NEHEMIAH 8:1 - Mara Bible RV (BSI)

¹ Chyhsa zydua reihkha tlapa ta, Ti Chhikao tlyhmia tlyliah liata a hmaohpakhy ei ta. Chârohtuhpa Ezrâ hnohta, Abeipa ta Izarei sawzy bie a piepa Mawsi Ryhpa châbu vaw cheih awpa ta chho ei ta.

NEHEMIAH 8:1 ပူးပေါင်းရင်းမြစ်များ

2 ABEIZY 23:2

Abei nata Zudâh râhsaw zydua, Zerusale khihsaw zydua, theihthaipazy nata hrohsopazy, chyhsa zydua a lai a chyh ta Abeipa o lâ khy ei ta. Abeipa o liata ama hmôpa Biehrai Châbu liata bie zydua cha ama nah theina liata reih ta.

2 THÂTIHZYRONA 34:15

Hikia ta chârohtuhpa Sâphâ hnohta, “Ryhpa Châbu kha Abeipa o liata ei hmô haw,” tah ta. Hikia ta châbu cha Sâphâ pie ta.

2 THÂTIHZYRONA 34:30

Abei nata Zudâh râhsaw zydua, Zerusale khihsaw zydua, theihthaipazy nata Livai pathlazy, chyhsa zydua a lai a chyh ta Abeipa o lâ khy ei ta. Abeipa o liata ama hmôpa Biehrai Châbu liata bie zydua cha ama nah theina liata reih ta.

EZRÂ 7:1

Cha hnôhlâ ta, Persia bei Âtazezia â bei nota, Ezrâ cha Babylaw tawhta Zerusale lâ khy ta. Ezrâ cha Seriah sawchapawpa châ ta, Seriah cha Azariah sawchapawpa châ ta, Azariah cha Hikia sawchapawpa châ ta,

EZRÂ 7:10

Ezrâ cha Abeipa Ryhpa a chu ta, â chupazy cha hrokhei ta, Abeipa bieraopazy nata pachianazy cha, Izarei liata pachu awpa ta a palôh liahsa tao ta.

EZRÂ 7:11

He he Bei Âtazezia ta theihthaipa Ezrâ hnohta a piepa cha a châ. Theihthaipa Ezrâ cha chârohtuhpa châ ta, Abeipa biepiepazy nata Izarei sawzy châta a bieraopazy kyh liata athaipa a châ.

EZRÂ 7:6

Ezrâ cha chârohtuhpa châ ta, Abeipa Izarei Khazohpa piepa Mawsi Ryhpa a thai ngaitapa a châ. Abeipa a Khazohpa ku a chô liata a ypa vâta, a hiapa maih abei ta a pie lymâ.

NEHEMIAH 12:26

Âmo cha Zôki hro nota, râhvaotuhpa Nehemiah daihti nata theihthaipa nata chârohtuhpa Ezrâ daihti liata chakaona rai a hriapa theihthaipazy nata Livai pathlazy ama châ. Zôki paw cha Zesua châ ta, Zesua paw cha Zôzadâ a châ.

NEHEMIAH 12:37

Tihnawh Chhikao ama tlô nahta, chakhâ lâ a kiahpa thokhy, Dâvi khihpi lâ pangaina lâpi chhâhchabi a chhih ei ta, Dâvi o machhua lâta siepa ta, nochhi lâchhâh ta Ti Chhikao pangaipa ta ama sie.

NEHEMIAH 3:26

Ôphe liata a ypa Achhyna o chakaotuhpazy ta nochhi lâchhâh Ti Chhikao dady taih nata o sâhpa lâ kiana taihta a taopathi.

NEHEMIAH 8:16

Chatanachata zawpizy cha sie ei ta, thobuh chiahzy vaw cheih ei ta, ama o chô liata zy, ama tlyhmia liata zy, Khazohpa o tlyhmia liata zy, Ti Chhikao tlyhmia tlyliah liata zy, Epharai Chhikao tlyhmia tlyliah liata zy, ama byureih cha tu chyu ei ta.

NEHEMIAH 8:3

Ezrâ ta Ti Chhikao tlyhmia tlyliah liata ahmaohpakhypa chapawzy, chanôzy nata a pahno thaipazy lâ a heihpa ta, Ryhpa Châbu cha mydi kari tawhta nohchhô taih reih ta. Chyhsa zydua ta Ryhpa Châbu reina lâ cha ama nah pachôh ei ta.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

THEIHTHAINA 9:5

Mawsi biepiepa hawhta, hmo hlâ awpazy cha ahmaohna poh o tlyhmia liata vaw cheih ei ta, zawpi zydua ta a kei hniapa ta, Abeipa hmiakô liata a duah ei ta.

MALAKHAI 4:4

“Nâ chakaotuhpa Mawsi ryhpa kha a thei u la, Izarei zydua châta Hôribâ tlâh liata ei piepa biepiepazy nata ryhpazy kha a thei teh u.

MATHAI 13:52

Zisu ta ama hnohta, “Chavâta vârâh khinarâh châta pachusapa ryhpa pachutuhpa maih cha, o hneituhpa ta a ryubyh tawhta hmo thiehpa nata hmo parohpa a thao papuapa hawhta a châ,” tah ta.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 23:2

“Ryhpa pachutuhpazy nata Phârisaihzy cha Mawsi dyuchhai liata a tyuhpa ama châ.

MATHAI 23:34

Chavâta hrohsopazy, chyhsa sopazy nata ryhpa pachutuhpazy ei cha vaw tuapa ei. Thokha thie aw ei chi ta, thokha nama khaipâ aw. Thokha cha namâ pakhyna ozy liata chhei aw ei chi ta, khi kha tawhta khi hro lâta nama taola laih lymâ aw.

RYHPACHANEINA 31:11

Izarei saw zydua Abeipa nama Khazohpa ta su â tlyh awpa liata a hmiakô liata amâ vaw luah tita, he ryhpa he Izarei saw zydua theipa ta nama reih awpa a châ.

RYUREITUHPAZY 20:1

Izarei saw zydua, Dânâ tawhta Besebâ taihta, Kilia râh chhao a hlaopa ta pua ei ta, reih kha tlapa ta Mizpâ khih liata Abeipa hmiakô ta a hmaoh ei ta.

RYUREITUHPAZY 20:8

Zawpi zydua cha reih kha tlapa ta thyu ei ta, “Ahy hmahta eima poh o lâ a di leipa aw pi ta, ahy hmahta eima o lâ a lie aw ma pi.