NEHEMIAH 8:3 - Mara Bible RV (BSI)

³ Ezrâ ta Ti Chhikao tlyhmia tlyliah liata ahmaohpakhypa chapawzy, chanôzy nata a pahno thaipazy lâ a heihpa ta, Ryhpa Châbu cha mydi kari tawhta nohchhô taih reih ta. Chyhsa zydua ta Ryhpa Châbu reina lâ cha ama nah pachôh ei ta.

NEHEMIAH 8:3 ပူးပေါင်းရင်းမြစ်များ

NEHEMIAH 10:29

ama unawh nôpawpazy rei a hly ei ta, Khazohpa chakaotuhpa Mawsi ta a piepa Khazohpa Ryhpa cha zyh ta, Abeipa eima Zibeipa biepiepa zydua nata a ryureinazy nata a bieraopazy zyh awpa ta hetana heta bie amâ taih.

NEHEMIAH 13:1

Cha noh ta, zawpi theina liata Mawsi Châbu cha reih ei ta. Cha liata Amawna mo nata Môabâ mozy cha Khazohpa pakhypi liata amâ ngia cheita awpa châ vei tahpa ropa hmôpa châ ta.

NEHEMIAH 8:1

Chyhsa zydua reihkha tlapa ta, Ti Chhikao tlyhmia tlyliah liata a hmaohpakhy ei ta. Chârohtuhpa Ezrâ hnohta, Abeipa ta Izarei sawzy bie a piepa Mawsi Ryhpa châbu vaw cheih awpa ta chho ei ta.

NEHEMIAH 8:18

Kyhchhi pathao noh tawhta pachhâ noh taihta, Ezrâ ta Khazohpa Ryhpa Châbu cha noh chareih ta reih ta. Kyhchhi cha noh sari hmâh ei ta, a noh chariena noh liata, biepiepa hawhta pakhypi pathaihpa hmâpa a châ.

NEHEMIAH 8:4

Ezrâ cha Ryhpa Châbu rei nawpa ta ama taopa tho tlailai chô liata a duah ta. A chachâh lâ kâ liata Mâtithiah, Semâ, Aniah, Uria, Hikia nata Mâsei zy a duah ei ta, a chavei lâta Pedai, Misela, Mâkia, Hâsu, Hâsbâdanâ, Zekaria nata Mesulâ zy amâ duah.

NEHEMIAH 8:5

Ezrâ cha zawpi zydua hlâta â sâh viapa liata a duah ta, zawpi zydua mohmô ta châbu cha pakai ta, châbu a pakai nahta, zawpi zydua a duah ei ta.

MÂKA 12:37

Dâvi ta ano cha Abeipa a tah tlôh khiahta cha, kheihta ma Krista cha Dâvi sawchapawpa a châ thai aw?” tah ta. Zawpizy ta a ly ngaitapa ta a bie cha nathlie ei ta.

LUKA 19:48

Châhrasala zawpi zydua ta phahnai khoh ngaitapa ta a bie ama nathlie lymâpa vâta, khâpa hmah tao thei veih ei.

LUKA 8:18

Chavâta nama bie theipa liata a chado teh u. A hneipa cha baichhapa châ aw ta, a hnei leipa cha, hneipa hawhta â pachâpa chhao, ano tawhta lapa a châ aw,” tah ta.

HMOTAOPAZY 13:15

Ryhpa châbu nata hrohsopazy châbu tawhta ama rei khai nahta, pakhyna o hyutuhpazy ta âmo lâ chyhsa tuah ei ta, “Unawh saih u, zawpi châta pasyuna bie nama hnei khiahta cha, reih teh u,” tah ei ta.

HMOTAOPAZY 13:27

Zerusale liata a ypazy nata ama ryureituhpazy ta ano cha pahno leipa ei ta, Pahânoh maihta rei tyhpa hrohsopazy bie chhao ama pahno leipa vâta, ano cha thailei pachâsapa ta, hrohsopazy bie ama patlôsapa a châ.

HMOTAOPAZY 15:21

Mawsi ryhpa he, hlâno tawhta khi to liata phuah tyhpa châ ta, Pahânoh maihta pakhyna ozy liata rei tyhpa a châpa kha,” tah ta.

HMOTAOPAZY 16:14

Eima bie a theipazy hry liata pakha cha, Thiatirâ zuah Lydia ama tahpa a châ. Ano cha poh nohsaihpa a zuahpa châ ta, Khazohpa a chhytuhpa chanô a châ. Pawla bie reipa a phapa ta pachâ awpa ta Abeipa ta a palôh pahy ta.

HMOTAOPAZY 17:11

Beria mo cha Thysalawnika mo hlâta pha via ei ta, pahâ ngaitapa ta bie cha dao ei ta, ama reipa cha â do nata do lei pasia nawpa ta noh chareih ta Biehrai a chu pasia tyhpa ama châ.

HMOTAOPAZY 20:11

Pawla cha ochô lâ kiah heih ta, viahchhâ cha eichheih ta, ama nie khai nahta, ama hnohta a pasipi bie reih via heih ta, khih vaw deih pâ ha ta, chatanachata sie ha ta.

HMOTAOPAZY 20:7

Hâta noh hmiatua chaipa liata, viahchhâ eichheih awpa ta eima y pakhy nota, Pawla cha a mylâ sie â chhuahpa vâta, zâcho taihta ama hnohta bie reih ta.

HMOTAOPAZY 28:23

A noh taih ei ta, cha noh liata a tlôna o liata chyhsa hluhpi ta vaw pangai ei ta. My tawhta zâlâ taihta âmo cha chhopasia ta, Khazohpa khinarâh a châhkheipa ta, Mawsi ryhpa nata hrohsopazy châbu liata Zisu kyh reipa ta Zuzy cha pahnie a chhuah ta.

RYHPACHANEINA 31:9

Mawsi ta ryhpa cha roh ta, Abeipa Biehrai Byh a sytuhpa Livai sawchapaw theihthaipazy nata Izarei machâzy hnohta pie ta.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

ZAWSUA 8:35

Mawsi biepiepa zydua kha Zawsua ta Izarei zawpi zydua hnohta a rei leipa y vei. Chanôzy nata hawtizy nata ama hry liata chihropa a ypazy hnohta Zawsua ta a rei leipa ryhpa bie miakha hmah y vei.

BIEPHUAH 2:29

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy,’ a tah na,” tahpa ta.

BIEPHUAH 3:22

Thlahpa ta Awnanopazy hnohta bie a reipa he, nakhaoh a hneipa ta thei mawh sy,’ a tah na,” tahpa ta.