeipa eima Khazohpa ao nathlie pi ta, bie miah na piepa zydua hawhta eima tao khai.

ZÂMIE 4:9

Pachârôhpa ta y u la, mâchhiesa u la, cha teh u. Nama pahneina cha mâchhiesana lâta a lie sala, namâ lyna chhao hnabeidyna lâta a lie mawh sy.