NEHEMIAH 7:6 - Mara Bible RV (BSI)

⁶ Hezy he Babylaw bei Nebukaneza ta Zudâh râh tawhta Babylaw lâ sei ta â chhipa, Zerusale nata Zudâh râh liata ama khih lâ chyu ta a vaw kuapazy ama châ.

NEHEMIAH 7:6 ပူးပေါင်းရင်းမြစ်များ

2 ABEIZY 25:11

Khihpi liata siesaipa chyhsazy nata Babylaw bei lâ âmo kho ta â hlâpazy nata zawpi laibâhpazy cha, abei vaituhpazy hyutuhpa Nebuzarâdâ ta sei ta â chhi khai ha ei.

EZRÂ 5:8

He he abei ta vaw pahno mawh sy. Zudâh râh liata Khazohpa rônahpa o lâ khy pi ta. O cha alô lai ngaita­pazy ta sapa châ ta, a pâhchhôzy tho ta chhôhpa a châ. Ama ku liata rai cha a phapa ta sie ta, a hmasie lymâ.

EZRÂ 6:2

Media râh liata Ekabâtanâ khihpi liata abei o liata châchatypa, a chhôh liata he hawhta ropa hmô ei ta:

NEHEMIAH 1:3

Âmo ta ei hnohta, “Seichâna tawhta a vaw kuapa, Zudâh râh liata ahrohpa ta a ypazy cha, nôpo ngaitapa nata noza hmiachhiepa ta y ei ta, Zerusale thokhy cho khai ha ta, a chhikaozy mei ta a kâ khai haw,” tahpa ta na chho ei ta.

NEHEMIAH 7:7

Chazy cha Zerubâbe, Zesua, Nehemiah, Azariah, Râmiah, Nâhamani, Môdekai, Bilsâ, Mispere, Bikavai, Nehu nata Bânâ zy chhaota amâ vaw lie. He he seichâna tawhta a vaw kuapa Izarei phopi maluh a châ: