NEHEMIAH 7:65 - Mara Bible RV (BSI)

⁶⁵ Râhvaotuhpa ta ama hnohta, “Uri nata Thumi a saohiah theipa theihthaipa a y hlâlei pati pathaih chaipazy ama nie awpa châ mâh vei,” tahpa ta a chho ei.

NEHEMIAH 7:65 ပူးပေါင်းရင်းမြစ်များ

EZRÂ 2:63

Râhvaotuhpa ta ama hnohta, “Uri nata Thumi a saohiah theipa theihthaipa a y hlâlei pati pathaih chaipazy ama nie awpa châ mâh vei,” tahpa ta a chho ei.

NEHEMIAH 10:1

Biehrai chahnao pa-ina liata moh ropazy cha, Hâkaliah sawchapawpa râhvaotuhpa Nehemiah, Zedekia,

NEHEMIAH 7:64

Cha sahlaozy cha theihthaipazy thyutôna rona châbu liata ama moh tlua ei ta, châhrasala hmô veih ei. Chavâta pathaih leipa hawhta pachâpa châ ei ta, theihthaipazy hry liata pahlaopa châ veih ei.

NEHEMIAH 7:66

Seichâna tawhta a vaw kuapa Zawpi maluh zydua cha 42,360 a châ.

NEHEMIAH 7:70

Chhôhkha pawhrâhpa thokhazy ta thokhy paduapathina rai hria nawpa ta sôh thyu ei ta. Râhvaotuhpa ta ngôh dari 1,000, rahô 50, theihthaipa viahkao 30, tâkâ minâ 500 thyu ta.

NEHEMIAH 8:9

Ryhpa biezy ama thei nahta, zawpi zydua thata cha ei ta. Râhvaotuhpa Nehemiah, theihthaipa nata chârohtuhpa Ezrâ nata zawpi pachutuhpa Livai pathlazy ta zawpi zydua hnohta, “Tanoh he Abeipa nama Khazohpa châta noh pathaihpa a châ hih. Chavâta mâchhiesa leipa u la, cha hra khuh vy,” tah ei ta.

PUASAINA 28:30

Pachiana chachôhna vyhphao liata Uri nata Thumi soh aw chi ta, Abeipa hmiakô lâ Arawna a vaw tita, cha cha a pathipalôh liata y aw ta, chatanachata Izarei sawzy pachiana cha Arawna ta a pathipalôh liata khatino rai ta a theipa ta, Abeipa hmiakô liata â dua tyh awpa a châ.

THEIHTHAINA 2:10

Niepa hlâna laibâhpazy cha Arawna nata a sawchapawzy châta a châ aw. Cha cha Abeipa lâta mei ta hlâpazy hry liata hmo pathaih chaipa a châ.

THEIHTHAINA 2:3

Niepa hlâna laibâhpazy cha Arawna nata a sawchapawzy châta a châ aw. Cha cha Abeipa lâta mei ta hlâpazy hry liata hmo pathaih chaipa a châ.

THEIHTHAINA 6:17

Viahchhâ cha thinô pahlaopa ta tao awpa châ vei. Cha cha kei lâta mei ta hmohlâpa tawhta ama tovyuh awpa ta ei piepa châ ta, moleina hlâna nata thaileichâna hlânazy hawhta hmo pathaih ngaitapa a châ.

THEIHTHAINA 8:8

Cha khai tawhta chachôhna vyhphao paky ta, chachôhna vyhphao liana cha Uri nata Thumi khô ta.

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

RYHPACHANEINA 33:8

Livai châta byhnâ awna: “Livai hnohta na Thumi pie la, Na mopathaihpa hnohta na Uri pie mah y. Ano cha Mâsâ liata pasia chi ta, Meribâ tizy liata na pahao.