NEHEMIAH 8:17 - Mara Bible RV (BSI)

¹⁷ Seichâna tawhta a vaw kuapa zawpi zydua ta byureihzy tu ei ta, byureihzy liana cha pahrâ ei ta. Nunâ sawchapawpa Zawsua daihti tawhta, cha noh taihta, Izarei sawzy ta byureih kyhchhi vaw hmâh khao leipa ei ta. Chavâta byureih kyhchhi ama hmâ theipa cha amâ ly ngaita.

NEHEMIAH 8:17 ပူးပေါင်းရင်းမြစ်များ

1 THÂTIHZYRONA 29:22

Cha noh ta Abeipa hmiakô liata thapha ngaitapa ta niepa ta doh ei ta. Chatanachata Dâvi sawchapawpa Sawlawmaw cha bei ta ama pa-i chanei heih. Sawlawmaw cha Abeipa châta ryureituhpa châta sathawthu ei ta, Zadô cha theihthaipa châta sathaw ama thu.

2 THÂTIHZYRONA 30:26

Zerusale khihpi cha thaphana ta bie ta, Dâvi sawchapawpa Izarei bei Sawlawmaw daihti tawhta, cha hawhpa hmo cha Zerusale liata y beih vei.

2 THÂTIHZYRONA 35:18

Hrohsopa Samuela daihti tawhna khata, cha hawhpa Zawpakhô kyhchhi cha Izarei râh liata hmâpa châ beih vei. Izarei bei ahy hmahta Bei Zôsia, theihthaipazy, Livai sahlao, cha liata a ypa Zudâh nata Izarei zydua nata Zerusale khihsawzy ta ama hmâpa Zawpakhô kyhchhi hawhpa cha hmâh beih hra veih ei.

2 THÂTIHZYRONA 8:13

Cha raopa hlânazy cha Mawsi biepiepa hawhta noh chareih ta â ngiahna lymâ hawh ta hlâ tyhpa a châ. Pahânoh nata thla thieh nohzy liata hlâ tyhpa châ ta, kô chareih ta taopa kyhchhi miathôhpa, viahchhâ thinô pahlao leipa kyhchhi, Hâta Kyhchhi nata Byureih Kyhchhi lia zy ta hlâ tyhpa a châ.

EZRÂ 3:4

Ryhpa liata ropa hawhta, Byureih Kyhchhi hmâh ei ta, noh chareih ta hlâ awpa zie raopa hawhta raopa hlânazy ama hlâ.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

RYHPACHANEINA 16:15

Abeipa ta â tlyhpa su liata Abeipa nama Khazohpa châta noh sari chhôh kyhchhi nama chay awpa a châ. Chatanachata Abeipa nama Khazohpa ta nama kôvei nata nama ku raihria zydua liata byhnâ cha pie aw ei ta, namâ lyna â ki aw.

HEBRAI 11:13

Cha zydua cha ngiapâna hneipa ta thi ha ei ta. Ama hnohta bietaipa hmozy ama to mâh leipa chhao ta, lâhlapi tawhta saipa ta a naoh ei ta, alei liata cha khichhaipa nata khitlyhpa dei ama châ tahpa ama pahno.

HEBRAI 11:9

Ngiapâna ta bietai râh liata pahrâ awpa ta sie ta, chihropa râh liata ypa hawhta y ta, bietai miakha ryutolâhpa Aisika nata Zakaw zy chhaota poh ozy liata ama pahrâ.

HEBRAI 4:8

Zawsua ta apahâna a vaw pie ha khiah ei ta cha, cha hnôhlâ ta noh hropa kyh Khazohpa ta reih khao aw vei.

ZAWSUA 1:1

Abeipa chakaotuhpa Mawsi a thi tawhta, Mawsi baotuhpa Zawsua, Nunâ sawchapawpa hnohta Abeipa ta,