NEHEMIAH 8:2 - Mara Bible RV (BSI)

² Thla sarina, noh khana noh ta, theihthaipa Ezrâ ta Ryhpa cha chapawzy, chanôzy nata a pahno thai awpa zawpizy lâ vaw cheih ta.

NEHEMIAH 8:2 ပူးပေါင်းရင်းမြစ်များ

NEHEMIAH 10:29

ama unawh nôpawpazy rei a hly ei ta, Khazohpa chakaotuhpa Mawsi ta a piepa Khazohpa Ryhpa cha zyh ta, Abeipa eima Zibeipa biepiepa zydua nata a ryureinazy nata a bieraopazy zyh awpa ta hetana heta bie amâ taih.

NEHEMIAH 13:1

Cha noh ta, zawpi theina liata Mawsi Châbu cha reih ei ta. Cha liata Amawna mo nata Môabâ mozy cha Khazohpa pakhypi liata amâ ngia cheita awpa châ vei tahpa ropa hmôpa châ ta.

NEHEMIAH 8:18

Kyhchhi pathao noh tawhta pachhâ noh taihta, Ezrâ ta Khazohpa Ryhpa Châbu cha noh chareih ta reih ta. Kyhchhi cha noh sari hmâh ei ta, a noh chariena noh liata, biepiepa hawhta pakhypi pathaihpa hmâpa a châ.

NEHEMIAH 8:9

Ryhpa biezy ama thei nahta, zawpi zydua thata cha ei ta. Râhvaotuhpa Nehemiah, theihthaipa nata chârohtuhpa Ezrâ nata zawpi pachutuhpa Livai pathlazy ta zawpi zydua hnohta, “Tanoh he Abeipa nama Khazohpa châta noh pathaihpa a châ hih. Chavâta mâchhiesa leipa u la, cha hra khuh vy,” tah ei ta.

NEHEMIAH 9:1

Cha thla, noh kih nata noh palihna noh liata, Izarei sawzy a hmaoh ei ta, kâhvileipa ta y ei ta, latho poh a bupa ta, ama luh liata alei a mia ei ta.

ISAI 28:9

Sahma a paripa theihthaipa nata hrohsopa kyh liata, “Ahy hnohta ma pahnona a pachu bao hra aw tly? Ahy hnohta ma bietapa a chhopasia bao hra aw tly? Sâhpi ti a pathleih dyupazy ma a pachu aw ei? Sâhpi a ngieh khao leipazy ma a chhopasia aw ei?

THEIHTHAINA 23:24

“Izarei sawzy chho la, ama hnohta hetana heta reih teh: Thla sarina, cha thla noh khana noh cha nama châta apahâna zachhihpa noh châ ta, chiahmie tôpa ta atheithlâhna noh ta phuah aw ei chi ta, pakhypi pathaihpa hmâna noh a châ aw.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALUHREINA 29:1

“Thla sarina noh khana noh liata pakhypi pathaihpa hnei aw ei chi ta, rai rupa nama hria awpa châ vei. Nama châta chiahmiezy tôna noh a châ aw.

HMOTAOPAZY 15:21

Mawsi ryhpa he, hlâno tawhta khi to liata phuah tyhpa châ ta, Pahânoh maihta pakhyna ozy liata rei tyhpa a châpa kha,” tah ta.

RYHPACHANEINA 17:18

“A khinarâh beidyuchhai liata â tyu tita, Livai chi theihthaipazy a vaopa ryhpa cha, châbu liata â ro awpa a châ.

ZAWSUA 8:35

Mawsi biepiepa zydua kha Zawsua ta Izarei zawpi zydua hnohta a rei leipa y vei. Chanôzy nata hawtizy nata ama hry liata chihropa a ypazy hnohta Zawsua ta a rei leipa ryhpa bie miakha hmah y vei.