NEHEMIAH 7:63 - Mara Bible RV (BSI)

⁶³ Theihthaipa a vaw liepazy cha Hôbiah pathlazy, Hâkô pathlazy nata Bâzilai pathlazy ama châ. Bâzilai pathlazy cha, chyhsa pakha ta Kilia chyhsa Bâzilai sawchanô lapinô ta hnei ta, ama moh a phaoh pâ hapa pathlazy ama châ.

NEHEMIAH 7:63 ပူးပေါင်းရင်းမြစ်များ

2 SAMUELA 17:27

Dâvi cha Mâhanai a vaw tlô nahta, Amawna pathla Râbâ khihpa Nahâsâ sawchapawpa Sôbi, Lôdebâ khihpa Amie sawchapawpa Mâkhi nata Rôkeli khihpa Kilia chyhsa Bâzilai zy ta

1 ABEIZY 2:7

Kilia chyhsa Bâzilai sawchapawzy chô liata deikua cha ngiachhiena palâsa la, âmo cha na tlâhkhai liata pati a dôhtuhpa hry liata pahlao hra mah y. Na unawhpa Absalaw tawhta ei râ nona khata, âmo cha thapasa ngaitapa ta keima lâ a vypazy ama châ.

1 THÂTIHZYRONA 4:8

Kôza ta Anu, Zôbebâ nata Hâru sawchapawpa Ahahe phozy pathla ta.

NEHEMIAH 3:4

Âmo pazipa ta Hâkô sawchapawpa Uria sawchapawpa Meremô ta taopathi ta. Âmo pazipa ta Mesezabe sawchapawpa Berekiah sawchapawpa Mesulâ ta taopathi ta. Âmo pazipa ta Bânâ sawchapawpa Zadô ta taopathi ta.

NEHEMIAH 7:62

Chazy cha Deliah pathlazy, Tôbia pathlazy nata Nekôdâ pathlazy châ ei ta, ama zydua ta 642 ama châ.

NEHEMIAH 7:64

Cha sahlaozy cha theihthaipazy thyutôna rona châbu liata ama moh tlua ei ta, châhrasala hmô veih ei. Chavâta pathaih leipa hawhta pachâpa châ ei ta, theihthaipazy hry liata pahlaopa châ veih ei.