NEHEMIAH 8:16 - Mara Bible RV (BSI)

¹⁶ Chatanachata zawpizy cha sie ei ta, thobuh chiahzy vaw cheih ei ta, ama o chô liata zy, ama tlyhmia liata zy, Khazohpa o tlyhmia liata zy, Ti Chhikao tlyhmia tlyliah liata zy, Epharai Chhikao tlyhmia tlyliah liata zy, ama byureih cha tu chyu ei ta.

NEHEMIAH 8:16 ပူးပေါင်းရင်းမြစ်များ

2 SAMUELA 11:2

Noh kha cha zâlâ nohtla chy ta Dâvi cha a rakhô tawhta thyu ta, abei o vâphuh liata a hlaihlâ ta, vâphuh tawhta chanô pakha a ngai a si ngâpa za hmô ta, cha chanô cha a chhithai ngaitapa châ ta.

2 ABEIZY 14:13

Izarei bei Zehôasâ ta Ahazia sawchapawpa Zehôasâ sawchapawpa Zudâh bei Amazia cha Beseme liata patu ta. Zerusale lâ vawh ta, Zerusale thokhy cha Epharai Chhikao tawhta Aki Chhikao taihta dy za palih pacho ta.

2 THÂTIHZYRONA 20:5

Zehôsaphâ cha Abeipa o dôhpachhôh tlyhmia thiehpa liata Zudâh nata Zerusale zawpi ahmaohpakhypazy hmiakô liata a duah ta,

2 THÂTIHZYRONA 33:5

Abeipa o dôhpachhôh tlyhmia miano liata avâ liata a ypa zydua châta maisâhzy a padua.

NEHEMIAH 12:37

Tihnawh Chhikao ama tlô nahta, chakhâ lâ a kiahpa thokhy, Dâvi khihpi lâ pangaina lâpi chhâhchabi a chhih ei ta, Dâvi o machhua lâta siepa ta, nochhi lâchhâh ta Ti Chhikao pangaipa ta ama sie.

NEHEMIAH 12:39

Epharai Chhikao, Zesanah Chhikao, Nga Chhikao, Hânane Osâhpa nata Zakha Osâhpa chô lia zy ta sie laih ei ta, Mietaku Chhikao tlôna taihta sie ei ta, Vaituhpa Chhikao liata amâ duah.

NEHEMIAH 3:26

Ôphe liata a ypa Achhyna o chakaotuhpazy ta nochhi lâchhâh Ti Chhikao dady taih nata o sâhpa lâ kiana taihta a taopathi.

NEHEMIAH 8:1

Chyhsa zydua reihkha tlapa ta, Ti Chhikao tlyhmia tlyliah liata a hmaohpakhy ei ta. Chârohtuhpa Ezrâ hnohta, Abeipa ta Izarei sawzy bie a piepa Mawsi Ryhpa châbu vaw cheih awpa ta chho ei ta.

NEHEMIAH 8:3

Ezrâ ta Ti Chhikao tlyhmia tlyliah liata ahmaohpakhypa chapawzy, chanôzy nata a pahno thaipazy lâ a heihpa ta, Ryhpa Châbu cha mydi kari tawhta nohchhô taih reih ta. Chyhsa zydua ta Ryhpa Châbu reina lâ cha ama nah pachôh ei ta.

ZEREMIAH 19:13

Zerusale ozy nata Zudâh beizy ozy, avâ liata hmozy lâta hmohlâpazy hlâna vâphuh to nata khazoh hropazy lâta dopa hlâna patlaina vâphuh to cha, Tôphe su hawhta papuapaleipa a châ aw.’”

ZEREMIAH 32:29

He khihpi a dyuh ngâpa Kaldia mo a vy aw ei ta, khihpi he mei ta rao aw ei ta, ama pakâ khai aw. Ei hie pahâh nawpa ta, vâphuhzy tawhta Bâlâ lâta amâ theih tyhna nata khazoh hropazy lâta dopa hlâna ama patlai tyhna ozy chhao mei ta ama rao khai aw.

RYHPACHANEINA 22:8

“O thiehpa nama sa tita, o chô tawhta chyhsa tla tlamawpa ta, nama o liata thisaih maoh nama paysa lei nawpa ta, o chô cha bâkhâh ta nama dôh awpa a châ.